LUKAS 10:11 - KITTA' MATANGKASA'

¹¹ ‘Manna limbu'bu' a'dakkika ri bangkenna ikambe, napabe'bese'mi kambe, a'jari pappakainga' ri kau ngaseng. Mingka assemmi angkanaya a'birimmi narapi' wattunna Nappakkaramulamo ammarenta Allata'ala salaku Karaeng ri tangnga-tangnganu!’

LUKAS 10:11 Iomraidhean Croise

YEHEZKIEL 2:5

apaka napilangngeri ke'nanga yareka tena; ia parallua, iamintu musti naassengi ke'nanga angkanaya nia' na'bi ri tangnga-tangngana ke'nanga.

MATIUS 10:14

Punna nia' tau ri se'reang balla' yareka ri se'reang kota taeroka antarimako, yareka taerokai ampilangngeri kana-kanannu, bokoimi anjo tampaka na nube'besang limbu'bu' niaka ri pala' bangkennu.

MATIUS 10:7

Pabattuammi ke'nanga angkanaya tasalloami Nammarenta Allata'ala salaku Karaeng.

MATIUS 3:2

“Toba' ngaseng mako battu ri gau' dosa-dosanu, nasaba' tasalloami nappakkaramulamo ammarenta Allata'ala, salaku Karaeng!”

MARKUS 6:11

Mingka punna battuko ri se'reang tampa', na taeroka taua anjoreng antarimako siagang ampilangngeriko, bokoimi anjo tampaka. Siagang be'besangi limbu'bu niaka ri pala' bangkennu, a'jari pappakainga' mae ri ke'nanga!”

LUKAS 10:10

Mingka punna battuko mange ri se'reang kota, natena nitarimako anjoreng, assulu' mako ri aganga na nupau angkanaya,

LUKAS 10:9

Balleimi tau garringa ri anjo kotaya, siagang birittakammi mae ri sikamma taua anjoreng angkanaya, ‘Tasalloami Nalappakkaramula Allata'ala ammarenta salaku Karaeng ri tangnga-tangnganu ngaseng.’

LUKAS 9:5

Siagang kere-kerekomae tanitarimaya, pabe'bese'mi limbu'bu' niaka ri pala' bangkennu punna nubokoi anjo kotaya, a'jari pappakainga' mae ri ke'nanga.”

LAMPA-LAMPANA 13:26

Sossoranna ngasengko Abraham. Siagang sikamma sari'battang maraenganga anrinni anynyombai mae ri Allata'ala! Napabattumi Allata'ala mae ri katte anjo kabara' kasalamakkanga;

LAMPA-LAMPANA 13:40

Lanri kammana minjo namusti nuparhatikang baji'-baji', sollanna tena nakajariang mae ri kau apa le'baka napau na'bia, angkana,

LAMPA-LAMPANA 13:46

Mingka pila' baranimi Paulus siagang Barnabas a'bicara silambusu'na. Nakanamo ke'nanga, “Musti nipabattu memangi rolong kananNa Allata'ala mae ri kau ngaseng. Mingka lanri tenana nuero' antarimai, jari kalennu tommi ampattantui angkanaya tena nusiratang antarimai katallassang sitojennaya siagang satunggu-tunggua. Jari kamma-kamma anne kubokoi ngaseng mako, nampa a'lampa ikambe mae ri bansa maraenga.

LAMPA-LAMPANA 13:51

Napatu'du'mi nanapasulu' limbu'bu' niaka ri pa'lapa' bangkenna Paulus siagang Barnabas ri dallekanna ngaseng ke'nanga. Iaminjo a'jari pappakainga' mae ri ke'nanga. Le'baki anjo a'lampami Paulus siagang Barnabas mange ri Ikonium.

ROMA 10:21

Mingka ri sesena bansa Israelka, nakana Na'bi Yesaya, “Kammaminne kananNa Allata'ala, ‘Sikabusu'na alloa Kupajonjo limangKu mae ri se'rea bansa kapala batua siagang tamaeroka mannuruki.’ ”

ROMA 10:8

Battuanna kammaminne, “Anjo biritta battua ri Allata'ala sanna' a'reppese'na ri kau; iamintu niaki ri bawanu siagang lalang ri atinnu.” Iaminjo biritta napa'la'banga ikambe; iamintu biritta ri passala'na tappaka.

IBRANI 1:3

Iami ampaccayai lalang ri KalenNa singara' kalompoanNa Allata'ala; Iami rupa ma'nyataNa battu ri KalenNa Allata'ala. Iatommi angkatutui kajarrekanna anne linoa, siagang sanna' makoasana kana Napaua. Ri le'ba'namo Nasare oloang rupataua untu' nilappassang battu ri dosa-dosana, mangemi ammempo ri empoang kala'biranNa ri suruga, ammarenta siagang Allata'ala, anna'galaka koasa kaminang tinggi.