KAIMANGNGANG 3:1 - KITTA' MATANGKASA'

¹ Punna nia' tau assare sikayu sapi untu' koro'bang passiamakkang, anjo sapia akkullei laki, akkulle tongi gana, mingka takkulleai nia' caca'na.

KAIMANGNGANG 3:1 Iomraidhean Croise

1 PATTOTTORANG 21:26

Nampa ambangung Daud se're tampa' pakkoro'bangngang ri anjo tampaka untu' Batara, siagang assaremi koro'bang nitunu, kammayatompa koro'bang untu' pappasiamakkang. Nampa appala' doang na nitarimamo pappala'na iamintu appaturummi pepe' Batara battu rate ri langika na nakanre anjo sikamma koro'bang niaka irate ri tampa' pakkoro'bangnganga.

KALAPPASSANG 20:24

Apparekko untu' iNakke se're tampa' pakkoro'bangngang battu ri butta, nampa assare mako anjoreng gimbala' siagang sapi untu' koro'bang tunuang siagang koro'bang untu' passiamakkang. Ri tunggala' tampa' Kupattantua mae ri kau untu' a'jari tampa' ibadanu mae ri Nakke, labattuA' mae ri kau siagang laKubarakkakiko.

KALAPPASSANG 24:5

Nampa nasuro Musa siapa are tau rungka, siagang assaremi ke'nanga koro'bang nitunu untu' Batara; kammayatompa ammolommi ke'nanga siapa are sapi untu' a'jari koro'bang passiamakkang.

KALAPPASSANG 29:28

Iaminne kaputusangKu tenaya nakkulle nipinra: Ri wattunna battu ummakKu ampassareangi anjo koro'bang passiamakkanga, barambanna siagang bongganna anjo olo'-oloka iami bageanna sikamma imanga. Iaminjo passarena ummakKu untu' iNakke.

PANGNGEBARANG 7:14

“Anne alloa musti kubayaraki tinjakku, nalanri kammana le'ba'ma' assare koro'bang.

YEHEZKIEL 43:27

Punna le'ba' anjo tuju alloa, sikamma imanga musti appakkaramulai assare irate ri anjo tampa' pakkoro'bangnganga iamintu koro'bang nitunu siagang koro'bang pappasiamakkang untu' ummaka. Jari lasannangi nyawaku mae ri kau ngaseng. INakke, Batara Kaminang Tinggia, anne akkana.”

KAIMANGNGANG 1:10

Punna gimbala' yareka bembe napassareang, musti lakia siagang tenaya callanna.

KAIMANGNGANG 1:3

Punna sapi napassareang, musti lakia siagang tenaya callanna. Anjo sapia musti naerangi mange ri pakke'bu' KemaNa Batara, sollanna mangngellai Batara mae ri anjo taua.

KAIMANGNGANG 17:5

Ia ero'na anjo parentaya iamintu sollanna naerang bansa Israel mange ri KemaNa Batara sikontu olo'-olo' nipassareanga ia biasaya nasamballe ke'nanga ri kokoa. Musti naerangi ke'nanga anjo passarea mange ri imanga ri dallekang pakke'bu' KemaNa Batara nampa nasamballe anjoreng untu' koro'bang passiamakkang.

KAIMANGNGANG 3:6

Punna anjo nipassareanga iamintu sikayu bembe yareka gimbala' untu' koro'bang passiamakkang, akkullei laki, akkulle tongi gana, mingka takkulleai nia' caca'na.

KAIMANGNGANG 9:18

Nampa ammolong todong sikayu sapi laki siagang sikayu gimbala' laki untu' koro'bang passiamakkang mae ri ummaka. Ana'-ana'na Harun angngerangi cera'na anjo olo'-oloka mae ri ia, nampa napatiri' mae ri appaka sa'rinna anjo tampa' pakkoro'bangnganga.

KAIMANGNGANG 9:4

Suroi ke'nanga assare todong sikayu sapi laki siagang sikayu bembe laki untu' koro'bang passiamakkang. Yangasenna anjo musti napassareangi ke'nanga mae ri Batara siagang koro'bang nipatala nisarea minynya', lanri anne alloa laniaki Batara battu mae ri ke'nanga.”

AMOS 5:22

Punna angngerangko koro'bang nitunu siagang koro'bang gandung, tena nalaKutarima. TaeroKa' antarimai anjo olo'-olo'nu co'moka nupassareanga mae ri Nakke salaku koro'bang passiamakkang.

MALEAKHI 1:14

Nitunraimi patipu assarea ri Nakke olo'-olo' tenaya anggaranna, punna nia'ja olo'-olo' maraengannaya bajika le'baka napa'janjiang ri Nakke! Nasaba' iNakke Karaeng Malompo, siagang nipakalompoa ri sikontu bansaya.”

MALEAKHI 1:8

Punna assareko ri Nakke olo'-olo' buta, garringa yareka pesoka, maka teai panggaukang sala anjo kammaya? Coba sai bedeng passareang anjo olo'-olo' kammaya mae ri guburnurka! Maka lasannangi nyawana siagang lanagaukangi kabajikanga mae ri kau?”

PAMMILANGNGANG 15:8

Punna anjo nikoro'bangkanga iamintu sikayu sapi laki untu' koro'bang nitunu yareka koro'bang pa'bayara' tinja' yareka koro'bang passiamakkang,

PAMMILANGNGANG 6:14

siagang angngerang mae ri Batara tallung kayu olo'-olo' tenaya callanna: sikayu ana' gimbala' laki umuru' sitaunga untu' koro'bang nitunu, sikayu ana' gimbala' gana umuru' sitaunga untu' koro'bang pammopporang dosa, siagang sikayu gimbala' laki untu' koro'bang passiamakkang.

PAOLE 12:27

Koro'bang nitunua siagang koro'bang nikanrea dagenna musti nipassareangi irate ri tampa' pakkoro'bangnganNa Karaeng Allata'alanu siagang cera'na musti nitumpai ri rateanna anjo tampa' pakkoro'bangnganga.

KOLOSE 1:20

Siagang tete ri Ia tommi anjo Ana'Na, naNapa'jari assibajiki ngasemmo ammotere' sikontu apa-apaya siagang KalenNa – baji' na sikontu apa-apa niaka ri lino kammayatompa apa niaka ri suruga. Anjo Nagaukanga Allata'ala tete ri kamateanNa Ana'Na irate ri kayu sallika.

IBRANI 10:22

Lanri kammana, mae mako nakia'reppese' ri Allata'ala siagang tulusu' pa'mai' kammayatompa tappa' majarre'; siagang pa'mai' le'baka nitangkasi battu ri kasalanga, kammayatompa tubu le'baka nitangkasi je'ne' maci'nong.

1 YOHANES 1:3

Apa le'baka nacini' siagang nalangngere' ikambe, ia tomminjo nabirittakang ikambe mae ri kau ngaseng; sollannu amminawang todong siagang ikambe ampa'nyatai katallassang assiamaka, asse'rea siagang Manggea, kammayatompa asse're siagang Ana'Na iamintu Isa Almasi.

HAKING-HAKING 20:26

Jari a'lampami pole umma' Israel mange ri Betel nampa angngarru' mae ri Batara. Anjoreng appuasai ke'nanga sa'genna bangngi siagang assarei koro'bang passiamakkang na koro'bang nitunu mae ri Batara.

HAKING-HAKING 21:4

Ammukona, bari'basa' dudu, appaentemmi umma' Israel se're tampa' pakkoro'bangngang anjoreng, nampa assare koro'bang ke'nanga mae ri Batara iamintu koro'bang nitunu siagang koro'bang passiamakkang.