LUKAS 1:8 - KITTA' MATANGKASA'

⁸ Nia' se're allo na narapi' wattunna sossoranna Imang Abia a'jari imang ri Balla'Na Batara. Jari anjo wattua, Zakharia a'jari imang ri dallekanNa Allata'ala.

LUKAS 1:8 Iomraidhean Croise

1 PATTOTTORANG 24:19

Anjo areng-arenna ke'nanga nicataki situru' susunang pa'le'bassanna ke'nanga untu' antama' ri Balla'Na Batara siagang anggaukangi tugasa' passambayanganga, ia le'baka naatoro' Harun, boe-boena ke'nanga, situru' Naparentakanga Batara, Allata'alana Israel.

2 PATTOTTORANG 11:14

Sikamma anjo tu Lewia nabokoi kabusuki parang-parang pa'rukukang olo'-olo'na siagang tampa'-tampa'na ke'nanga nampa a'lette' mange ri Yehuda siagang Yerusalem, lanri Yerobeam siagang sikamma karaeng ansambeangai tena napa'biangi ke'nanga anjamai jama-jamang imanga ri Batara.

2 PATTOTTORANG 31:19

Ri alla'na anjo imang-imang niaka ammantang ri kota-kota le'baka nipattantu untu' a'jari pammantanganna jari-jarina Harun, yareka ri parang-parang niaka ri tammulilina anjo kotaya, nia' nijo'jo' untu' tugasa' ampa'bage-bageangi kanre-kanreanga mae ri sikontu bura'ne niaka lalang ri kaluarga imanga, siagang mae ri sikamma tau niaka nicata' arenna lalang ri suku Lewi.

2 PATTOTTORANG 31:2

Napattantumi ammotere' regu-reguna sikamma imanga siagang tu Lewia situru' pambageang tugasa'na ke'nanga. Anjo tugasa'-tugasa'na massing ke'nanga iamintu: assare koro'bang nitunu siagang koro'bang pappasiama', allayani upacara panynyombang ri Balla'Na Batara, kammayatompa mammuji siagang appala' sukkuru' mae ri Batara lalang ri a'rupa-rupaya tampa' ri Balla'Na Batara.

2 PATTOTTORANG 8:14

Situru' paratorang-paratorang napassareanga Daud manggena, naatoroki Salomo tugasa' allo-allona sikamma imanga siagang untu' tu Lewi mustia angkelongangi kelong pammujia mae ri Batara siagang nabantu sikamma imanga anggaukangi upacara-upacara panynyombanga. Kammayatompa sikamma pangawala'na Balla'Na Batara nibage-bagei lalang regu-regu untu' tunggala' pakke'bu' lompoa, situru' pangngatoro' napassareanga Daud atanNa Allata'ala.

EZRA 6:18

Nampa untu' angngatoroki palayananga lalang ri Balla'Na Batara nibagemi antama ri siapa area golongang sikamma imanga siagang sikamma tu Lewia manuru' paratorang niaka tattulisi' lalang ri kitta'na Musa.

KALAPPASSANG 28:1

“Kioki daennu Harun siagang sikamma ana'na, iamintu Nadab, Abihu, Eleazar, siagang Itamar, nampa sa'laki ke'nanga sollanna akkulle allayaniA' salaku imang.

KALAPPASSANG 28:41

Pipakei sari'battannu Harun anjo pakeanga siagang ana'-ana'na. Minynyaki ke'nanga siagang minynya' zaitun; kammaminjo nanilanti'mo ke'nanga siagang nisa'la'mo ke'nanga untu' allayaniA' salaku imang.

KALAPPASSANG 29:1

“Kammaminne carana nilanti' Harun siagang ana'-ana'na sollanna akkulle ke'nanga allayaniA' salaku imang. Angngalleko sikayu sapi laki rungkaya siagang ruang kayu gimbala' laki tenaya caca'na.

KALAPPASSANG 29:44

LaKupa'jari matangkasaki anjo kemaya siagang tampa' pakkoro'bangnganga. Harun siagang ana'-ana'na laKusa'laki battu ri tau maraengannaya sollanna nalayaniA' ke'nanga salaku imang.

KALAPPASSANG 29:9

siagang passikko' aya', nampa nupataba soro'banga irate ri ulunna ke'nanga. Kammaminjo carana nilanti' Harun siagang ana'-ana'na. Ke'nanga siagang jari-jarina ke'nanga musti allayaniA' salaku imang sa'genna satunggu-tungguna.

KALAPPASSANG 30:30

Minynyaki tongi Harun siagang ana'-ana'na sollanna nilanti' ke'nanga a'jari imang untu' allayaniA'.

PAMMILANGNGANG 18:7

Mingka ikauji bawang siagang sikamma ana'nu akkulle anggaukangi tugasa' imanga, lalang sikontu jama-jamang niaka passisambunganna siagang tampa' pakkoro'bangnganga kammayatompa apa-apa niaka lalang ri Kamara' Kaminang Matangkasaka. Iaminjo tanggong jawa'nu, lanri le'ba' mako Kusare empoang salaku imang. Sikamma tau tenaya ha'na lanihukkungi punna nareppesi anjo barang-barang matangkasaka.”

LUKAS 1:5

Ri wattunna Herodes a'jari karaeng ri pa'rasangang Yudea, nia' se're imang niareng Zakharia, sossorang battua ri imang-imang Abia. Tu ri balla'na niarengi Elisabet, sossorang imang todong.

LUKAS 1:7

Tena ana'na ke'nanga, nasaba' takkulleai ammana' Elisabet. Nampa toa rua-ruamo ke'nanga.