LUKAS 10:24 - KITTA' MATANGKASA'

²⁴ Nasaba' u'rangi angkanaya: Jai na'bi-na'bi siagang karak-karaeng ero' anciniki anne nucinika ri kamma-kammaya anne, mingka takkulleai nacini' ke'nanga. Eroki ke'nanga allangngereki anne apa nulangngereka ri kamma-kammaya anne, mingka takkulleai nalangngere' ke'nanga.”

LUKAS 10:24 Iomraidhean Croise

MATIUS 13:16

Nakana pole Isa ri ana'-ana' gurunNa, “Ikau, teai sipato' upa'nu ngaseng. Nasaba' ikau accini' baji' ngaseng mako siagang allangngere' baji' ngaseng mako.

LUKAS 10:23

Nampa assaile Isa mae ri ana'-ana' gurunNa, na Nakana ri ke'nanga bawang, “Upa' ngaseng mako ikau, nasaba' nucini'mi anne apa nucinika ri kamma-kammaya anne.

LUKAS 10:25

Nampa nia'mo sitau guru agama battu ero' ampa'boyangi sala Isa. Akkuta'nammi ri Isa nakana, “Bapa' Guru, apa musti kugaukang sollanna akkulle kugappa katallassang satunggu-tunggua?”

YOHANES 8:56

Sannang sikali nyawana manggenu Abraham lanri lanaciniki allongKu. Ba'lalo nacini'mi siagang sannammi nyawana!”

IBRANI 11:13

Sikamma anjo ke'nanga tappa' ngasengi sa'genna mate. Tenapa natarimai ke'nanga anjo apa-apa Napa'janjianga Allata'ala, mingka poro nacini' bellaji ri pa'mai'na ke'nanga siagang panrannuang. Nalalang kammana anjo napappicinikammi ke'nanga angkanaya poro tau battu-battuji ke'nanga ri anne linoa.

IBRANI 11:39

Teai sipato' lompona pammetang nagappaya ngaseng anjo taua lanri tappa'na ke'nanga! Mingka tenapa natarimai anjo apa Napa'janjianga Allata'ala;