LUKAS 1:59 - KITTA' MATANGKASA'

⁵⁹ Ri wattunna sagantuju allomo umuru'na anjo anaka, battumi ke'nanga ansunnaki anjo anaka. Ero'mi ke'nanga nasare areng Zakharia anjo anaka, sangkamma arenna manggena.

LUKAS 1:59 Iomraidhean Croise

KAIMANGNGANG 12:3

Ri makasagantujuna alloa musti nisunnaki ana'na.

LUKAS 2:21

Narapiki sagantuju allo umuru'na, nisunna'mi anjo anaka. Nampa nisare areng ri ke'nanga Isa. Iaminjo areng le'baka napassareang malaekaka, ri wattu tenanapa na nitianangangi ri amma'Na.

LAMPA-LAMPANA 7:8

Le'baki akkana kamma Allata'ala, Napa'jari assami anjo janjinNa lalang pangngadakkang sunnaka. Jari ri wattunna lassu' ana'na Abraham, iamintu Ishak, nasunna'mi anjo ana'na ri wattunna sagantuju allomo umuru'na. Nampa ribokoanganna sallang nasunna' tommi ana'na Ishak, iamintu Yakub. Nakamma tomminjo Yakub, nasunna' tongi anjo ana'na sampuloa anrua, a'jaria boe-boena bansa Yahudia.

FILIPI 3:5

Inakke, sagantuju allo umurukku nanisunnaka', salaku tu Israel, battu ri suku bansa Benyamin. Inakke Ibrani totoka'. Ri passala' mannurukia mae ri hukkung agama Yahudia, inakke anne anggotana' golongang Farisia.