LUKAS 1:13 - KITTA' MATANGKASA'

¹³ Mingka nakanamo anjo malaekaka, “Teako mallakki Zakharia! Nalangngere'mi Allata'ala pappala' doannu. Lammanaki tu ri balla'nu Elisabet, sitau bura'ne. Anjo anaka sallang musti nuarengi Yohanes.

LUKAS 1:13 Iomraidhean Croise

PA'JARIANG 17:10

Ikau siagang sikontu turungannu bura'nea musti nisunna' ngasengko.

PA'JARIANG 17:19

Mingka Nakanamo Allata'ala, “Tena. Anjo bainennu Sara lamanaki sitau ana' bura'ne na lanuareng Ishak. LaKuta'gala' majarreki parjanjiangKu siagang anjo anaka siagang sikontu turunganna sa'genna satunggu-tungguna. Anjo Parjanjianga sa'gennai satunggu-tungguna.

PA'JARIANG 18:14

Maka niakka apa tantamaya ri akkala' untu' Batara? Sangkamma Kupakkanaya sumpaeng, salapang bulang sallang labattua' pole mae anrinni. Na anjo wattua lamana'mi Sara sitau ana' bura'ne.”

PA'JARIANG 25:21

Lanri tena nanggappa ana' Ribka, appala' doammi Ishak ri Batara untu' bainenna. Na nisaremo pappala'na Ishak ri Batara, sa'genna attianammo Ribka.

PAMMUJI 113:9

Nasarei ana' sikamma baine tamananga, napa'jari amma' mate'ne siagang nipakalompo ri balla'na. Pujimi Batara!

PAMMUJI 118:21

Mammujia' mae ri Katte, saba' Kiturukianga' pappalakku; Kisarema' pammetang.

YESAYA 8:3

Siapa are wattu ribokoanganna attianammi turiballakku. Ri wattunna lassu' anjo ana'na ikambe, Nakanamo Batara ri nakke, “Arengi antu anaka ‘Panrampasang Lacciri', Pangngellakkang Tippaka.’

DANIEL 10:12

Nampa nakana ri nakke, “Daniel, teako mallakki. Nalangngere'mi Allata'ala pappala' doannu appakkaramula ri nutappukinna untu' ampakatunai kalennu sollannu a'jari cara'de'. Battuma' anne a'jari pappiali mae ri pappala' doannu.

HOSEA 1:4

Nakanamo Batara ri nakke, “Arengi anjo ana'nu Yizreel, nasaba' tasalloami nalaKuhukkung Karaeng Israel, lanri pammunoang nagaukanga Yehu, boe-boena, ri Yizreel. LaKupa'le'baki pamarentahanna jari-jarina Yehu.

HOSEA 1:6

Nampa allassukang bainengku ana' makaruana ikambe, iamintu sitau ana' baine. Nakana Batara ri nakke, “Hosea, arengi anjo ana'nu ‘Tenaya Nikamaseangi’, lanri tenamo nalaKukamaseang bansa Israel siagang tena sikalimo nalaKupammopporang ke'nanga.

MATIUS 1:21

Lammanaki sallang Maria sitau ana' bura'ne. Na anjo anaka musti nuarengi sallang Isa, nasaba' Iami sallang lampasalamaki umma'Na battu ri kapanrakanga.”

MATIUS 14:27

Mingka linta'mi Isa appiali Nakana: “Sannangko! Teako mallakki. INakkejinne Isa!”

MATIUS 28:5

Nakanamo anjo malaekaka ri anjo bai'-bainea, “Teako mallakki! Kuassengi angkanaya Isa, le'baka nisalli', battu nuboya.

MARKUS 16:6

Nakanamo anjo tu rungkaya, “Teako mallakki! Kuassengi angkanaya Isa, anjo tu battua ri Nazaret, siagang le'baka nisalli' battu nuboya. Mingka cini'mi tenami anrinni ri tampa'Na niboli'. Le'ba'mi attallasa' poleang.

LUKAS 1:14

Lasanna' rannunu, siagang jai tau la'jari rannu punna lassu' sallang anjo anaka!

LUKAS 1:30

Jari nakanamo pole anjo malaekaka, “Teako mallakki Maria, nasaba' ikau tu nipangngellaiko ri pa'mai'Na Allata'ala.

LUKAS 2:21

Narapiki sagantuju allo umuru'na, nisunna'mi anjo anaka. Nampa nisare areng ri ke'nanga Isa. Iaminjo areng le'baka napassareang malaekaka, ri wattu tenanapa na nitianangangi ri amma'Na.

LAMPA-LAMPANA 10:31

Nakana ri nakke, ‘Kornelius! Natarimami Allata'ala pappala' doannu, siagang Nau'rangimi pa'mai' baji'nu.

HAKING-HAKING 6:23

Mingka angkanami Batara mae ri ia, “Pakasannangi nyawanu! Teako mallaki. Tena nulamate.”

1 SAMUEL 2:21

Nibarakkakimi Hana ri Allata'ala, sa'genna allassukang pole tallu ana' bura'ne siagang rua ana' baine. Na Samuel pila' a'bakka' tommi lompona lalang allayanina ri Allata'ala.