KOLOSE 2:3 - KITTA' MATANGKASA'

³ Almasimi ampa'nyatai sikontu apa-apa tenayapa niassengi battu ri kacara'dekanNa siagang pangngassenganNa Allata'ala, ia taccokkoa riolo.

KOLOSE 2:3 Iomraidhean Croise

1 KARAENG-KARAENG 3:28

Nalangngere'na bansa Israel anjo kaputusang le'baka natantukang lalang ri anjo parkaraya, lannasa'mi siagang angngali'mi ke'nanga ri ia. Nasaba' a'nassami angkanaya nisaremi pangngassengang mabaji' ri Allata'ala untu' a'gau' adele'.

AYUB 28:21

Tena apa-apa attallasa' le'ba' anciniki, ba'lalo jangang-jangang ri allaka tena todong naciniki.

PANGNGEBARANG 2:4

Boyai anjo kammaya sanrapang a'boya bulaeng, siagang ondangi anjo kammaya sanrapang angngondang pakkalumanynyangngang taccokkoa.

YESAYA 11:2

KoasaNa Batara langngului, ampa'jari baji' akkalaki siagang cara'deki, porei angngalle kaputusang nampa nagaukang; angngassengi ero'Na Allata'ala siagang mappilangngeri ri Ia.

YESAYA 40:14

Inai Napakkuta'nangngi Batara sollanna anggappa pangngassengang siagang pammahang? Inai assarei pitunju' untu' angngalle tindakang cocoka?

MATIUS 10:26

“Teako mallakki ri ma'rupataua. Tenanniakka apa-apa taccokko talakacinikang sallang; siagang tenanniakka apa-apa nicokkoi talakaassengang sallang.

LUKAS 11:49

Iaminjo na nakanamo Kana mabaji'Na Allata'ala, ‘LaKusuroi na'bi-na'bia siagang tunisuroKu mange ri ke'nanga; mingka nia'mo sipa'gang lanabuno, siagang nia'mo sipa'gang lanasessa!’

ROMA 11:33

Teai sipato' heba'na kakalumanynyanganNa Allata'ala! Teai sipato' tinggina kacara'dekanNa siagang pangngamaseanNa! Maka inai akkulle ampappilajari sikamma apa le'baka Napattantu? Maka inai akkulle ampahangi cara-caraNa anjama?

1 KORINTUS 1:24

Mingka untu' sikamma tau le'bakamo nikio' ri Allata'ala – baji' tu Yahudi yareka bansa-bansa maraenga – iami a'jari pammatei ri butti Napa'nyatana kakoasanNa siagang kabajikanNa Allata'ala.

1 KORINTUS 1:30

KalenNa Allata'ala ampasse'rei katallassannu siagang Isa Almasi. Tete ri Isa Almasi nanipa'jariki' cara'de'. Siagang tete ri Iatommi naNapasibajiki maki' Allata'ala mae ri KalenNa, iamintu Napa'jari maki' umma'Na, kammayatompa Napa'jari bebasa' maki'.

EFESUS 1:8

Teai sipato' lompona pangngarimangnginNa Allata'ala, le'baka Napa'laboang mae ri katte situru' kabajikang siagang pangngassengang.

KOLOSE 1:19

KalenNa tonji Allata'ala angkaerokangi sollanna sikontu apa-apa niaka ri KalenNa Allata'ala, nia' ngaseng tongi ri KalenNa Ana'Na.

KOLOSE 1:28

Iaminjo Almasi nabirittakanga ikambe mae ri sikontu rupataua. Kipakainga'mi siagang kiajara' ngasemmi ke'nanga siagang baji'-baji'. Pattujunna ikambe iamintu sollanna akkulle ngaseng nierang rupataua mae ri Allata'ala, salaku tau baji'mo katallassang rohanina, lanri asse'renamo siagang Almasi.

KOLOSE 1:9

Iaminjo saba'na nakituli ampappala' doangangko appakkaramula ri nilangngere'na kabara'nu. Kipalaki mae ri Allata'ala sollannu Nasare RohNa Allata'ala kacara'dekang siagang pangngassengang sollanna nupahang baji' apa Nakaerokia Allata'ala.

KOLOSE 3:16

Parallui antama' ri atinnu ajarang-ajaranNa Almasi rassia barakka'. Paralluko massing siajara' siagang sipakainga' baji'-baji'. Kelongangi kelong-kelonga siagang pammuji-mujia kammayatompa lagu-lagu rohania; sukkurukko lalang ri atinnu nukkelong-kelong untu' Allata'ala.

KOLOSE 3:3

Nasaba' le'ba' mako mate, nataccokko tallasa'nu siagang Almasi lalang ri Allata'ala.

2 PETRUS 1:5

Lanri kammana, attojeng-tojeng mako appattujuang sollanna nipakajarre' tappa'nu ri katallassang bajika. Sipa'rurunganna katallassang bajika, parallui nia' pangngassengannu;

PAPPICINI' 2:17

Inai-nai akkulle allangngere', parallui naparhatikang anjo apa Napaua RohNa Allata'ala mae ri jama'ah-jama'aka! Ia ammetaya, laKukellai angkanrei kanre taccokkoa; siagang massing lanatarimai battu ri Nakke se're batu kebo'. Lalang ri anjo batua nia' tattulisi' areng beru, tenaya naassengi rupataua, pantaranganna tau antarimayai.”