KALAPPASSANG 13:3 - KITTA' MATANGKASA'

³ Nakanamo Musa mae ri bansa Israel, “Anne alloa Nalappassang mako Batara lalang koasa malompoNa, sa'genna akkulle mako assulu' battu ri Mesir, tampa'nu nipare' ata. Lanri kammana anjo, pakalompomi anne alloa. Teako angnganrei roti ammakea pa'gambang.

KALAPPASSANG 13:3 Iomraidhean Croise

PA'JARIANG 15:16

Punna narapi'mo patang lapisi' turungannu, lammotere'mi cucu-cucunnu mae anrinni, nasaba' talaKubongkayapi a'lampa tu Amori punna tenapa ta'liwa' ja'dala'na ke'nanga sa'genna parallu nihukkung.”

1 PATTOTTORANG 16:12

Ikau turunganna Yakub, atanNa Allata'ala! ikau turunganna Israel, Umma' nipileNa! U'rangi sikontu gau' mappakalannasa'Na, teako takkaluppa ri apa le'baka Napattantu.

NEHEMIA 1:10

O, Batara, ikambe anne ata-atanTa, umma' kalenTa le'baka Kipasalama' lalang koasaTa siagang kahebakkanna kagassinganTa.

NEHEMIA 9:10

Kigaukangi gau' mahebaka ri karaeng Mesir kamma todong ri pagawena siagang ri ra'ya'na pa'rasanganna, nasaba' Kiassengi antekamma batena ampa'risi ummatTa. Nampa masahoro'mo arenTa sa'genna anne alloa.

PAMMUJI 105:5

He, turunganna Abraham, atanNa, siagang turunganna Yakub tunipileNa, u'rangi sikontu gau' appakalannasa' sikontu le'baka Nagaukang, teako kaluppai sikamma kaputusanNa.

PAMMUJI 114:1

Ri wattunna assulu' bansa Israel battu ri Mesir, wattunna nabokoi turunganna Yakub pa'rasangang maraenga,

PAMMUJI 136:11

Naantaraki tu Israel assulu' battu ri Mesir; pangngamaseanNa sa'genna satunggu-tungguna;

PAMMUJI 136:12

siagang lima kassa'Na na kalompoanna pangngamaseanNa sa'genna satunggu-tungguna.

PAMMUJI 89:14

Tamaka lompona koasaTa, tamaka heba'na kagassinganTa!

KALAPPASSANG 12:15

Nakana Batara, “Tuju allo sallona takkulleako angnganre roti ammake pa'gambang. Ri allo makase'rea sikontu pa'gambanga musti nipasuluki battu ri balla'nu, nasaba' punna lalanna anjo tuju alloa nia' sitau angnganre roti ammake pa'gambang, tenamo nakkulle nikana anggota ummakKu.

KALAPPASSANG 12:17

Anjo alloa laKuerangi sikontu bansanu assulu' battu ri Mesir. Lanri kammana anjo untu' situlusu'na, tunggala' taung, anjo allo kammaya musti nupakalompoi a'jari allo lompo.

KALAPPASSANG 12:2

“Anne bulanga a'jari bulang makase're battu pa'bilangang tanggala'nu.

KALAPPASSANG 12:41

Ri allo kala'busanna anjo taung maka-430 taung, sikontu barisanna anjo umma'Na Batara a'lampami ambokoi butta Mesir.

KALAPPASSANG 12:42

Anjo bangngia tulusu' a'jagaNa Batara untu' angngantaraki ke'nanga assulu' battu ri Mesir. Siagang iatommi anjo bangngia untu' situlusu'na niu'rangi a'jari bangngi nipakalompo untu' Batara. Anjo bangngia musti a'jaga-jagai umma' Israel.

KALAPPASSANG 12:8

Anjo memang bangngia musti nulanggai dagenna nampa nupasikanre siagang gangang pai' siagang roti tenaya nammake pa'gambang.

KALAPPASSANG 13:14

Punna ri bokoang allo nakkuta'nang ana'nu angkana apa ngaseng battuanna anjo sikammaya, musti appialiko angkana, ‘Lalang koasa malompoNa Batara na Naerang maki' assulu' battu ri pa'rasangang Mesir, tampatta nipare' ata.

KALAPPASSANG 13:9

Anne passua'-suarranga anjari pangngu'rangi mae ri kau, sanrapang pammatei nisikkoka ri limannu yareka pammatei ri abannu. Anne passua'-suarranga anjari pappiu'rangi mae ri kau sollanna tuli nubicara siagang tuli nupilajari Hukkung-hukkunNa Batara; saba' Napasulukko Batara battu ri Mesir siagang koasa malompoNa.

KALAPPASSANG 20:2

“INakkemi Karaeng Allata'alanu, angngerangako assulu' battu ri Mesir, tampa'nu nipare' ata.

