LUKAS 1:48 - KITTA' MATANGKASA'

⁴⁸ Iami mangngu'rangi ri nakke, anne ata tuna duduNa! Anne kamma sikontu bansaya mangkana minne ri nakke, inakkemi tau mate'ne.

LUKAS 1:48 Iomraidhean Croise

PA'JARIANG 30:13

na nakanamo Lea, “Teai sipato' sungguna pakkasiakku! Kamma-kamma anne sikontu bai'-bainea lanakanamo sunggua'.” Lanri kammana naaremmi anjo anaka Asyer.

2 SAMUEL 7:8

Lanri kammana anjo Natan, pauangi atangKu Daud, angkanaya iNakke Batara Kaminang Koasaya, angkana ri ia, ‘Le'ba' mako Kualle battu ri jama-jamannu akkalawakia gimbala' ri paranga siagang Kuangkakko a'jari karaeng mae ri ummakKu Israel.

PAMMUJI 102:17

punna nabangung Batara ammotere' Sion, na maju lalang ri kalompoanNa.

PAMMUJI 136:23

Tena Nakaluppaiki' ri wattunta nibeta; pangngamaseanNa sa'genna satunggu-tungguna.

PAMMUJI 138:6

Tamaka la'biritTa, mingka tau tunaya Kiparhatikang tongi; tau borroa takkulleai accokko battu ri Katte.

PAMMUJI 72:17

Poro tuli niu'ranginna arenna karaenga satunggu-tungguna, napila' masahoro' lalang nia'na mataalloa. Poro napalaki bansa-bansaya nanibarakkaki sangkamma ia, na sikontu tau antappuai arenna lamate'nei.

YESAYA 66:2

Sikontu linoa sangnging bate pare' limangKu, jari yangasenna anjo apa nipa'jari. Mingka ia Kungaia iamintu tau tuna pa'maika, assesse' lalanga lanri dosa-dosana, ia mallaka siagang mannurukia mae ri Nakke.

MALEAKHI 3:12

Nalanikanamako ri sikontu bansaya tau mate'ne, nasaba' pa'rasangannu la'jari tampa' bajiki nipammantangngi.”

LUKAS 1:28

Battumi anjo malaekaka mae ri Maria na nakana, “Salamakko, ikau tu nibarakkakia ri Batara! Poro nirurungangko ri Batara!”

LUKAS 1:42

a'gorami Elisabet nakana, “Ikaumi baine kaminang nibarakkakia ri sikontu bai'-bainea! Poro nibarakkakimi anjo ana' lanulassukanga!

LUKAS 1:45

Mate'ne mako, lanri tappa'nu angkanaya lakajariangi ri kalennu anjo Napabattua Batara ri kau!”

LUKAS 1:49

Lanri Allata'ala Kaminang Makoasa a'gau' malompo ri kalengku. Nitangkasimi arenNa.

LUKAS 11:27

Le'ba'na akkana kamma anjo Isa, nia'mo sitau baine battu ri alla'na anjo tau jaia angkana ri Isa, nakana, “Teai sipato' upa'na baine anjariangaKo siagang ampasusuaKo!”

1 SAMUEL 1:11

Nampa a'janji Hana angkana, “O Batara Kaminang Koasaya, Kiparhatikangi anne atanTa! Kiciniki kapa'risanna atanTa. Kiu'rangi siagang teaKi' kaluppai atanTa! Punna Kisare atanTa sitau ana' bura'ne, a'janji atanTa lanapassareang anjo anaka mae ri Katte lalang sikontu tallasa'na. A'janji tongi atanTa angkanaya talanipolongai uu'na.”

1 SAMUEL 2:8

Battu ri pa'risi' Naangka' tu tenaya apa-apanna, battu ri sessa Nalappassang tu tunaya. Nipa'jari ke'nanga aganna tu mala'birika, na Nasare empoang kalompoang. Pa'lapara'na buttaya Batara pata, irateanganna Nabangung linoa.