LUKAS 10:29 - KITTA' MATANGKASA'

²⁹ Mingka ero'mi napattojeng kalenna anjo guru agamaya. Jari akkuta'nammi pole nakana, “Inai anjo parangku tau?”

LUKAS 10:29 Iomraidhean Croise

AYUB 32:2

Mingka anjoreng nia' sitau niareng Elihu, ana'na Barakheel, turungang Bus battu ri golongang Ram. Tanakulleai natahang larrona, lanri Ayub nasalakangi Allata'ala nampa napattojeng kalenna.

KAIMANGNGANG 19:34

Pasangkammai batenu appanggaukang mae ri ke'nanga siagang mae ri julu bansanu siagang kamaseangi ke'nanga sangkamma nukamaseanna batangkalennu. U'rangi angkanaya ikau le'ba' tonjako a'jari bansa tubattu-battu ri Mesir. INakke Karaeng Allata'alanu.

MARKUS 8:34

Nampa Nakio' Isa anjo tau jai niaka anjoreng, siagang ana'-ana' gurunNa. Nampa Nakana ri ke'nanga, “Tau eroka amminawang ri Nakke, musti nakaluppai kaparalluang kalenna, nampa napisang salli'na, natulusu' amminawang ri Nakke.

LUKAS 10:36

Nampa Natongko' Isa anjo caritaya siagang Nakuta'nammi anjo taua Nakana, “Battu ri anjo tallua tau, turu' panggappanu, kereanga kalase'renna a'jari paranna tau mae ri anjo tau niellaka?”

LUKAS 16:15

Mingka Nakanamo Isa ri ke'nanga, “Ikau ngaseng mintu bajika ngaseng nicini' ri dallekanna tau maraenga, mingka Naassengi Allata'ala bonena atinnu. Nasaba' apa nacini' tinggia rupataua iami Nacini' tuna Allata'ala.

ROMA 10:3

Tena naassengi ke'nanga antekamma caraNa Allata'ala ampa'jari bajiki ammotere' passisambunganNa siagang rupataua. Nalanri cara kalenna ke'nanga naturuki, jari tenamo nanaturuki ke'nanga cara Napappicinikanga Allata'ala.

ROMA 4:2

Punna lanri apa-apa nagaukanga nakkulle nitarima ri Allata'ala a'jari tau nikarannuang ri atinNa Allata'ala, tantu nia'ja alasanna untu' latinggi pa'mai'. Mingka takkulleai tinggi pa'mai' ri dallekanNa Allata'ala.

GALATIA 3:11

Tenanniakka manna sitau akkulle assibajiki siagang Allata'ala, lanri nagaukanna hukkung-hukkung agamaya. Anjo kammaya le'ba'mi nipau lalang ri Kittaka angkanaya, “Tau tappakaji bawang mae ri Allata'ala akkulle a'jari baji' ammotere' passisambunganna siagang Allata'ala; iami lakkulle anggappai katallassanga!”

YAKOBUS 2:24

Jari singara'mi kamma-kamma anne, angkanaya nanitarima baji' taua ri Allata'ala iamintu lanri panggaukanna anjo taua; jari teai lanri tappa'na bawang.