KALAPPASSANG 20:8

Pakalompoi Allo Pammari-marianga siagang pakala'biriki anjo alloa a'jari allo matangkasa'.

KALAPPASSANG 23:15

Lalang bulang Abib, ri wattu le'baka nipattantu, musti nupakalompoi Passua'-suarrang Roti Tenaya Nammake Pa'gambang, situru' cara le'baka Kuparentakang mae ri kau, nasaba' lalannami anjo bulang Abib nanubokoi butta Mesir. Teako angnganrei roti ammake pa'gambang lalang anjo tujua allo passua'-suarrang. Punna battuko anggaukangi ibadanu mae ri Nakke, musti angngerangko passare.

KALAPPASSANG 3:20

Mingka laKupakei kakoasangKu, siagang laKuhukkungi Mesir, iamintu Kupitujui siapa are bala lompo. Le'baki anjo, lanasare mako ising untu' a'lampa.

KALAPPASSANG 34:18

Pakalompoi allo Passua'-suarranna Roti Tenaya Nammake Pa'gambang. Kamma le'baka Kuparentakang mae ri kau, musti angnganreko roti tenaya nammake pa'gambang lalang tuju allo sallona lalang ri bulang Abib, lanri lalang iaminjo bulanga nanubokoi butta Mesir.

KALAPPASSANG 6:1

A'bicarami Allata'ala mae ri Musa nakana, “INakkemi Batara.

KALAPPASSANG 6:6

LaKupa'jariko ummakKu, siagang iNakke a'jari Allata'alanu. Na lanuassemmo angkanaya iNakkemi anne Batara, Allata'alanu, le'baka allappassangko battu ri Mesir, ampare' atayako.

KALAPPASSANG 6:7

LaKuerangko mange ri pa'rasangang Kupa'janjianga ammake sumpa mae ri Abraham, Ishak siagang Yakub; Kupassareangi anjo buttaya mae ri kau a'jari ikau ampatangi. INakkemi Batara.”

KALAPPASSANG 7:4

Lanri kammana anjo laKuhukkungi Mesir siagang hukkungang-hukkungang battala', nampa Kuerang sikontu bansa Israel, ummakKu, assulu' battu ri anjo pa'rasanganga.

DANIEL 9:15

O Batara, Allata'alana ikambe, iKatte le'ba' ampa'nyatai kakoasanTa. Iamintu Kieranna ummatTa assulu' battu ri Mesir, siagang anjo kakoasanTa tuli niu'ranginna. Dorakami ikambe siagang nagaukammi ikambe kasalanga.

MATIUS 10:12

Punna antamakko ri se'reang balla', a'barisallang mako angkana, ‘Poro nibarakkaki ngasengko ri Batara sibatu balla'.’

LUKAS 22:19

Le'baki anjo angngallemi roti Isa. Na le'ba'na appala' sukkuru', Napue-puemi anjo rotia siagang limanNa, nampa Napassareang mae ri ke'nanga, na Nakana, “Iaminne batangkalengKu [nipassareanga untu' ikau ngaseng. Gaukammi anne kammaya, untu' a'jari pangngu'rangi mae ri Nakke.”

1 KORINTUS 11:24

na ri wattunna le'ba' appala' sukkuru' mae ri Allata'ala, Nabage-bagemi anjo rotia, nampa Nakana, “Iaminne batangkalengKu nipassareanga untu' ikau ngaseng. Gaukammi anne kammaya untu' pangngu'rangi mae ri Nakke.”

1 KORINTUS 5:8

Jari, maeko nanipakalompo anjo passua'-suarranga siagang roti tenaya nammake pa'gambang; iamintu roti a'jaria pangngebarang mae ri apa-apa tenaya callana siagang Nakaerokanga Allata'ala. Teaki' nakipakalompoi anjo passua'-suarrang Paskaya siagang roti niaka pa'gambang sallona, iamintu pa'gambang dosaya siagang kaja'dallanga.

EFESUS 1:19

siagang antekamma heba'na kakoasanNa Allata'ala Nagaukanga lalang ri jama-jamanna ri tangnga-tangngata tau tappaka. Teai sipato' heba'na anjo koasaNa Allata'ala,

PAOLE 13:11

Jari sikontu bansa Israel lanalangngere'mi anjo kabara' pammunoanga siagang a'jari malla'mi, sa'genna manna sitau tenamo barani lappanggaukang kammaya anjo ja'dala'na.

PAOLE 13:6

Punna nia' sari'battannu, yareka ana' bura'nenu yareka ana' bainenu yareka bainennu nukamaseanga, yareka agang baji'nu anynyonyo' cokko-cokkoko untu' anynyomba mae ri rewata-rewata maraeng tenaya nuassengi siagang tenaya naassengi boe-boenu, rewata-rewata battua ri bansa-bansa ambania siagang bellaya ammantang,

PAOLE 15:15

U'rangi angkanaya ikau ata tonjako riolo ri Mesir nampa nipakabebasakko ri Karaeng Allata'alanu; iaminjo saba'na nakupassareang anne parentaya mae ri kau.

