KOLOSE 4:6 - KITTA' MATANGKASA'

⁶ Sikamma bicara nupasuluka parallui appakasannang pa'mai' siagang appatimbo pangngai. Parallui nuasseng baji' appiali ri pakkuta'nanna taua.

KOLOSE 4:6 Iomraidhean Croise

1 PATTOTTORANG 16:24

Caritai kala'biranNa ri sikontu bansa-bansaya, gau'-gau' malompoNa ri umma' rupataua.

PAMMUJI 105:2

Akkelongko kelong pammuji mae ri Batara, kabarrangi sikontu bate pare'Na appakalannasaka.

PAMMUJI 119:13

Kulompoi sa'rangku ampappiassengangi sikontu hukkung Kipassareanga.

PAMMUJI 119:46

Lakukabarrangi paratoranTa mae ri sikamma karaenga, na tena kulanipakasiri'.

PAMMUJI 45:2

Kana-kana bajika assulu' tojemmi battu ri atingku, kupangngadakkangi kelongku mae ri karaenga. Sanrapang pulpenna se'rea tucara'de' annulisi', sadiai lilaku appau kana-kana baji'.

PAMMUJI 66:16

Battu mako siagang pilangngerimi, he sikamma tau mappilangngeria, lakucaritai apa le'baka Nagaukang Allata'ala mae ri nakke.

PANGNGEBARANG 10:21

Kana-kananna tau bajika, a'jari barakkaki mae ri tau jaia; kadongokanna tao dongoka ambunoi kalenna.

PANGNGEBARANG 15:4

Kana-kana bajika annambai sumanga', kana-kana appakapa'risika nyawa, allammai pattujuang.

PANGNGEBARANG 15:7

Kana-kana tau cara'deka rassi siagang pangngassengang, mingka pikkiranna tau dongoka tena nakamma.

KATO'BA 10:12

Lanri kana-kananna tau cara'deka nanipakalompoi mingka panraki tau toloa lanri kana-kananna tonji.

YEHEZKIEL 43:24

Nampa nuerang mae ri Nakke. Sikamma imanga musti appakioroki ce'la irateanna anjo ruaya olo'-olo' siagang natunui a'jari koro'bang untu' iNakke.

KAIMANGNGANG 2:13

Tunggala' koro'bang nipatalaya musti nice'lai, lanri anjo ce'laya a'jari pammatei ri parjanjianNa Allata'ala siagang ikau ngaseng. Jari sikontu anjo passarea musti nice'lai.

MATIUS 5:13

“Ikau ngasemmi rapang ce'lana anne linoa. Punna la'bamo ce'laya, maka lakkulleiji nipa'jari ce'la poleang? Ma'nassa tenamo matu-matunna, passangalinna nipela' mami na nionjo'-onjokang ri taua.

MARKUS 9:50

Anjo ce'laya bajiki; mingka punna a'jari la'bamo, maka akkulle iji nipa'jari ce'la poleang? Jari paralluko sanrapang ce'laya. Sikatutuiko lalang ri tallasa'nu.”

LUKAS 4:22

Sanna' ngaseng baji'na kana-kana Napasuluka. Sa'genna lannasa'mo taua allangngereki, na nipakkontutojeng ri ke'nanga. Nakanamo ke'nanga, “Sai ana'na Yusuf anne Taua?”

EFESUS 4:29

Punna a'bicarako, teako ammakei bicara ra'masa'. Pakemi kana-kana appakabajika siagang akkullea antulungi tau maraenga. Anjo kana-kana kammaya langngerangi kabajikang mae ri tau allangngerekai.

PAOLE 11:19

Pangngajarrangi mae ri ana'-ana'nu. Bicarakangi lalang ri balla'nu siagang ri pantaranganna balla'nu, wattunnu ammari-mari siagang ri wattunnu anjama.

KOLOSE 3:16

Parallui antama' ri atinnu ajarang-ajaranNa Almasi rassia barakka'. Paralluko massing siajara' siagang sipakainga' baji'-baji'. Kelongangi kelong-kelonga siagang pammuji-mujia kammayatompa lagu-lagu rohania; sukkurukko lalang ri atinnu nukkelong-kelong untu' Allata'ala.

1 PETRUS 3:15

Mingka lalang ri pa'mai'nu, parallui Almasi bawang nupakalompo situru' empoanNa salaku Batara. Siagang paralluko tuli sadia ampiali sikamma tau akkuta'nanga mae ri kau ri sesena panrannuang niaka ri kau.