LUKAS 1:7 - KITTA' MATANGKASA'

⁷ Tena ana'na ke'nanga, nasaba' takkulleai ammana' Elisabet. Nampa toa rua-ruamo ke'nanga.

LUKAS 1:7 Iomraidhean Croise

PA'JARIANG 17:17

Nampa su'ju'mo Abraham. Mingka ammakkala'mi napikkiri'na angkanaya, “Antekamma batena se'rea bura'ne narapikamo sibilangngang taung umuru'na lakkulle anggappa ana'? Antekamma batena lakkulle Sara allassukang ana' ri umuru' salapang puloa taung?”

PA'JARIANG 18:11

Na anjo Abraham siagang Sara sanna' sikalimi toana ke'nanga, siagang tenamo nabattu bulanna Sara.

PA'JARIANG 25:21

Lanri tena nanggappa ana' Ribka, appala' doammi Ishak ri Batara untu' bainenna. Na nisaremo pappala'na Ishak ri Batara, sa'genna attianammo Ribka.

PA'JARIANG 30:1

Mingka Rahel tena memampa nanggappa ana'. Lanri kammana angngiri matami ri daenna. Nampa nakanamo ri Yakub, “Sarema' ana'. Punna tena lamatea' kusa'ring.”

1 KARAENG-KARAENG 1:1

Kamma-kamma anne toa sikalimi Karaeng Daud. Manna pole nikalimbuki kalimbu' kapala', tuli dingingiji nasa'ring.

2 KARAENG-KARAENG 4:14

Jari akkuta'nammi Elisa ri Gehazi angkana, “Punna kamma padeng apa mami akkulle kugaukang untu' ia?” Appialimi Gehazi angkana, “Tena ana'na bapa'; nampa toami bura'nenna.”

LUKAS 1:5

Ri wattunna Herodes a'jari karaeng ri pa'rasangang Yudea, nia' se're imang niareng Zakharia, sossorang battua ri imang-imang Abia. Tu ri balla'na niarengi Elisabet, sossorang imang todong.

LUKAS 1:6

Ningai ri Allata'ala katallassang pakkalabinianna ke'nanga. Nasaba' tutui ke'nanga anturuki ero'Na Allata'ala siagang sikamma atorang Napassareanga Allata'ala.

LUKAS 1:8

Nia' se're allo na narapi' wattunna sossoranna Imang Abia a'jari imang ri Balla'Na Batara. Jari anjo wattua, Zakharia a'jari imang ri dallekanNa Allata'ala.

ROMA 4:19

Anjo wattua naassemmi Abraham angkanaya tenamo olona lakkulle anggappa ana', nasaba' toa sikalimi nasa'ring kalenna, nasaba' la'birimmi narapi' sibilangngang taung umuru'na; la'biangampa pole, nasaba' tau tamanang bainenna, iamintu Sara. Mingka manna nakamma, tena na'jari kurang tappa'na Abraham.

IBRANI 11:11

Lanri tappa'na Abraham, nakkullemo angappa ana' battu ri Sara, manna pole natoa dudumo Abraham, siagang natamanang pole Sara. Tappaki Abraham angkanaya ma'nassa laNarupai janjinNa Allata'ala.

1 SAMUEL 1:2

Elkana nia' rua bainenna, iamintu Hana siagang Penina. Penina nia' ana'na, mingka Hana tena.