PAOLE 16:1

“Pakalompoi Allo Lompo Paskaya ri bulang Abib untu' ampakala'biriki Karaeng Allata'alanu, nasaba' ri wattu iaminjo bulanga, ri wattu bangngina, naNalappassangko Batara battu ri Mesir.

PAOLE 16:12

Turuki sikontu parentaNa siagang pa'mai' tamamminranu, siagang teako kaluppai angkanaya ikau riolo ata tonjako ri butta Mesir.”

PAOLE 16:3

Anjo passare Paskaya musti nupasikanrei siagang roti tenaya nammake pa'gambang. Tuju alloko musti angnganre roti tenaya nammake pa'gambang, sangkamma ri wattu nubokoina butta Mesir siagang akkaro-karo. Kanremi anjo rotia, iamintu roti niarenga roti kasessang, sollanna tuli nuu'ranginna anjo alloa lalang sikontu tallasa'nu, iamintu ri wattunna nubokoi Mesir, tampa' nupammantangngia angkasiaki sessaya.

PAOLE 24:18

U'rangi angkanaya ikau le'bakko a'jari ata ri Mesir nampa nilappassangko ri Karaeng Allata'alanu; iaminjo saba'na nakusareko anne paratoranga.

PAOLE 24:22

U'rangi angkanaya le'bakko a'jari ata ri Mesir; iaminjo saba'na nakusareko anne paratoranga.

PAOLE 26:8

Lanri KoasaTa siagang kagassingang malompoTa naKilappassang ikambe battu ri Mesir. Kigaukangi gau'-gau' malompoa siagang appakalannasaka, kammayatompa Kipabattui kajariang-kajariang appakagegereka mae ri musua.

PAOLE 4:34

Le'bakika nia' rewata barani angngalle se'reang bansa battu ri bansa-bansaya nampa napa'jari ke'nanga umma' kalenna, sangkamma Nagaukanga Karaeng Allata'alanu untu' ikau ri Mesir? Kalennu anciniki antekamma bateNa Allata'ala appabattu kagassingang lompo, angngeranga bala siagang pa'bundukang, anggaukangai gau'-gau' appakalannasaka siagang apa-apa hebaka.

PAOLE 5:15

U'rangi angkana ikau riolo nipare' atako ri Mesir, nampa nilappassangko ri Karaeng Allata'alanu lalang kakoasang malompoNa. Lanri kammana minjo naKuparentakangko untu' ampakalompoi Allo Pammari-marianga.

PAOLE 5:6

Napappiassengangi Batara angkana, ‘INakke Karaeng Allata'alanu le'baka angngerangko assulu' battu ri butta Mesir, tampa'nu nipare' ata.

PAOLE 6:12

katutui baji'-baji' sollanna tena nutakkaluppa mae ri Batara, le'baka allappassangko battu ri Mesir, tampa' le'baka nupammantangngi nipare' ata.

PAOLE 6:21

Musti appialiko angkana, ‘Riolo nipa'jari ataki' ri karaeng Mesir, mingka Nalappassangki' Batara siagang kakoasang lompoNa.

PAOLE 7:8

Mingka Napileko Batara lanri Nakamaseangko siagang eroki Narupai janji Napareka siagang boe-boenu. Iaminjo saba'na nale'ba' mako Napasalama' siagang kakoasang lompoNa siagang Nalappassangko battu ri nipare' atanu battu ri karaeng Mesir.

PAOLE 8:14

katutui baji'-baji' sollanna tena nu'jari tampo siagang takkaluppa ri Karaeng Allata'alanu, le'baka allappassangko battu ri Mesir, le'baka nupammantangngi nipare' ata.

PAOLE 9:12

Nampa Nakana Batara mae ri nakke, ‘Naungko linta', nasaba' anjo bansanu nueranga assulu' battu ri butta Mesir a'gau' ja'dala'mi. Ammengkami ke'nanga battu ri parenta-parentaKu, siagang appare'mi patung untu' nasomba.’

YOSUA 24:17

Karaeng Allata'alata le'ba' allappassangi boe-boeta siagang pole kalenta battu ri nipare' ataya ri Mesir. Le'ba'mi nicini' sikamma gau' malompo Nagaukanga Batara. Tuli Nala'langngiki' Batara lalang sikontu pa'jappanta allaloi sikamma pa'rasangang tu maraenga.

HAKING-HAKING 6:8

Nasuromi Batara se're na'bi battu mae ri ke'nanga. Nakanamo anjo na'bia, “Kammaminne kananNa Batara, Allata'alana tu Israel; ‘Le'ba' mako Kulappassang battu ri nipare' atanu ri butta Mesir.