LUKAS 10:16 - KITTA' MATANGKASA'

¹⁶ Nampa Nakana Isa mae ri ana'-ana' gurunNa, “Inai-nai ampilangngeri kanannu, iNakke mintu napilangngeri. Inai-nai ansorongbokoko, iNakke mintu nasorongboko. Na inai-nai ansorongbokoA', nasorongboko tommi Allata'ala assuroA'.”

LUKAS 10:16 Iomraidhean Croise

KALAPPASSANG 16:7

Ammuko lanucini' ngasengi singara' kahaderanNa Batara. Nalangngereki Batara angkanaya larro-larro ngasengko mae ri Ia; iyo, Batara nukalarroi, nasaba' anne ikambe poro parentaNaji nagaukang ikambe.

KALAPPASSANG 16:8

LaNasareko Batara dageng punna karueng, siagang roti punna bari'basa' sa'gennu bassoro', lanri Nalangngere'mi Batara angkana a'larro-larro ngasengko ri Ia. Sitojenna punna a'larro-larroko mae ri kambe, Batara nukalarroi.”

MALEAKHI 1:6

Nakana Batara Kaminang Koasaya mae ri sikamma imanga, “Se'rea ana' napakalompoi manggena, siagang se'rea palayang napakalompoi karaenna. INakke anne Manggenu ngaseng; mingka apa saba'na natena nupakalompoA'? INakke anne pinggawanu; mingka angngapa natena numalla' mae ri Nakke. Nuhina-hinaiA', mingka akkuta'nangko angkana, ‘Antekamma batena ikambe anghinaKi?’

PAMMILANGNGANG 14:11

Nakanamo Batara mae ri Musa, “Siapapi sallona anne taua langngewA'? Sa'ge kemae ke'nanga taeroka tappa' ri Nakke, manna pole jaimi gau' malompo Kugaukang ri tangnga-tangngana ke'nanga?

PAMMILANGNGANG 14:2

A'moro-moromi ke'nanga mae ri Musa siagang Harun angkana, “Bajikangngangi punna mateki' ri Mesir yareka anrinni ri parang lompoa! Lappassang maki' mate!

PAMMILANGNGANG 16:11

Punna ikau siagang sikamma tumminawannu a'moro-moro mae ri Harun, sikontutojenna angngewa mako mae ri Batara!”

MATIUS 10:40

“Inai-nai antarimako, iNakke natarima. Na inai-nai antarimA', natarima tommi ManggeKu assuroA' battu.

MATIUS 18:5

Na inai-nai antarimai ana'-ana' sanrapanga anne lanri iNakke, sanrapang iNakkemi natarima.”

MARKUS 9:37

“Inai-nai antarimai ana'-ana' kammaya anne nasaba' iNakke, akkulle nikana iNakkemi natarima. Na inai-nai antarimA', teai Nakke bawang natarima, mingka akkulle nikana natarima tommi ManggeKu, assuroA'.”

LUKAS 9:48

Nampa Nakana ri ana'-ana' gurunNa, “Inai-nai antarimai anne anaka passabakkang iNakke, battuanna iNakkemi natarima. Na inai-nai antarimA', battuanna natarima tommi Allata'ala assuroA' battu. Nasaba' inai-nai kaminang tuna ri kau, iami kaminang la'biri'!”

YOHANES 12:44

A'gorami Isa Nakana, “Inai-nai tappa' ri Nakke, teai Nakke napatappa', mingka Ia assuroa ri Nakke napatappa'.

YOHANES 12:48

Inai-nai ansorongbokoA' siagang tanapilangngeriai kanangKu, nia'mo angngadeli anjo taua. Iaminjo kana-kanangKu Kupabattua langngadeli sallang ri Allo Kiamaka.

YOHANES 13:20

Annaba tojengi anne kanangKu: Inai-nai antarimai tau Kusuroa, Inakkemi natarima. Na inai-nai antarimA', natarima tommi anjo assuroa ri Nakke.”

LAMPA-LAMPANA 5:4

Anjo tanaya ikau pata ri wattunna tenapa nubalukangi. Na ri wattunna le'ba' nubalukang anjo tanaya, anjo doe' ballinnaya, ikau tonji pole pata. Jari angngapa nania' lalang ri atinnu ero' appanggaukang kammaya anjo? Teai rupataua nuballe-ballei, mingka Allata'ala!”

GALATIA 4:14

Anjo wattua tena nu'ringi'-ringi' mae ri nakke, manna na'jari paccoba lompo anjo garringku mae ri kau ngaseng. Ba'lalo nutarima bajikka' sangkamma malaeka'Na Allata'ala yareka sangkamma KalenNa Isa Almasi.

1 TESALONIKA 4:8

Lanri kammana, inai-nai taeroka antarimai anne pangngajaranga, teai rupataua tanatarimaya, passangalinna Allata'ala ampassareangai Roh matangkasa'Na mae ri kau ngaseng.