LUKAS 1:53 - KITTA' MATANGKASA'

⁵³ Nabassori inai cipuru', battu ri kabajikanNa naNabongka tu kalumanynyang a'lampa tamangngeranga.

LUKAS 1:53 Iomraidhean Croise

PAMMUJI 146:7

Naalleangangi ha'na sikamma tau nijallakkanga, na Nasare kanre tau cipuruka. Batara allappassangi sikamma tunitahanga,

PAMMUJI 34:10

Pakala'biriki Batara, he ikau ngaseng umma'Na, nasaba' tena nalakakurangang tu mappilangngeria.

YEHEZKIEL 34:29

LaKupicoppongi sikamma kokonna ke'nanga sa'genna tenamo wattu kacipurang ri anjo pa'rasanganga. Tenamo nalanihina ke'nanga ri bansa-bansa maraenga.

MATIUS 5:6

Mate'nei tau attojeng-tojenga ero' anggaukangi ero'Na Allata'ala; nasaba' iami lanipasukku' tallasa'na ri Allata'ala!

LUKAS 1:54

Natulungi Israel atanNa, lanri janji le'ba' Napare' mae ri boe-boeta.

LUKAS 6:21

Mate'ne ngasengko tau cipuruka ri kamma-kammaya anne; nasaba' lanibassoriko sallang! Mate'ne ngasengko tau angngarruka ri kamma-kammaya anne; nasaba' lammakkalakko sallang!

LUKAS 6:24

Mingka cilaka ngaseng mako tau kalumanynyanga ri kamma-kammaya anne; nasaba' nukasia'mi apa-apa nungaia!

YOHANES 6:35

Nakanamo Isa ri ke'nanga, “INakkemi roti assarea katallassang. Inai-nai battu mae ri Nakke, tenamo nalacipuru' sa'genna satunggu-tungguna. Siagang inai-nai tappa' ri Nakke, tenamo nalaturere pole sa'genna satunggu-tungguna.”

1 KORINTUS 1:26

Sikamma sari'battangku! Cobasai u'rangi antekamma katallassannu ri wattunnu Nakio' Allata'ala. Sike'de' duduji ri kau tau pore, yareka tau koasa, yareka tau tinggia empoanna ri paccini'na rupataua.

1 KORINTUS 4:8

Memang tenamo apa-apa nuparalluang pole! Nasaba' akkalumanynyang mako! A'jari karaeng mako! Na ikambe tena. Teai sipato' baji'na ka'de' a'jari karaeng tojeng-tojeng mako, sollanta akkullemo siagang ammarenta.

1 SAMUEL 2:5

Tubassoroka riolo lanri kala'bianna ri kanre-kanreang, anne kamma a'jari tungnganre gaji poro untu' anggappa kanre. Tucipuruka riolo, anne kamma sukku'mi, angganna'mi ri kanre. Tutamananga, anne kamma lompomi pa'mai'na, tujumi ana' le'ba' nalassukang! Mingka amma' jaia ana'na, nibokoi, niboli' ta'ronang-ronang.