KOLOSE 3:2 - KITTA' MATANGKASA'

² Pituju mangemi pikkirannu ri apa-apa niaka anjoreng; teako na ri apa-apa niaka ri linoa.

KOLOSE 3:2 Iomraidhean Croise

1 PATTOTTORANG 22:19

Jari paralluko anynyomba mae ri Karaeng Allata'alanu lalang sikontu nyawanu siagang batangkalennu. Appakkaramula mako ambangung balla' untu' Batara, sollanna akkulle niboli' anjoreng Patti ParjanjianNa siagang sikontu pakkakasa' maraenganga ia eroka nipake anynyomba ri Ia.”

1 PATTOTTORANG 29:3

Ba'lalo lanri mangngaiku mae ri anjo Balla'Na Allata'alaku, kupassareang tommi perakku siagang bulaengku, iamintu barang-barang kalengku:

PAMMUJI 62:10

Rupataua sanrapanji bawang sipa'maikang nappasa', lompo yareka ca'di para tena anggaranna. Punna nitimbangi, a'nassami angkana ringannaja ke'nanga, la'bi ringangi na sipa'maikanga nappasa'.

PAMMUJI 91:14

Nakana Batara, “LaKupasalamaki tau mangngaia mae ri Nakke, laKupasalamaki tau angngakuiA'.

PANGNGEBARANG 23:5

Saba', lalang sipakkida mataji nakkulle lanynya' barang-barannu, sanrapang akka'nyiki nanri'ba' nai' ri allaka sangkamma jangang-jangang rajawali.

KATO'BA 7:14

Jari, rannu mako punna natabako upa'. Mingka punna natujuko bala, teako kaluppai angkanaya Allata'ala assareko rua-rua. Taniassengai apa lakajarianga ribokoangannaya.

MATIUS 16:23

Mingka assailemi Isa ri Petrus nampa Nakana, “A'lampako anrinni, Setang! NualleA' nurompa-rompai. Antu pikkirannu, pikkirang rupatau; teai pikkiranNa Allata'ala!”

MATIUS 6:19

“Teako pa'barang-barangang bawang nupasse're ri lino. Nasaba' pa'barang-baranganga ri anne linoa akkullei nakanre kacoa', siagang bu'bu', yareka akkullei nilukka' ri palukkaka.

LUKAS 12:15

Nampa Nakana Isa ri sikamma tau niaka anjoreng, “Tutuko siagang jaga-jagako, gassingka a'jariko tau mangngoa. Nasaba' teai battu ri kakalumanynyanganna nattallasa' rupataua, manna pole sanna' jaina pa'barang-baranganna.”

LUKAS 16:11

Jari punna takkulleako nipatappa' ri passala' pa'barang-barangang lalanga ri linoa, inai laero' ampatappakko ri passala' pa'barang-barangang surugaya?

FILIPI 1:23

Battu pimbalimi pikkirang battua mae ri nakke. Ero' dudua' ambokoi anne linoa nakua'lampa mange ammantang siagang Almasi, nasaba' iaminjo kaminang baji'.

KOLOSE 3:1

Nipabangung poleang mako ammotere' battu ri kamateanga siagang Almasi. Lanri kammana, musti usaha mako untu' anggappai apa-apa niaka ri suruga; iamintu ri tampa'Na Almasi, ammarenta siagang Allata'ala.

KOLOSE 3:5

Lanri kammana, bunomi sikontu ero' pakkalinoannu, tuli ansusaiyai kalennu; kammaya pa'gau' bawanganga, kabamballanga, hawa napasua, cinnaya a'gau' ja'dala', siagang kangoang (nasaba' anjo angngoaya sangkammai siagang anynyombaya barhala).