LUKAS 10:13 - KITTA' MATANGKASA'

¹³ “Cilaka mako ikau tau niaka ri Korazim! Siagang cilaka mako ikau tau niaka ri Betsaida. Naka'de' anjoreng ri kota Tirus siagang ri kota Sidon nigaukang anjo gau'-gau' appakalannasa' le'baka nigaukang ri tangnga-tangnganu, mattantu sallomi le'ba'na toba' tau niaka anjoreng. Siagang sallomi le'ba'na ammakeang tau susa siagang nabonei au ulunna ke'nanga, a'jari pammatei ri katobakkanna ke'nanga.

LUKAS 10:13 Iomraidhean Croise

AYUB 42:6

Lanri kammana anjo, tu'guru' siri'-sirika' punna kuu'rangi sikamma kana-kanangku na kusassala' kalengku ammempoma' lalang ri limbu'buka siagang aua.”

YESAYA 61:3

untu' assarei karannuang siagang kate'neang pa'mai' sikamma tau si'naya siagang tau susaya; untu' ampinrai si'nana ke'nanga a'jari kelong pammuji. Larapangi ke'nanga poko' kayu nilamunga ri KalenNa Batara. Lanagaukangi ke'nanga apa bajika siagang annabaya, sa'genna nipakala'biri' Batara.

YEHEZKIEL 26:1

Ri tanggala' se're bulang attantua lalang taung makasampulo asse're ri wattu nipela'na ikambe, a'bicarai Batara mae ri nakke, Nakana,

DANIEL 9:3

Nampa attojeng-tojemma' appala' doang mae ri Karaeng Allata'ala, na kupala' pangngamaseanNa. Appuasama' siagang ammakema' pakeang karung nampa ammempo irate ri aua.

AMOS 1:9

Nakana Batara, “Pandudu'na Tirus a'mole-molei doraka, lanri kammana anjo ma'nassa laKuhukkungi ke'nanga. Le'baki naengka' ke'nanga se'rea bansa mange ri pammelakkanga, nampa napassareang mae ri Edom; nadakkai ke'nanga parjanjiang passari'battanganna.

1 TIMOTIUS 4:2

napabattua tau munapeka siagang tau paballe-ballea. A'jari sassammi ati mailalanna anjo tau kammaya.

PAPPICINI' 11:3

LaKusuroi rua sa'bingKu ammakeang tau kamateanga, na lanapa'la'bang biritta battua ri Allata'ala 1260 allo sallona.”