LUKAS 1:39 - KITTA' MATANGKASA'

³⁹ Le'baki anjo, a'lampami linta' Maria mange ri se'reang kota ri pa'rasangang Yudea, rate buluka.

LUKAS 1:39 Iomraidhean Croise

LUKAS 1:38

Nakanamo Maria, “Inakke anne, atanNa' Allata'ala; boli'mi kamma nakajariang ri nakke, antu kipakkanaya.” Le'baki anjo a'lampami anjo malaekaka ambokoi Maria.

LUKAS 1:40

A'lampai mange ri balla'na Zakharia. A'barisallammi ri Elisabet wattunna antama' ri balla'.

LUKAS 1:65

Malla' ngasemmi sambori'na; na tassiara'mo anjo kabaraka ri sikontu daera monconga ri Yudea.

YOSUA 10:40

Sikontu anjo pa'rasanganga nibeta ngasemmi ri Yosua. Nabetai anjo sikamma karaenga ri daera pa'monconganga, ri pungku'na bulu'-bulu' irayaya, ri bangkenna moncong-moncong bageang ilauka, kammayatompa ri parang-parang bageang timboroka. Tena manna sitau nalappassang attallasa'; nibuno kabusuki. Anjo kammaya situruki parenta battua ri Batara, Allata'alana Israel.

YOSUA 20:7

Jari ri daera laukanna Binanga Yordan napattantumi umma' Israel kota-kota palarianga, iamintu: Kedes ri pa'monconganna suku Naftali ri Galilea, Sikhem ri pa'monconganna suku Efraim, siagang Hebron ri pa'monconganna suku Yehuda.