LUKAS 1:25 - KITTA' MATANGKASA'

²⁵ Nakanamo Elisabet, “Kale'bakkanna Natulumma' Batara siagang Natongkokamma' sirikku.”

LUKAS 1:25 Iomraidhean Croise

PA'JARIANG 25:21

Lanri tena nanggappa ana' Ribka, appala' doammi Ishak ri Batara untu' bainenna. Na nisaremo pappala'na Ishak ri Batara, sa'genna attianammo Ribka.

2 SAMUEL 6:23

Anjo Mikhal, ana' bainena Saul tena ana'na lalang tallasa'na.

YESAYA 25:8

LaNaancuruki Batara Kaminang Makoasaya anjo kamateanga sa'genna satunggu-tungguna! LaNasapui sikamma je'ne' mataya battu ri rupaya, siagang Napakabella kahinanga ia natanggonga umma'Na ri sikontu buttaya. Batara anne le'ba' akkana kamma, na mattantu lakajarianna anjo passalaka.

YESAYA 4:1

Anjo wattua, tattuju tau baine lanna'gala' ri sitau bura'ne nampa massing nakana, “Lappassamma' angngakuiko bura'nengku, sollanna tena kunggappa siri', lanri tenana tau bura'ne annikkaia'. Inakke tompa kalengku angngusaha a'boya kanre siagang pakeang.”

LUKAS 1:13

Mingka nakanamo anjo malaekaka, “Teako mallakki Zakharia! Nalangngere'mi Allata'ala pappala' doannu. Lammanaki tu ri balla'nu Elisabet, sitau bura'ne. Anjo anaka sallang musti nuarengi Yohanes.

LUKAS 1:24

Tasalloai ribokoanganna, tianammi Elisabet, na nakurummo kalenna lalang ri balla' limambulang sallona.

IBRANI 11:11

Lanri tappa'na Abraham, nakkullemo angappa ana' battu ri Sara, manna pole natoa dudumo Abraham, siagang natamanang pole Sara. Tappaki Abraham angkanaya ma'nassa laNarupai janjinNa Allata'ala.

HAKING-HAKING 11:37

Mingka nia' se're kupala'. Kisarea' wattu ruam bulang untu' a'jappa-jappa siagang agang-agangku ri buluka. Anjorengi lakukarruki sarengku, lanri lamatea' ri wattu tulolongku ija.”

1 SAMUEL 1:6

Hana tuli nipa'risi nyawana siagang nihinai ri Penina anjo marunna, lanri tenana nisarei ana' ri Batara.