LUKAS 10:2 - KITTA' MATANGKASA'

² Nakanamo ri ke'nanga, “Jaimi ero' lanikatto, mingka sike'de'ji tau eroka nisuro akkatto. Jari, pala'mi ri Patanna tana, sollanna Nasuro pajamaya battu angkattoi wassele' lamung-lamunNa.

LUKAS 10:2 Iomraidhean Croise

1 KARAENG-KARAENG 18:22

Nampa nakanamo pole Elia, “Battu ri sikamma na'bi-na'biNa Batara, inakke mami tassesa, padahala' anrinni nia' 450 na'bi Baal.

PAMMUJI 68:11

Nampa ammantang ummatTa anjoreng; lalang kabajikanTa, o, Allata'ala, Kiparakai tu kasi-asia.

YEREMIA 3:15

LaKusareko pamimping-pamimping mannurukia ri Nakke. Lanapimpingko ke'nanga siagang baji' kammayatompa mapahang bajika.

ZAKHARIA 11:17

Nitunraimi anjo pakalawaki tenaya matu-matunna! Nabokoimi pa'rappunganna gimbala'na. Lanipa'le'baki kakoasanna ri pa'bundukanga. La'jari lammai paling-palinna siagang la'jari butai mata kananna.”

ZAKHARIA 11:5

Sikamma tummallina lanabunoi anjo sikamma gimbalaka natanggappaya hukkungang. Nakana ke'nanga anjo tau ambalukangai dagenna anjo sikamma gimbalaka, ‘Nipujimi Batara! Kamma-kamma anne pila' akkalumanynyangki'!’ Anjo sikamma pakalawakia tena pangngamaseanna mae ri sikamma gimbala' piarana ke'nanga.

PAMMILANGNGANG 11:17

LanaungA' siagang la'bicara siagang ikau anjoreng ri tampaka, nampa anjo koasa Kupassareanga ri kau, laKupassareangi sipa'gang mae ri ke'nanga. Jari akkullei ke'nanga ambantuko ampisangi tanggong jawaka mae ri anne bansaya, sa'genna tenamo nakale-kalennu ampisangi.

PAMMILANGNGANG 11:29

Appialimi Musa angkana, “Angngapa na inakke nunawa-nawa? Ba'lalo kuminasai inakke sollanna Napassareang RohNa mae ri sikontu bansaNa, siagang Napa'jari na'bi ngaseng ke'nanga!”

MATIUS 20:1

“Punna ammarenta Allata'ala, pangngebaranna lakammaminne: Nia' se're tau ero' a'boya pajama ri koko anggoro'na. A'lampa bari'basa'mi a'boya tau.

MARKUS 13:34

Pangngebarranna lasangkammai tau a'lampaya ambokoi balla'na nampa mange ri se'reang pa'rasangang bella. Nasuroi palayang-palayanna angngurusuki balla'na, siagang massing nasarei jama-jamang. Pajaga pakke'bu'na napasangi sollanna a'jaga baji'-baji'.

MARKUS 16:15

Nakanamo Isa ri ke'nanga, “A'lampamako mange ri sikontu linoa, siagang pa'la'bammi Kabara' Baji' battua ri Allata'ala, mange ri sikontu rupataua.

MARKUS 16:20

A'lampami ana'-ana' gurunNa ampa'la'bangi biritta battua ri Allata'ala, mange ri kere-keremae. Na nirurungammo ri Allata'ala lalang jama-jamanna ke'nanga. Siagang napa'buttimi angkanaya ma'nassa tojengi anjo biritta napabattua ke'nanga, lanri gau'-gau' appakalannasaka napappicinikanga ke'nanga. [

LUKAS 9:1

Nakio'mi Isa sampuloa anrua ana' gurunNa. Nampa Nasare ke'nanga koasa untu' ambongkai setanga, siagang amballei tau garringa.

LAMPA-LAMPANA 11:19

Ri le'ba'namo Stefanus nibuno, appakkaramulami niondang mange-mange tau tappaka ri Isa, sa'genna tassia'-siara'mo ke'nanga ri kere-keremae. Nia' lari mange ri Fenisia, nia' todong mange ri Siprus siagang Antiokhia. Napabattumi ke'nanga kabara' battua ri Allata'ala. Mingka tu Yahudiaji bawang napabattuang ke'nanga.

LAMPA-LAMPANA 13:2

Ri wattunna assambayang mae ri Batara siagang appuasa ke'nanga, Nakanamo RohNa Allata'ala mae ri ke'nanga, “Pilei nanusa'lakkangA' Barnabas siagang Saulus, sollanna Kusuro anjamai jama-jamang le'baka Kupattantuangi ke'nanga.”

LAMPA-LAMPANA 13:4

Lanri nisuroi ke'nanga ri RohNa Allata'ala, a'lampami Barnabas siagang Saulus mange ri Seleukia. Battu anjorengi ke'nanga assombala' mange ri pulo Siprus.

LAMPA-LAMPANA 20:28

Paralluko anjagai kalennu. Kammayatompa paralluko anjagai sikontu jamaah le'baka Napassareang RohNa Allata'ala mae ri kau untu' lanujagai; nasaba' le'ba' mako niangka' a'jari tummarakai ri anjo jama'aka. Parallui nujagai anjo jama'aNa Allata'ala, sanrapang pakalawaki anjagai gimbala'na; nasaba' le'ba'mi Napa'jari Allata'ala anjo jama'aka a'jari pisakaNa lanri kamateanNa Ana' KalenNa.

