KALAPPASSANG 11:3 - KITTA' MATANGKASA'

³ Batara lampagioki atinna tu Mesir sa'genna lammoro' pa'mai' ke'nanga mae ri tu Israel. Na'jari Musa tu sanna' nipakalompona ri sikamma pagawea siagang ra'yaka ri Mesir.

KALAPPASSANG 11:3 Iomraidhean Croise

PA'JARIANG 12:2

LaKusareko bija majai, siagang laKupa'jari ke'nanga bansa lompo ri lino. LaKubarakkakiko siagang laKupa'jari masahoroki arennu, sa'gennu la'jari barakka'.

PA'JARIANG 39:21

Mingka nitulungi Yusuf ri Batara, siagang tuli nikamaseangi. Sa'genna ningai ri kapala balla' tarungkua.

2 SAMUEL 7:9

Le'ba' mako Kururungang manna pole kemae lampanu, siagang sikontu musunnu le'ba'mi Kutumpasa' ri wattunnu a'bundu'. LaKupa'jariko masahoro' sangkamma pamimping-pamimping kaminang lompoa ri lino.

ESTER 9:4

Ri sikontu kakaraenganga naasseng ngasengi taua angkana anjo Mordekhai sanna' lompona pangaruna ri balla' karaenga siagang pila' lompomi koasana.

PAMMUJI 106:46

Napa'jarimi ke'nanga nikamaseang ri sikontu bansa antahangai ke'nanga.

KALAPPASSANG 12:35

Nagaukang ngaseng tommi ke'nanga apa le'baka napau Musa, iamintu appalaki ke'nanga belo-belo bulaeng, pera' siagang pakeang battu ri tu Mesir.

KALAPPASSANG 12:36

Napagio'mi Batara atinna tu Mesir sa'genna lammoro' pa'mai' mae ri tu Israel; napassareammi ke'nanga sikamma apa napalaka tu Israel. Kammaminjo carana tu Israel na naerammo kakalumanynyanganna tu Mesir assulu' battu ri anjo pa'rasanganga.

KALAPPASSANG 3:21

LaKupagioki pa'mai'na tu Mesir sa'genna lammoro' pa'mai' mae ri kau ngaseng; sa'genna ri wattunna a'lampa ummakKu, tena nala'lampa kosong limanna.

YESAYA 60:14

Ana'-ana'na tau anjallakkangiako battui su'ju', ia le'baka anghinako la'dundui, lanigallarakko ‘KotaNa Batara’, ‘Sion, Kota Allata'ala Matangkasa'na Israel’.

LAMPA-LAMPANA 7:22

Sikamma pappilajaranna bansa Mesirka nipangngajarrang tommi mae ri ia. Na'jarimo tau sannaka lompona koasana, baji' lalang kana-kananna kammayatompa lalang panggaukanna.

PAOLE 34:10

Ri Israel tenamo na'bi sangkamma Musa a'bicaraya sidallekang rupa siagang Batara.

PAOLE 34:11

Tena anggaukangi gau'-gau' malompoa siagang appakalannasaka sangkamma nagaukanga Musa mae ri pa'rasangang Mesir, karaenna siagang sikamma pagawena situru' parentaNa Batara.

YOSUA 4:14

Anjo alloa Nagaukangi Batara sikamma gau' malompoa sa'genna anjo bansa Israel napakalompomi Yosua salaku tau malompo. Nipakalompomi Yosua ri ke'nanga lalang sikontu tallasa'na, sangkamma nipakalompona Musa ri ke'nanga.

PAPPICINI' 3:9

U'rangi anne: Anjo tau a'jaria umma'na Billisika, paballe-balle nakanaya kalenna tu Yahudi, na sikontutojenna teai, laKupakkulantuki assu'ju' ri dallekannu ngaseng. Nalanaasseng ke'nanga angkanaya Kukamaseang ngasengko.