KALAPPASSANG 12:3 - KITTA' MATANGKASA'

³ Pabattui anne parentaya mae ri sikontu umma' Israel: Ri tanggala' sampulo anne bulanga, sikontu tu bura'nea musti ammolongi sikayu ana' gimbala' untu' nakanre siagang kaluargana.

KALAPPASSANG 12:3 Iomraidhean Croise

PA'JARIANG 22:8

Appialimi Abraham angkana, “KalenNa Allata'ala lampasadiai anjo ana' gimbalaka.” Nampa napatulusu' lampana ke'nanga.

PA'JARIANG 4:4

Na naalle tommo Habel kalase'renna ana' gimbala' bungasa'na, nanasamballe, nampa nakoro'bangkang bageang kaminang bajika mange ri Batara. Sannammi nyawaNa Batara mae ri Habel siagang anjo koro'bang napassareanga.

2 PATTOTTORANG 35:7

Sollanna akkulle assare koro'bang Paska sikamma tau hadereka ri anjo Allo Paskaya, assare tommi Karaeng Yosia sumbangang olo'-olo' piara kalenna iamintu 30.000 gimbala', ana' gimbala' siagang bembe rungka, kammayatompa 3.000 sapi laki.

KALAPPASSANG 12:2

“Anne bulanga a'jari bulang makase're battu pa'bilangang tanggala'nu.

KALAPPASSANG 12:21

Nakioki Musa sikontu pamimpinna bansa Israel nampa nakana mae ri ke'nanga, “A'lampamako mange angngalle sikayu ana' gimbala' untu' kaluarganu, untu' ampakalompoi allo Paskaya.

KALAPPASSANG 12:4

Punna sike'de' duduji anggota kaluargana, natakkullea napila'busi anjo sikayua ana' gimbala', anjo kaluargaya akkullei siagang siampi' balla'na angkanrei anjo ana' gimbalaka. Anjo gimbalaka musti nibagei situru' jaina tau langnganrea.

KALAPPASSANG 12:6

Musti nuboliki sa'genna tanggala' sampulo angngappa'. Anjo alloa, ri karuenna, sikontu umma' Israel musti napolongi anjo ana' gimbalaka.

KALAPPASSANG 14:15

Nakana Batara ri Musa, “Angngapa nummarrang appala' tulung? Suroi anjo tu Israel a'jappa tulusu'!

KALAPPASSANG 20:19

Nakanamo ke'nanga ri Musa, “Ikaumo a'bicara mae ri kambe, nalanapilangngeri ikambe. Teami na Allata'ala a'bicara mae ri kambe, gassingka mateji ikambe.”

KALAPPASSANG 4:30

Napabattumi Harun mae ri ke'nanga sikontu apa le'baka Napau Batara mae ri Musa. Siagang nagaukang tommi Musa sikontu anjo gau' malompoa ri dallekanna ngaseng anjo taua.

KALAPPASSANG 6:6

LaKupa'jariko ummakKu, siagang iNakke a'jari Allata'alanu. Na lanuassemmo angkanaya iNakkemi anne Batara, Allata'alanu, le'baka allappassangko battu ri Mesir, ampare' atayako.

YEHEZKIEL 40:1

Anjo wattua tanggala' sampulo bulang se're, lalang taung makaruampulo allima ri wattu nipela'na ikambe, iamintu sampulo angngappa' taung ri le'ba'na nibeta Yerusalem, kupisa'ringimi kakoasanNa Batara, nampa Naeranga' a'lampa.

KAIMANGNGANG 1:2

ia mustia naturuki tu Israel. Punna nia' tau assare olo'-olo' untu' koro'bang nitunu mae ri Batara, akkullei assare sapi, gimbala' yareka bembe.

KAIMANGNGANG 5:6

Na untu' antangkasi anjo dosana, musti angngerangi anjo taua sikayu gimbala' yareka bembe gana untu' napassareang mae ri Batara. Imanga musti napassareangi anjo koro'banga sollanna nipammopporang dosana anjo taua.

PAMMILANGNGANG 15:11

Iaminjo musti nipassareang siagang tunggala' tassikayua sapi laki, gimbala' laki, gimbala' yareka bembe.

YOHANES 1:29

Ammukona, nia'mi Isa nacini' Yohanes battu mae ri ia. Nakanamo Yohanes, “Cini'mi, Iaminjo Ana' Gimbala'Na Allata'ala, antangkasiai dosana bonena linoa.

YOHANES 1:36

Ri wattunna nacini' Isa ammalo, nakanamo, “Ciniki! Iaminjo Ana' Gimbala'Na Allata'ala.”

YOHANES 12:1

Ri annangallonapi nanarapiki Allo Lompona Paskaya, a'lampami Isa mange ri Betania. Anjorengi ammantang Lazarus, anjo le'baka Napattallasa' poleang Isa battu ri kamateanna.

YOHANES 12:12

Ammukona bari'basa' nalangngere'mi tau jaia battu ero' ansua'-suarri allo Paskaya, angkanaya nia'mi Isa ri aganga ero' mange ri Yerusalem.

1 KORINTUS 5:7

Pelaki rolong anjo pa'gambang salloa, iamintu dosaya, sollannu a'jari sanrapang labu' berua nileo', tangkasaka battu ri pa'gambanna dosa salloa. Nakuasseng angkanaya kamma mako anjo, lanri sadiami passua'-suarrang allo Paskata: Almasi a'jari sanrapang gimbala' Paska, le'baka nikoro'bangkang.

YOSUA 7:14

Lanri kammana anjo Yosua, pauangi ke'nanga angkanaya ammuko bari'basa' laniparessai ke'nanga tasse're-se're suku. Punna Kujo'joki se'reanga suku, sikontu golongang bija niaka lalang ri anjo sukua musti majui tasse're-se're golongang. Siagang punna Kujo'joki se'reanga golongang, sikontu kaluarga niaka lalang ri anjo golongang bijaya musti majui tasse're-se're kaluarga. Nampa punna Kujo'joki se'reanga kaluarga, musti maju tasse're-se'rei tau niaka lalang ri anjo kaluargaya.

PAPPICINI' 13:8

Anjo olo'-oloka lanisombai ri sikontu tau attallasaka ri lino, pantaranganna tau le'bakamo nitulisi' arenna ri wattu tenanapa nipa'niaki linoa, lalang ri kitta' katallassanNa anjo Ana' Gimbala' le'baka nisamballe.

1 SAMUEL 7:9

Lanri kammana, ammolommi Samuel sikayu ana' gimbala' rungka, nampa nakoro'bangkang sipa'gang a'jari koro'bang nitunu untu' Batara. Le'baki anjo appala' doammi sollanna Natulung Batara tu Israel. Na nitarimamo pappala' doanna.