KAIMANGNGANG 9:3 - KITTA' MATANGKASA'

³ Nampa suroi bansa Israel assare sikayu bembe laki untu' koro'bang pammopporang dosa siagang sikayu ana' sapi kammayatompa sikayu ana' gimbala', massing-massing umuru' sitaung siagang tenaya callanna untu' koro'bang nitunu.

KAIMANGNGANG 9:3 Iomraidhean Croise

PA'JARIANG 37:31

Anynyamballemi ke'nanga sikayu bembe nampa natallangngang jubana Yusuf antama' ri cera'na anjo bembea.

EZRA 10:19

A'janjimi ke'nanga lantallaki bainenna ke'nanga, nampa assare passare gimbala' laki untu' koro'bang pammopporang dosana ke'nanga.

EZRA 6:17

Lalang anjo wattua assaremi ke'nanga passare mae ri Batara, iamintu 100 kayunna sapi laki, 200 kayunna gimbala' laki, siagang 400 kayunna ana' gimbala'. Na untu' koro'bang ri nipammopporanna dosaya nipassareang tommi sampulo anrua bembe laki, tassikayu massing tasse'rea suku Israel.

KALAPPASSANG 12:5

Akkullei nupile gimbalaka yareka bembea, mingka musti lakia, umuru' sitaung, siagang tenaya callanna.

YESAYA 53:10

Batara angkaerokangi sollanna nakasiaki passessaya, siagang napassareang kalenna untu' a'jari koro'bang pa'lu'lu'na dosaya. Na lala'bu umuru'na siagang naciniki turunganna tete ri kalenna na Napa'jari Batara apa Nakaerokia.

KAIMANGNGANG 10:16

Nampa akkuta'nang Musa ri passala'na bembe untu' koro'bang pammopporang dosaya. Nipauammi angkanaya anjo bembea le'ba'mi nitunu. Larromi Musa mae ri Eleazar siagang Itamar nalangngere'na anjo passalaka; nakanamo ri ke'nanga,

KAIMANGNGANG 12:6

Punna le'ba'mo wattu pannangkasina, baji' lanri le'ba'na allassukang ana' bura'ne yareka ana' baine, anjo bainea musti angngerangi passare mange ri imanga ri dallekang pakke'bu' KemaNa Batara. Anjo passarea iamintu sikayu ana' gimbala' umuru' sitaunga untu' koro'bang nitunu, siagang sikayu jangang-jangang bodobangkeng rungka yareka bukkuru' rungka untu' koro'bang pammopporang dosa.

KAIMANGNGANG 14:10

Ri allo makasagantujuna anjo taua musti angngerangi ruang kayu ana' gimbala' laki siagang sikayu ana' gimbala' gana umuru' sitaunga, yangasenna tena callanna. Pantaranganna anjo angngerang tongi tallu kilo labu' le'baka nipasileo' siagang minynya' zaitun siagang minynya' zaitun bage talluna se'rea litere'.

KAIMANGNGANG 16:15

Le'baki anjo musti nasamballei Harun anjo bembea untu' koro'bang pammopporang dosana umma' Israel. Cera'na anjo bembea musti nierangi mange ri Kamara' Kaminang Matangkasaka, nampa niparacci' ri bageang dallekanna pa'rangka'na Patti Parjanjianga siagang ri dallekanna Pattia, sangkamma le'baka nigaukang siagang cera'na sapi lakia.

KAIMANGNGANG 16:5

Nampa umma' Israel musti napassareangi mae ri Harun ruang kayu bembe laki untu' koro'bang pammopporang dosa siagang sikayu gimbala' laki untu' koro'bang nitunu.

KAIMANGNGANG 23:12

Ri allo nupassareanna anjo gandunga, musti assare tongko untu' koro'bang nitunu iamintu sikayu gimbala' laki umuru' sitaunga siagang tenaya callanna.

KAIMANGNGANG 4:23

jari tena nasallo ri le'ba'na nasadari musti assarei koro'bang sikayu bembe laki tenaya callanna untu' nipammopporanna dosana.

KAIMANGNGANG 4:3

Punna anjo dorakaya iamintu Imang Lompoa, sa'genna ta'beso' ngaseng todong bansa Israel sala, musti assarei koro'bang iamintu sikayu sapi laki rungka, ia tenaya callanna, mae ri Batara sollanna nipammopporang salana.

KAIMANGNGANG 9:2

Nakanamo Musa mae ri Harun, “Angngalleko sikayu sapi laki rungka siagang sikayu gimbala' laki, rua-ruana tena ngaseng callanna. Passareangi anjo ruaya olo'-olo' mae ri Batara; anjo sapi lakia untu' koro'bang pammopporang dosa, nampa anjo gimbala' lakia untu' koro'bang nitunu.

KAIMANGNGANG 9:4

Suroi ke'nanga assare todong sikayu sapi laki siagang sikayu bembe laki untu' koro'bang passiamakkang. Yangasenna anjo musti napassareangi ke'nanga mae ri Batara siagang koro'bang nipatala nisarea minynya', lanri anne alloa laniaki Batara battu mae ri ke'nanga.”

ROMA 8:3

Apa tenaya nakkulle nagaukang hukkung-hukkung agamaya, lanri lammana batangkalenta ikatte rupataua, iaminjo le'ba' Nagaukang Allata'ala. Le'ba'mi Nabeta Allata'ala koasana dosaya lalang ri sipa'na rupataua; iamintu lalang Nasurona battu Ana' KalenNa, le'bakamo battu sanrapang rupatau dorakaya, sollanna Natangkasi dosa-dosata.

2 KORINTUS 5:21

Tena dosaNa Almasi, mingka nipipisangiangi ri Allata'ala sikontu dosata mae ri Ia, sollanta akkulle assibajiki siagang KalenNa, lanri asse'retamo mae ri KalenNa Almasi.

TITUS 2:14

Le'ba'mi Nakoro'bangkang KalenNa untu' kasalamakkanta battu ri sikontu kaja'dallanga, na Napa'jariki' umma'Na matangkasaka, siagang rajenga a'gau' baji'.

1 PETRUS 2:24

KalenNa Almasi ampisangi sikontu dosa-dosata irate ri kayu sallika, sollanta akkulle bebasa' battu ri kakoasanna dosaya, siagang nakiattallasa' situru' ero'Na Allata'ala. Loko'-loko'Nami Almasi ampamolleko ri garrinnu.

1 PETRUS 3:18

Nasaba' le'ba'mi sikali mate Almasi untu' satunggu-tungguna passabakkang dosana rupataua; Ia tena salanna mingka matemi untu' tau salaya. Nagaukammi Almasi kammaya anjo sollannu akkulle Narurungang ngaseng mae ri Allata'ala. Nibunomi tubuNa, mingka nipattallasa' poleammi ammotere' katallassang rohaniNa.

PAPPICINI' 5:9

Akkelommi ke'nanga se're kelongang beru nakana: “IKattemi siratang angngallei anjo kittaka, siagang anreppeki sege'-segele'na. Nasaba' Ikattemi le'ba' nibuno, na lanri kamateanTa, na le'ba'mo Kiballi sikontu rupataua battu ri a'rupa-rupa suku, bahasa, pa'rasangang, siagang bansa, untu' Kierang ri Allata'ala.