LUKAS 10:19 - KITTA' MATANGKASA'

¹⁹ Assemmi, angkanaya le'ba' mako Kusare koasa sollannu akkulle angngonjokkangi ularaka siagang olo'-olo' akkullea ammuno tau racunna. Kammayatompa, sollanna akkulle nubeta ngaseng musu-musu kassaka, natena nunggappa kapanrakang.

LUKAS 10:19 Iomraidhean Croise

2 PATTOTTORANG 10:11

Nabattalliko manggeku, mingka inakke la'bi lakubattalliko. Nacambokko manggeku siagang pa'ba'bala' biasa, mingka inakke lakucambokko siagang pa'ba'bala' akkatinting bassia!’ ”

PAMMUJI 91:13

Lanudakkai ularaka siagang singaya, langngonjokko singa rungka siagang ulara' a'racung.

YESAYA 11:8

Ba'lalo ana' loloa talangngapayai punna akkarena ri ampi'na ulara' a'racunga.

YEHEZKIEL 2:6

Mingka ikau, he tau, teako mallakki mae ri anjo tau paewaya, yareka mae ri manna apa pole nakana ke'nanga. Lanaewako siagang lanahinako ke'nanga, sa'gennu rapangko tau attallasaka ri tangnga-tangngana olo'-olo' niaka racunna punna angngokko'. Mingka manna nakamma teako mallakki.

MARKUS 16:18

Punna anna'galaki ulara' yareka angnginungi racung, talamangngapa-apayai ke'nanga. Punna napadongko' limanna ke'nanga irateanganna tau garringa, la'jari bajiki anjo tau garringa.”

LUKAS 11:12

Yareka assarei olo'-olo' niaka racunna, punna appala' bayao ana'na?

LAMPA-LAMPANA 28:5

Mingka nasoeammi Paulus anjo ularaka antama' ri pepeka siagang tena sikali manna sike'de' pa'risi'na nakasia'.

ROMA 16:20

Allata'ala assarei salewangang rupataua; tasalloami naancuru' Billisika nampa naboli' irawangang kakoasannu. Poro tuli nibarakkaki ngasengko ri Batarata Isa Almasi!

PAPPICINI' 11:5

Punna nia' tau ancoba-cobai a'gau' kodi mae ri ke'nanga, lassulu'mi battu ri bawana ke'nanga pepe' akkullea angngancuruki musu-musunna. Kammaminjo carana nanabuno sikamma tau eroka ampa'ri'-pa'risi ke'nanga.