KALAPPASSANG 10:2 - KITTA' MATANGKASA'

² siagang sollanna akkulle nucarita mae ri ana' cucunnu antekamma batena Kupare' karek-karenang bansa Mesir lanri sikamma anjo gau' malompoa. Jari lanuasseng ngasemmi angkanaya iNakkemi Batara.”

KALAPPASSANG 10:2 Iomraidhean Croise

2 SAMUEL 7:22

IKatte ma'nassa teai sipato' malompoTa tojeng, o Karaeng Allata'ala! IKatteji bawang Allata'ala, tena sikali sangkammanTa. Naassengi ikambe anjo passalaka lanri baku' riolo iji nanipauammo ikambe.

PAMMUJI 44:1

Pammujina golongang Korah. Kelong pangngajarang. Untu' pamimping pakelong.

PAMMUJI 44:2

O, Allata'ala, kalenna ikambe allangngereki, riwaya' nacaritaya boe-boena ikambe ri passala' gau' malompo le'baka Kigaukang ri jammang riolo.

PAMMUJI 58:11

Rannui tau lambusuka anciniki tau ja'dalaka nihukkung, na nabissai bangkenna lalang cera'na tau dorakaya.

PAMMUJI 71:18

O, Allata'ala, tea' laloKi' bokoia', sa'gengku toa siagang kebo' uukku, sollanna kukabarrang koasaTa siagang kaporeanTa mae ri sikontu turungang labattua.

PAMMUJI 78:3

sikamma apa le'baka nalangngere' siagang natarima ikambe, nacaritaya boe-boena ikambe.

KALAPPASSANG 13:14

Punna ri bokoang allo nakkuta'nang ana'nu angkana apa ngaseng battuanna anjo sikammaya, musti appialiko angkana, ‘Lalang koasa malompoNa Batara na Naerang maki' assulu' battu ri pa'rasangang Mesir, tampatta nipare' ata.

KALAPPASSANG 14:18

Lanaassengi tu Mesir angkanaya iNakke Batara.”

KALAPPASSANG 14:4

LaKupa'jari kapala batui anjo karaenga sa'genna amminawang angngondangko. Mingka laKupappicinikangi kakoasangKu mae ri anjo karaenga siagang tantarana, na lanaasseng ke'nanga angkanaya iNakkemi Batara.” Nampa nagaukammo tu Israel situru' anjo apa Naparentakanga Batara mae ri ke'nanga.

KALAPPASSANG 7:17

Lanri kammana anjo, kammaminne kananNa Batara, ‘Battu ri apa Kugaukanga sallang, lanuassemmi angkanaya iNakkemi Batara.’ Anne takkanga laKupake antunrungi rateanna je'neka ri binangaya, nampa tappinra je'ne'na a'jari cera'.

KALAPPASSANG 7:5

Jari lanaassemmi tu Mesir angkanaya iNakkemi anne Batara, ri wattunna Kuhukkung ke'nanga siagang Kuerang tu Israel assulu' battu ri pa'rasanganna ke'nanga.”

KALAPPASSANG 8:6

Jari napajonjomi Harun anjo takkanna ri tompo'na sikontu je'neka, nampa ammumbamo tumpanga ampirassi sikontu pa'rasanganga.

YESAYA 38:19

Tuttallasa' bawang akkulle mammuji ri Katte, kamma kugaukanga anne alloa. Tutoa ancaritai ri ana'na ri tamaka tamamminraTa, o Batara.

YEHEZKIEL 20:26

Kulappassangi ke'nanga anra'massi kalenna siagang koro'bang-koro'banna ke'nanga, ba'lalo ana' bungasa' bura'nena ke'nanga nakoro'bangkangi. Kammami anjo carana ke'nanga Kuhukkung sollanna naasseng ke'nanga angkanaya iNakkemi Batara.

YEHEZKIEL 20:28

Kuerangi ke'nanga mange ri butta le'baka Kupa'janjiang mae ri ke'nanga. Ri wattunna nacini' ke'nanga bulu'-bulu' tinggia siagang poko'-poko' kayu copponga leko'na, assaremi ke'nanga koro'bang anjoreng ri sikamma anjo tampaka. NapakanassuA' ke'nanga lanri assarena ke'nanga koro'bang-koro'bang nitunu siagang anggoro'.

YO"EL 1:3

Caritai anjo kajarianga mae ri ana'-ana'nu; sollanna nacarita ke'nanga anjo caritaya mae ri ana'-ana'na. Ana'na ri bokoa musti nalangngere' tongi, nampa napannarrusu' todong mae ri ana'na sallang.

EFESUS 6:4

Ikau ngaseng a'jari manggea! Teako pakanassu-nassui pa'mai'na ana'nu. Mingka pakalompoi pa'mai'na siagang ajara' bajiki ke'nanga situru' pangngajaranNa Batara.

PAOLE 4:9

Parhatikangi siagang u'rangi baji'-baji', sollanna tena nanukaluppai apa le'baka nucini' kalennu lalang tallasa'nu. Caritai mae ri ana' cucunnu