Biblia Todo Logo
Bìoball air-loidhne

- Sanasan -




LUKAS 10:25 - KITTA' MATANGKASA'

25 Nampa nia'mo sitau guru agama battu ero' ampa'boyangi sala Isa. Akkuta'nammi ri Isa nakana, “Bapa' Guru, apa musti kugaukang sollanna akkulle kugappa katallassang satunggu-tunggua?”

Faic an caibideil Dèan lethbhreac




LUKAS 10:25
13 Iomraidhean Croise  

Wattunna Napatulusu' pole lampaNa Isa, nia'mo sitau lari-lari battu mae ri Ia. Su'ju'mi anjo taua ri dallekanNa Isa nampa akkuta'nang nakana, “O Guru baji', apa musti kugaukang sollanna akkulle kugappa katallassang sitojennaya siagang satunggu-tungguna?”


Appialimi Isa Nakana, “Apa naparentakangko Musa?”


Nampa nia'mo sitau guru agama battu ampilangngeri pa'bicaranNa Isa siagang anjo tu Sadukia. Nalangngere'mi anjo guru agamaya angkanaya baji' sikali batena Isa appiali ri anjo tu Sadukia. Jari akkuta'nammi ri Isa nakana, “Kereanga parenta kaminang parallu ri sikontua parentaNa Allata'ala?”


Nasaba' u'rangi angkanaya: Jai na'bi-na'bi siagang karak-karaeng ero' anciniki anne nucinika ri kamma-kammaya anne, mingka takkulleai nacini' ke'nanga. Eroki ke'nanga allangngereki anne apa nulangngereka ri kamma-kammaya anne, mingka takkulleai nalangngere' ke'nanga.”


Appialimi Isa Nakana, “Apa tattulisi' lalang ri Kittaka? Antekamma panggappanu ri anjo passalaka?”


Nia' sitau pamimping tu Yahudi akkuta'nang ri Isa nakana, “O, Pa' Guru, baji' pa'maika, apa musti kugaukang sollanna kugappa katallassang sitojennaya siagang mannannunganga?”


Mingka taerokai tu Farisia siagang guru-guru agamaya antarimai rancanaNa Allata'ala eroka ampasalamaki ke'nanga. Taerokai ke'nanga nije'ne' ri Yohanes.


Nakkuta'nang kamma ke'nanga, lanri eroki ke'nanga ampa'boyangi kasalang Isa sollanna akkulle ke'nanga assalakangi Isa. Mingka a'dunduji Isa, annulisi' siagang karemenNa naung ri buttaya.


Nasaba' punna battu ri ia anjo hukkung agamaya naNapassareang passareNa Allata'ala, anjo passarea teaimi battu ri janjinNa Allata'ala.


Lean sinn:

Sanasan


Sanasan