KAIMANGNGANG 8:3 - KITTA' MATANGKASA'

³ Nampa suroi sikontu umma' Israel a'rappungang ri dallekanna pakke'bu' KemaKu.”

KAIMANGNGANG 8:3 Iomraidhean Croise

1 PATTOTTORANG 13:5

Jari napa'rappungammi Daud sikontu ra'ya' niaka ri sikontu pa'rasangang, appakkaramula ri pa'baeng-baenna Mesir bageang timboro' sa'genna ri Agang Hamat ri bageang wara', untu' mange angngallei anjo Patti Parjanjianga battu ri Kiryat-Yearim nampa naerang mange ri Yerusalem.

1 PATTOTTORANG 15:3

Jari nakio'mi Daud sikontu tu Israelka battu mae ri Yerusalem untu' ampaletteki Patti ParjanjianNa Batara mae ri tampa' le'bakamo napasadia.

2 PATTOTTORANG 30:13

Ri bulang ruana jaimi ra'ya' asse're ri Yerusalem untu' ansuarri Allo Lompo Roti Tenaya Nammake Pa'gambang.

2 PATTOTTORANG 30:25

Sikontu ra'ya' Yehuda, imang-imanga, tu Lewi, sikamma tau battu waraka, kammayatompa bansa maraeng niakamo ammantang tuli ri Israel siagang ri Yehuda, mate'ne kabusuki nasa'ring nyawana.

2 PATTOTTORANG 5:2

Le'baki anjo nasuromi Karaeng Salomo sikontu pamimping sukua siagang lokoang bija-bijanna bansa Israel a'rappung ri Yerusalem untu' ampaletteki Patti ParjanjianNa Batara battu ri Sion, Kota Daud, mange ri Balla'Na Batara.

2 PATTOTTORANG 5:6

Karaeng Salomo siagang sikontu ra'ya' Israel asse'rei ri dallekanna anjo Patti Parjanjianga nampa assare gimbala' siagang sapi mae ri Batara teai sipato' jaina.

NEHEMIA 8:1

Narapiki bulang tuju nia' ngasemmi tu Israelka ammantang tuli ri massing-massing kotana. Ri tanggala' se're anjo bulanga a'rappung ngasengi ke'nanga ri kota Yerusalem, ri paranglakkeng niaka ri dallekanna Pakke'bu' lompo Je'ne'. Napalaki ke'nanga sollanna naalle Imang Ezra Kitta' Hukkunga. Anjo Ezra se're tucara'de' ri passala'na Hukkung Napassareanga Batara mae ri Israel tete ri Musa.

PAMMUJI 22:25

Saba' tena Nacini' tunai tau nijallakkanga, natena Nabawang-bawangngangi kasessanna. Tena Nala'boko battu ri anjo taua, mingka napilangngeri punna appala' tulungi mae ri Ia.

KAIMANGNGANG 14:11

Nampa musti naerang imanga anjo passarena mange ri dallekanna pakke'bu' KemaNa Batara.

KAIMANGNGANG 8:2

“Kioki Harun siagang sikamma ana'na siagang erangi pakeang imanga, minynya' upacaraya, sikayu sapi laki rungka untu' koro'bang pammopporang dosa, ruang kayu gimbala' laki siagang sibaku' roti tenaya nammake pa'gambang.

KAIMANGNGANG 8:4

Nagaukammi Musa anjo apa Naparentakanga Batara. Ri wattunna a'rappungang ngasemmo sikontu ummaka ri anjo tampaka,

PAMMILANGNGANG 20:8

“Allei takkang niaka ri dallekanna Patti Parjanjianga, nampa ikau siagang Harun musti nupasse'rei sikontu ummaka. Ri dallekanna ngaseng ke'nanga, musti akkanako mae ri bulu' batu niaka anjoreng sollanna appasulu' je'ne'. Kammaminjo batenu ampasuluki je'neka battu lalang ri anjo bulu' batua sollanna akkulle angnginung ra'yaka siagang olo'-olo' piarana ke'nanga.”

PAMMILANGNGANG 21:16

Battu anjoreng a'lampami ke'nanga mange ri tampa' niarenga Beer, battuanna bungung-bungung. Anjoreng le'baki angkana Batara mae ri Musa, “Suroi ummaka asse're; laKusarei je'ne' inung ke'nanga.”

PAMMILANGNGANG 8:9

Nampa passe'rei sikontu umma' Israel siagang suroi tu Lewi ammenteng ri dallekang KemaKu.

LAMPA-LAMPANA 2:1

Ri wattunna narapi'mo allo Pentakosta, a'rappungang ngasemmi sikamma tau tappaka ri se'reang tampa'.