KAIMANGNGANG 4:3 - KITTA' MATANGKASA'

³ Punna anjo dorakaya iamintu Imang Lompoa, sa'genna ta'beso' ngaseng todong bansa Israel sala, musti assarei koro'bang iamintu sikayu sapi laki rungka, ia tenaya callanna, mae ri Batara sollanna nipammopporang salana.

KAIMANGNGANG 4:3 Iomraidhean Croise

2 PATTOTTORANG 29:21

Angngerangi ke'nanga untu' koro'bang pammopporang dosana kaluargana karaenga siagang ra'ya' Yehuda siagang untu' antangkasi Balla'Na Batara, iamintu 7 kayu sapi laki, 7 kayu gimbala' laki, 7 kayu ana' gimbala', siagang 7 kayu bembe. Nasuroi karaenga sikamma imang-imang jari-jarina Harun ampassareangi anjo olo'-oloka irate ri tampa' pakkoro'bangnganga untu' a'jari koro'bang nitunu.

EZRA 8:35

Ri anjo todong alloa, sikontu anjo tau ammoterekamo battu ri pa'rasangang pammelakkanga, assaremi koro'bang nitunu untu' Allata'alana Israel. Assaremi ke'nanga 12 kayunna sapi laki untu' sikontu tu Israel, 96 kayunna gimbala' laki, siagang 77 kayunna ana' gimbala'; pantaranganna anjo nia' todong 12 kayunna bembe untu' koro'bang ri nipammopporanna dosana ke'nanga. Sikontu anjo olo'-oloka nitunui untu' koro'bang mae ri Batara.

KALAPPASSANG 29:14

Dagenna, kukkulu'na siagang parru' lolona anjo sapi lakia musti nitunui ri pantaranna kemaya. Iaminjo a'jari passare untu' nipammopporanna dosana sikamma imanga.

KALAPPASSANG 29:21

Allei sike'de' cera' niaka irate ri tampa' pakkoro'bangnganga siagang sike'de' minynya' upacara, nampa nupiracciki Harun siagang ana'-ana'na kammayatompa pakeanna ke'nanga. Kammaminjo carana Harun siagang ana'-ana'na kammayatompa pakeanna ke'nanga nisa'la' untu' iNakke.

KALAPPASSANG 29:7

Nampa angngalleko minynya' upacara, patiriki nai' ri ulunna siagang minynyaki anjo Harun.

KALAPPASSANG 30:10

Tassikali sitaung Harun musti nagaukangi upacara annangkasi tampa' pattunuang dupa; carana iamintu napiracciki anjo appaka tanru'na siagang cera'na anjo olo'-olo' nikoro'bangkanga untu' nipammopporanna dosaya. Anjo kammaya musti nigaukangi tunggala' taung sa'genna satunggu-tungguna. Anjo tampa' pattunuang dupaya musti tangkasa' kabusuki siagang nisa'laki untu' iNakke.”

YEHEZKIEL 40:39

Ri anjo kamara' lompoa, nia' appa' mejang, ta'ruai ri sa'rinna. Irate ri anjo mejanga nipolong olo'-olo' koro'bang nitunua, yareka koro'bang pannangkasi dosaya yareka koro'bang untu' sambe karugiang.

YEHEZKIEL 43:19

Imang jari-jarinaji bawang Imang Zadok battu ri suku Lewi akkulle battu mae ri dallekangKu untu' anggaukangi ibadaya. INakke, Batara Kaminang Tinggia amparentakangi anjo passalaka. Sarei ke'nanga sikayu sapi laki rungkaya untu' koro'bang pannangkasi dosa.

YEHEZKIEL 44:27

nampa a'lampa mange ri paranglakkenna BallakKu, siagang assare koro'bang untu' antangkasi kalenna sollanna akkulle tugasa' ammotere' ri BallakKu. INakke, Batara Kaminang Tinggia, anne akkana.

KAIMANGNGANG 1:10

Punna gimbala' yareka bembe napassareang, musti lakia siagang tenaya callanna.

KAIMANGNGANG 1:3

Punna sapi napassareang, musti lakia siagang tenaya callanna. Anjo sapia musti naerangi mange ri pakke'bu' KemaNa Batara, sollanna mangngellai Batara mae ri anjo taua.

KAIMANGNGANG 16:11

Punna le'baki napassareang siagang nasamballe Harun sapi lakia untu' pammopporang dosa kalenna siagang dosana sikontu kaluargana,

KAIMANGNGANG 16:3

Ri cara assarea bawang sapi laki rungka untu' koro'bang pammopporang dosa siagang sikayu gimbala' laki untu' koro'bang nitunu, nakkulle antama' Harun ri Kamara' Kaminang Matangkasaka.”

