KOLOSE 4:12 - KITTA' MATANGKASA'

¹² Sallang battu ri Epafras. Anne Epafras tau battu antureng tonji. Pajama-jamaNa tongi Isa Almasi, tenaya lanrena tuli ampappala' doangangko. Sanna' napala'na mae ri Allata'ala, sollanna pila' jarre' tappa'nu siagang a'jari toa tojeng pikkirang rohaninu; sollannu a'jari sukku' mannurukinnu mae ri ero'Na Allata'ala.

KOLOSE 4:12 Iomraidhean Croise

MATIUS 5:48

Ia Allata'ala Manggenu ri suruga sukku' Nakamaseangi sikontu rupataua. Jari parallui nukamaseang todong parannu tau.”

LUKAS 1:1

Natarimai tu nipakala'birikku Teofilus, Iaji kupabattuangki' angkanaya, jaimi tau le'ba' ansusung bajiki siagang antulisiki sikamma apa le'baka kajariang ri tangnga-tangngata.

YOHANES 12:26

Inai-nai ero' a'jari palayang mae ri Nakke, musti amminawangi ri Nakke; sollanna kemae-kemae pammantangangKu akkulle tongi nia' palayangKu anrurungangA'. Inai-nai a'jari palayang ri Nakke, iami lanipakala'biri' ri ManggeKu.”

ROMA 15:14

Sikamma sari'battangku! Tappaka' angkanaya jai apa-apa baji' ri kau ngaseng. Jai todong apa-apa nuasseng, siagang akkulleko massing siajara'.

ROMA 15:30

Lanri Batarata Isa Almasi, siagang lanri pangngamaseang RohNa Allata'ala, sanna' kupala'na mae ri kau ngaseng sollannu amminawang ngaseng todong attojeng-tojeng siagang inakke appala' doang mae ri Allata'ala.

1 KORINTUS 14:20

Sikamma sari'battangku! Teako appikkiri' kammai ana'-ana'. Ri passala' nikanaya panggaukang sala, paralluko a'jari tuli kamma ana' ca'di. Mingka ri passala'na nikanaya pikkirang, paralluko a'jari tau toamo.

1 KORINTUS 2:6

Mingka manna nakamma, kupake tonji pangngassenganga ampabattui anjo birittaya mae ri tau rapang ti'nokamo katallassang rohanina. Mingka anjo pangngassenganga teai pangngassengang battu ri lino, yareka pangngassengang battu ri sikamma tau anna'galaka koasa ri anne jammanga, ia lalanynyaka sallang kakoasanna.

2 KORINTUS 13:11

Kala'busang kana, sari'battangku ngaseng, paralluko a'rannu-rannu, siagang usahakangi nu'jari sukku'. Tarima ngasemmi pappakaingakku. Paralluko a'julu ati siagang assiama' lalang tallasa'nu. Allata'ala Kaminang Mangngarimangngia siagang mappasiamaka lanrurungangko.

GALATIA 1:10

Punna kamma, gassingka nukana kuminasai sollangku niakui ri rupataua? Tena sikali! Allata'ala bawang kuminasai angngakuia'. Maka erokkuji ningai ri rupataua nakualle pa'mai'na? Punna kamma anjo bateku, teaiya' tunisuroNa Almasi.

GALATIA 4:19

Sikamma ana'-anakku kukarimangngia! Kamma-kamma anne lussa'mi sedeng nyawaku lanri ikau ngaseng. Pa'risikka' kusa'ring, sanrapang baine eroka allassukang ana'. Punna tenapa nanutarima ri kalennu sipa'-sipa' battua ri Almasi, tuli lakupisa'ringinna anne pa'risika!

KOLOSE 1:22

Mingka kamma-kamma anne, Napa'jari baji'mi ammotere' passisambungannu siagang KalenNa, lanri kamateanNa Ana'Na. Kammami anjo carana nukkulle nierang mange andallekang siagang malanynying, matangkasa' siagang tena callanu ri dallekanNa Allata'ala.

