LUKAS 1:18 - KITTA' MATANGKASA'

¹⁸ Akkuta'nammi Zakharia ri anjo malaekaka nakana, “Antekamma batena nakkulle kupahang angkanaya lakajariang tojengi anjo kipakkanaya? Nasaba' inakke toama', na tu ri ballakku toa tommi.”

LUKAS 1:18 Iomraidhean Croise

PA'JARIANG 15:8

Mingka akkuta'nammi Abram nakana, “O Batara Kaminang Tinggia, antekamma batena nakkulle kuasseng angkanaya inakke lampatangi anne buttaya?”

PA'JARIANG 17:17

Nampa su'ju'mo Abraham. Mingka ammakkala'mi napikkiri'na angkanaya, “Antekamma batena se'rea bura'ne narapikamo sibilangngang taung umuru'na lakkulle anggappa ana'? Antekamma batena lakkulle Sara allassukang ana' ri umuru' salapang puloa taung?”

PA'JARIANG 18:12

Lanri kammana minjo nammakkala'mo Sara lalang ri pa'mai'na na nakana, “Maka inakke anne tau toa kammaya siagang kalumeng kammaya, lakkulle ija sikatinroang siagang bura'nengku? Nampa pole bura'nengku toa tommi.”

2 KARAENG-KARAENG 7:2

Appialimi pambantuna karaenga angkana, “Kemae lakkulle! Tena nantama ri akkala' anjo kammaya, manna pole Nappaturung bosi lompo Batara battu ri langika ri kamma-kammaya anne!” Appialimi Elisa angkana, “Sinampe' nanuciniki kajariang anjo passalaka, mingka ikau tena nalanukasia' manna sike'de' anjo kanrea.”

LUKAS 1:34

Nakanamo Maria ri malaekaka, “Mingka tulolo ija', antekamma lakkulle lakajariang anjo kipakkanaya?”

LUKAS 1:7

Tena ana'na ke'nanga, nasaba' takkulleai ammana' Elisabet. Nampa toa rua-ruamo ke'nanga.

ROMA 4:19

Anjo wattua naassemmi Abraham angkanaya tenamo olona lakkulle anggappa ana', nasaba' toa sikalimi nasa'ring kalenna, nasaba' la'birimmi narapi' sibilangngang taung umuru'na; la'biangampa pole, nasaba' tau tamanang bainenna, iamintu Sara. Mingka manna nakamma, tena na'jari kurang tappa'na Abraham.