KALAPPASSANG 2:3 - KITTA' MATANGKASA'

³ Mingka takkulleai sallo dudu nacokko anjo anaka. Jari angngallemi amma'na se're karanjeng nampa nalapisi' siagang tere' sollanna tantamaya je'neka. Le'baki anjo napantama'mi anjo ana' loloa ri anjo karanjenga, nampa naerang mange ri Binanga Nil, nampa naboli' ri tangnga-tangngana ruku' tinggia ri birinna anjo binangaya.

KALAPPASSANG 2:3 Iomraidhean Croise

PA'JARIANG 11:3

Massing angkanami para ia ke'nanga, nakana, “Umba kippare' batu bata nampa nitunu sa'genna a'jari terasa'.” Kammaminjo nania'mo batu batana ke'nanga untu' ambangung balla' siagang tere' untu' ampasidakkiki anjo batu bataya.

PA'JARIANG 14:10

Anjo lapparaka rassi siagang bungung tere'. Na ri wattunna lari karaeng-karaeng battua ri Sodom siagang Gomora ambokoi anjo pa'bundukanga, tu'guru'mi ke'nanga naung ri anjo sikamma bungunga. Anjo tallua karaeng maraenga, lappasaki ke'nanga nampa lari nai' ri monconga.

PA'JARIANG 6:14

Appare'mako se're kappala' kayu ia kassaka pare'na. Apparekko kama'-kamara' lalang ri anjo kappalaka, nampa nulapisi' siagang tere' pantaranganna siagang lalanganna.

KALAPPASSANG 1:22

Appasulu'mi parenta karaenga mae ri sikontu ra'ya'na angkana, “Sikontu ana' bura'ne beru lassuka ri tu Ibrania musti nipelaki antama' ri Binanga Nil, mingka sikontu ana'na bainea akkullei nilappassang attallasa'.”

YESAYA 18:2

Nia'mo siapa are suro battu ri anjo pa'rasanganga a'limbang ri Binanga Nil, lalang ri biseang-biseang pandanga. He, sikamma suro laccirika ngaseng, ammotere' mako linta' mange ri pa'rasangannu napanumaloia sikamma anjo binangaya. Angngerang mako se're pasang mae ri anjo bansanu makassaka siagang barania, sikamma taunnu tinggi-tinggia ngaseng siagang alusuka bukkulenna, kammayatompa nikamallakkanga ri sikontu linoa.

YESAYA 19:6

Sikamma tarrusang je'neka la'rasa bottoki ri wattunna pila' cappu' je'nena. Borong nipaya siagang rukuka la'jari kalumengi.

YESAYA 35:7

Kassi' bambanga la'jari kollang, butta kalotoroka la'jari timbuseng je'ne'. Tampa' le'baka napammantangngi kongkong romang, lanipattimboi ri borong nipa siagang pandang.

MATIUS 2:13

Ammotere'namo anjo tucara'deka accini' bintoeng, nia'mi pole malaeka'Na Batara ampappicinikangi kalenna lalang so'na mae ri Yusuf. Nakana anjo malaekaka, “Eroki nasuro boya siagang nasuro buno Herodes antu Anaka. Jari ambangungko nai', erangi antu Anaka siagang amma'Na mange accokko ri Mesir. Ammantang mako anjoreng sa'gennu Kusare poleang kabara'.”

MATIUS 2:16

Naassenna Herodes angkanaya nitipui ri anjo tucara'deka accini' bintoeng niaka battu raya, tamakami larrona. Appasulu'mi parenta, assuro buno ngasengi sikontu ana'-ana' bura'ne niaka lalang ri Betlehem siagang ri ampi'-ampi'na, ia umuru' ruan taunga siagang irawangannaya. Anjo umuruka appakkaramulai nirekeng ri wattu pammumbana anjo bintoenga, situru' le'baka napau anjo tucara'deka accini' bintoeng.

LAMPA-LAMPANA 7:19

Anjo karaenga napare' karek-karenammi bansata, siagang sanna'mi nakapallakkina boe-boeta. Napassami boe-boeta ampelaki ana'-ana' lolona punna lassu' sollanna nibawang-bawangngang na mate anjo ana' loloa.