KOLOSE 1:28

Iaminjo Almasi nabirittakanga ikambe mae ri sikontu rupataua. Kipakainga'mi siagang kiajara' ngasemmi ke'nanga siagang baji'-baji'. Pattujunna ikambe iamintu sollanna akkulle ngaseng nierang rupataua mae ri Allata'ala, salaku tau baji'mo katallassang rohanina, lanri asse'renamo siagang Almasi.

KOLOSE 1:29

Untu' yangasennami anjo passalaka nakuanjama terasa'mo. Usaha tojeng-tojemma' siagang sikontu pakkulle Napassareanga Almasi mae ri nakke; na anjo anjamaya lalang ri kalengku sanna' makoasana.

KOLOSE 1:7

Anjo birittaya Epafras ampabattui mae ri kau, bela nakamaseanga ikambe. Ia pajama-jamaNa Almasi, attojeng-tojenga anjama untu' kaparalluanta.

KOLOSE 1:9

Iaminjo saba'na nakituli ampappala' doangangko appakkaramula ri nilangngere'na kabara'nu. Kipalaki mae ri Allata'ala sollannu Nasare RohNa Allata'ala kacara'dekang siagang pangngassengang sollanna nupahang baji' apa Nakaerokia Allata'ala.

KOLOSE 4:9

Nia' tongi Onesimus lanaagang Tikhikus a'lampa mae ri kau; Ia tau battu antureng tonji. Iami sari'battanta majarreka, siagang nakarimangngia ikambe. Iami siagang Tikhikus lampabattuang ngasengko sikontu apa-apa kajarianga anrinni ri tampa' kupammantangia.

1 TESALONIKA 5:23

Poro KalenNa Allata'ala, assareaki' kasalewangang, ampa'jariko tau attojeng-tojenga attallasa' untu' Allata'ala bawang. Poro Allata'ala anjagai sikontu batangkalennu, baji' roh, nyawa, yareka tubunu; sa'genna tena callannu sallang ri wattunna battu poleang Batarata Isa Almasi.

FILEMON 1:23

Appikatui sallang Epafras, mae ri kau ngaseng. Nia' tongi anrinni lalang ri tarungkua siagang inakke passabakkang Isa Almasi.

IBRANI 5:14

Anjo kanre terasaka untu' tau toaya; nasaba' lanri nia'namo pangalamanna akkullemi naasseng angkana kereanga baji' siagang kereanga kodi.

IBRANI 5:7

Ri wattunna attallasa' Isa ri anne linoa, akkio' lompoi siagang angngarruki appala' doang mae ri Allata'ala, akkullea ampasalamaki battu ri kamateanga. Na lanri tunduki siagang Napakalompoi Allata'ala, nipilangngerimi pappala'Na.

YAKOBUS 1:1

Natarimai sikontu Umma'Na Allata'ala, ia niaka tassiara' ri sikontu linoa. Sallang battu ri nakke Yakobus, atanNaya Allata'ala siagang Batara Isa Almasi.

YAKOBUS 1:4

Boli'mi kamma pila' katambang sa'bara'nu sa'gennu a'jari makassa' siagang sukku' kammayatompa tenamo apa-apa kakurangannu.

YAKOBUS 5:16

Lanri kammana, paralluko massing ammangakui kasalannu mae ri parannu tau, siagang sipappala' doangangko, sollannu nipammolle. Pappala' doangang situruka ero'Na Allata'ala, lompo sikali kakoasanna.

2 PETRUS 1:1

Natarimai sikamma sari'battangku, le'bakamo anggappa katappakkang sangkammaya baji'na katappakkanna ikambe. Le'ba' maki' Nasare katappakkang Isa Almasi, Iamintu Allata'ala siagang Karaeng Mappasalamatta, lanri Nagaukanna apa annabaya. Anne suraka battu ri nakke, iamintu Simon Petrus, atanNa siagang tunisuroNa Isa Almasi.

YUDAS 1:24

Allata'ala, Makoasaya anjagaiko sollanna tena nutu'guru' siagang Makoasaya angngerangko mae ri dallekang mala'biri'Na siagang rannu kammayatompa tena callannu,