LUKAS 1:30 - KITTA' MATANGKASA'

³⁰ Jari nakanamo pole anjo malaekaka, “Teako mallakki Maria, nasaba' ikau tu nipangngellaiko ri pa'mai'Na Allata'ala.

LUKAS 1:30 Iomraidhean Croise

PA'JARIANG 6:8

Mingka sannangi pa'mai'Na Batara mae ri Nuh.

YESAYA 41:10

Teako mallakki, saba' iNakke anrurungangko, teako lussakki, saba' iNakke Allata'alanu. LaKupakajarrekko siagang laKutulungko, Kurenrengko lalang lima makassakKu.

YESAYA 41:14

Nakana Batara, “Teako mallakki, Israel, manna nuca'di siagang lamma. INakke Batara antulungko, kaminang Matangkasaka, Allata'alana Israel, Mappasalama'nu.

YESAYA 44:2

INakke Batara ampa'jariako, amparekko baku' lalannu ri pammanakkanga, siagang antulungko. Teako mallakki, ikaumi atangKu, ummakKu Kupilea siagang Kukamaseanga.

MATIUS 14:27

Mingka linta'mi Isa appiali Nakana: “Sannangko! Teako mallakki. INakkejinne Isa!”

MATIUS 28:5

Nakanamo anjo malaekaka ri anjo bai'-bainea, “Teako mallakki! Kuassengi angkanaya Isa, le'baka nisalli', battu nuboya.

LUKAS 1:13

Mingka nakanamo anjo malaekaka, “Teako mallakki Zakharia! Nalangngere'mi Allata'ala pappala' doannu. Lammanaki tu ri balla'nu Elisabet, sitau bura'ne. Anjo anaka sallang musti nuarengi Yohanes.

LUKAS 12:32

“Ikau tau sike'deka, teako mallakki! Nasaba' sannangi pa'mai'Na Allata'ala assareko barakka' battu ri PamarentahanNa.

LAMPA-LAMPANA 27:24

Nakana anjo malaekaka, ‘Teako mallakki Paulus! Nasaba' lamangeko andallekang ri Karaenga ri Roma. Lanri kabajikanNa Allata'ala mae ri kau, nasikontu anne tau nuaganga assombala', lanipasalama' ngasengi passabakkang ikau.’

ROMA 8:31

Apamo lanikana kamma-kamma anne ri passala' kammaya ngaseng anjo? Punna Narurungangki' Allata'ala, maka inai akkulle angngewaki'?

IBRANI 13:6

Lanri kammana kibaranimo angkana, “Batara Pannulungku, tenamo nakumalla'. Apa lakkulle nagaukang taua mae ri nakke?”