LUKAS 1:28 - KITTA' MATANGKASA'

²⁸ Battumi anjo malaekaka mae ri Maria na nakana, “Salamakko, ikau tu nibarakkakia ri Batara! Poro nirurungangko ri Batara!”

LUKAS 1:28 Iomraidhean Croise

YESAYA 43:5

Teako mallakki, saba' iNakke alla'langiko. Battu lau' siagang battu raya Kusuroi ana' cucunnu battu asse're.

DANIEL 10:19

Nakanamo, “Nakamaseangko Allata'ala; lanri kammana anjo tea' mako lussakki yareka tea' mako mallakki, gassingi kalennu!” Lalang napauna anjo kammaya, pila' gassimmi kusa'ring kalengku, nampa kukanamo, “A'bicara maki', karaeng. Kitambaimi kagassingangku kusa'ring.”

HOSEA 14:2

He bansa Israel, ammotere' mako mae ri Karaeng Allata'alanu! Passabakkang dosanu nutappeccoro' siagang tu'guru'.

MATIUS 12:48

Appialimi Isa Nakana, “Inaika ammakKu? Siagang inaika sari'battangKu?”

LUKAS 1:27

Nisuroi malaeka' Gabriel mange ri sitau tulolo niarenga Maria. Anjo tuloloa eroki nipasialle siagang Yusuf, sossoranna Karaeng Daud.

LUKAS 1:29

Nalangngere'na Maria kananna anjo malaekaka, ta'bangka sikalimi. Akkuta'nammi lalang ri pa'mai'na angkana apa battuanna anjo sallanna malaekaka.

LUKAS 1:30

Jari nakanamo pole anjo malaekaka, “Teako mallakki Maria, nasaba' ikau tu nipangngellaiko ri pa'mai'Na Allata'ala.

LUKAS 1:42

a'gorami Elisabet nakana, “Ikaumi baine kaminang nibarakkakia ri sikontu bai'-bainea! Poro nibarakkakimi anjo ana' lanulassukanga!

LAMPA-LAMPANA 18:10

Nasaba' niaKa' anrurungangko. Tena manna sitau akkulle a'gau' ja'dala' ri kau, nasaba' jai taungKu anrinni ri kotaya.”

EFESUS 1:6

Nipujimi Allata'ala lanri la'biri'na kabajikang pa'mai'Na, le'baka allumpa Napa'nyata mae ri katte ri tete Ana'Na Nakarimangngia.

HAKING-HAKING 5:24

Upaki Yael bainenna Heber, tu Keni; ri sikontu bonena kemaya, iami kaminang nibarakkaki.

HAKING-HAKING 6:12

Napappicinikammi kalenna anjo malaeka'Na Batara mae ri ia. Nampa nakana, “E, turungka patasa'! Narurungangko Batara!”

RUT 2:4

Tena nasallo battumi Boas battu ri Betlehem na'barisallang mae ri sikamma pakattoa. Nakana, “Poro Narurungang ngasengko Batara.” Appialimi sikamma pakattoa angkana, “Poro Nabarakkakiki' Batara”.