KAIMANGNGANG 16:5

Nampa umma' Israel musti napassareangi mae ri Harun ruang kayu bembe laki untu' koro'bang pammopporang dosa siagang sikayu gimbala' laki untu' koro'bang nitunu.

KAIMANGNGANG 16:6

Musti napassareangi Harun sikayu sapi laki untu' koro'bang pammopporang dosa mae ri kalenna siagang sikontu kaluargana.

KAIMANGNGANG 4:14

jari tena nasallo ri niassennamo anjo dosaya, anjo ummaka musti angngerangi sikayu sapi laki rungka mae ri dallekang KemaNa Batara. Anjo olo'-oloka musti nipassareangi untu' a'jari koro'bang nipammopporanna dosaya.

KAIMANGNGANG 4:23

jari tena nasallo ri le'ba'na nasadari musti assarei koro'bang sikayu bembe laki tenaya callanna untu' nipammopporanna dosana.

KAIMANGNGANG 4:28

lintaki ri nasadarinamo musti assarei koro'bang sikayu bembe gana ia tenaya callanna.

KAIMANGNGANG 4:5

Sipa'gang cera'na musti nierangi antama' ri Kemaya.

KAIMANGNGANG 5:6

Na untu' antangkasi anjo dosana, musti angngerangi anjo taua sikayu gimbala' yareka bembe gana untu' napassareang mae ri Batara. Imanga musti napassareangi anjo koro'banga sollanna nipammopporang dosana anjo taua.

KAIMANGNGANG 6:18

Untu' satunggu-tungguna sikamma bura'ne jari-jarina Harun akkullei nakanre anjo rotia; iaminjo bageang attantuna ke'nanga battu ri kanre-kanreang nipassareanga mae ri Batara. Tau maraenga punna naseroi anjo kanre le'bakamo nikoro'bangkang, langgappai bala lanri koasa katangkassanna anjo koro'banga.

KAIMANGNGANG 8:12

Le'baki anjo nalanti'mi Musa anjo Harun; natiriki sike'de' minynya' upacara irate ri tompo' ulunna.

KAIMANGNGANG 9:2

Nakanamo Musa mae ri Harun, “Angngalleko sikayu sapi laki rungka siagang sikayu gimbala' laki, rua-ruana tena ngaseng callanna. Passareangi anjo ruaya olo'-olo' mae ri Batara; anjo sapi lakia untu' koro'bang pammopporang dosa, nampa anjo gimbala' lakia untu' koro'bang nitunu.

KAIMANGNGANG 9:3

Nampa suroi bansa Israel assare sikayu bembe laki untu' koro'bang pammopporang dosa siagang sikayu ana' sapi kammayatompa sikayu ana' gimbala', massing-massing umuru' sitaung siagang tenaya callanna untu' koro'bang nitunu.

PAMMILANGNGANG 16:22

Mingka su'ju'mi Musa siagang Harun anynyomba siagang nakana, “O Allata'ala, iKattemi katallassang mae ri sikontu apa attallasaka. Punna sitauja bawang doraka, apaka larroKi' mae ri sikontu ummaka?”

PAMMILANGNGANG 8:8

Nampa suroi ke'nanga angngalle sikayu sapi laki rungka siagang koro'bang nipatala battua ri labu' nipasileo' minynya'. Nampa musti nualle sikayu sapi maraenga untu' koro'bang pammopporang dosa.

ROMA 8:3

Apa tenaya nakkulle nagaukang hukkung-hukkung agamaya, lanri lammana batangkalenta ikatte rupataua, iaminjo le'ba' Nagaukang Allata'ala. Le'ba'mi Nabeta Allata'ala koasana dosaya lalang ri sipa'na rupataua; iamintu lalang Nasurona battu Ana' KalenNa, le'bakamo battu sanrapang rupatau dorakaya, sollanna Natangkasi dosa-dosata.

2 KORINTUS 5:21

Tena dosaNa Almasi, mingka nipipisangiangi ri Allata'ala sikontu dosata mae ri Ia, sollanta akkulle assibajiki siagang KalenNa, lanri asse'retamo mae ri KalenNa Almasi.

IBRANI 5:3

Na lanri kalenna jai tongi kakurangnganna, jari musti assaremi koro'bang; teai lanri dosa-dosana bawang ummaka, mingka lanri dosa-dosa kalenna pole.

IBRANI 9:12

Sikaliji Almasi antama' ri anjo Kamara' Kaminang Matangkasaka ilalang ri anjo kemaya sa'genna satunggu-tungguna. Anjo wattua tena Nangngerang cera' bembe laki, yareka cera' sapi rungka untu' lanipangngadakkang; passangalinna cera' KalenNa Naerang, na lanri kammanami anjo naNalappassang maki' battu ri dosa-dosaya sa'genna satunggu-tungguna.