LAMPA-LAMPANA 22:21

Mingka Nakanamo pole Batara mae ri nakke, ‘A'lampamako, nasaba' laKusuroko a'lampa mange ri tampa'-tampa' bellaya, mange ri bansa-bansa maraenga.’ ”

LAMPA-LAMPANA 8:4

Sikamma anjo tau tappa' tassiaraka, massing napabattumi anjo Kabara' Baji' battua ri Allata'ala ri kere-keremae.

1 KORINTUS 12:28

Sangkamma tomminjo sanrapanna lalang ri jama'aka; le'ba'mi Napattantu Allata'ala massing tampa'na tasse're-se'rea tau: uru-uruna nia' a'jari tunisuroNa Allata'ala, makaruana na'bi-na'bi, makatalluna guru-guru, nampa anggaukanga gau' appakalannasa' nampa nia' maraenganga nisare pakkulle untu' ampakabajiki tau garringa, yareka untu' antulungi paranna tau, yareka untu' ammimping, yareka kacara'dekang untu' a'bicara a'rupa-rupa bicara appakalannasaka.

1 KORINTUS 15:10

Mingka lanri pangngamaseanNa Allata'ala, nakunipa'jarimo sangkamma anne ri kamma-kammaya anne. Siagang tena nasia-sia pammopporanNa Allata'ala mae ri nakke. Ba'lalo inakkemi kaminang anjama terasa' ri sikamma tunisuroa. Mingka sikontutojenna anjo sikammaya teai usahaku; anjo usahaNa Allata'ala, mangngamaseanga mae ri nakke, siagang niaka angngaganga' sipanjamang.

2 KORINTUS 6:1

Lanri assiaganNa Allata'ala ikambe anggaukangi anjo jama-jamanga, iami anjo nanapala' tojeng-tojemmo ikambe sollanna tena nanubawang-bawangangi anjo kabajikang pa'mai'Na Allata'ala.

FILIPI 2:21

Ia maraenganga sangnging kaparalluang kalenna ngasenji naurusu'; teai kaparalluanNa Isa Almasi.

FILIPI 2:25

Ri passala'na sari'battanta Epafroditus, le'baka nusuro battu ambantua', parallui kusuro ammotere' mae ri kau. Le'ba'ma' nabantu lalang ri jama-jamangku siagang usahaku.

FILIPI 2:30

Sike'deki mate lanri kaparalluang jama-jamanNa Almasi; nabotorimi nyawana lanri ero'na antulunga' lalang arennu ngaseng.

KOLOSE 1:29

Untu' yangasennami anjo passalaka nakuanjama terasa'mo. Usaha tojeng-tojemma' siagang sikontu pakkulle Napassareanga Almasi mae ri nakke; na anjo anjamaya lalang ri kalengku sanna' makoasana.

KOLOSE 4:12

Sallang battu ri Epafras. Anne Epafras tau battu antureng tonji. Pajama-jamaNa tongi Isa Almasi, tenaya lanrena tuli ampappala' doangangko. Sanna' napala'na mae ri Allata'ala, sollanna pila' jarre' tappa'nu siagang a'jari toa tojeng pikkirang rohaninu; sollannu a'jari sukku' mannurukinnu mae ri ero'Na Allata'ala.

1 TESALONIKA 2:9

Tantu nuu'rangi ngasengiji antekamma terasa'na usaha siagang barjuang ikambe. Allo bangngi anjama ikambe sollanna tena manna sitau ri kau nisusai ri kambe, ri wattunna napa'la'bang ikambe anjo Kabara' Baji' battua ri Allata'ala mae ri kau.

1 TESALONIKA 5:12

Sikamma sari'battangku; kipala' tojeng-tojengi mae ri kau ngaseng, sollanna nupakala'biri' tau niaka anjama-jama ri tangnga-tangnganu; iamintu sikamma tau le'baka Napile Batara untu' ampimpingko siagang ampakaingakko.

2 TESALONIKA 3:1

Kala'busanna, sari'battangku, appala' doangko untu' ikambe. Appala' doangko sollanna akkulle a'la'bang linta' siagang nitarima baji' biritta battua ri Batara, sangkamma le'baka kajariang mae ri kau ngaseng pirangalloang.

1 TIMOTIUS 4:10

Iaminjo saba'na kippattujuang siagang anjama terasa', lanri manrannuang tojeng-tojengki' mae ri Allata'ala mattallasaka; Iami Batara Mappasalama'na sikontu rupataua, la'biangampa pole mae ri sikamma tau tappaka.

2 TIMOTIUS 4:5

Mingka manna naantekamma, ikau musti nupakalewai kalennu. Sa'barakko lalang ri kapa'risannu, siagang gaukangi jama-jamannu ambirittakangi anjo Kabara' Bajika, kammayatompa gaukang baji' tommi jama-jamannu a'jari palayanNa Allata'ala.

FILEMON 1:1

Natarimai Filemon, sari'battanna siagang belana ikambe! Battu ri nakke Paulus nitarungkua kamma-kamma anne passabakkang Isa Almasi; siagang pole sari'battanta Timotius. Ikambemi ampareki anne suraka untu' ikau

IBRANI 3:6

Mingka tamalanreai Isa salaku Ana' antanggongiai amparakai Balla'Na Allata'ala. Na ikattemi anne sanrapang Balla'Na Allata'ala, punna tuli lompona sumangatta siagang tuli tappatta angkanaya tena tanigappana anjo apa niminasaia.

PAPPICINI' 2:1

“Untu' mae ri malaeka'na jama'ah Efesus, tulisiki kamma anne: Iaminne pappasang battu ri Ia anta'galakai anjo tujua bintoeng ri lima kananNa, siagang a'jappaya ri alla'na anjo tujua bangkeng lampu bulaenga.