KAIMANGNGANG 2:8 - KITTA' MATANGKASA'

⁸ Anjo roti nipare' kammaya musti nipassareangi mae ri Batara siagang nipassareangi mae ri imanga nampa naerang mange ri tampa' pakkoro'bangnganga.

KAIMANGNGANG 2:8 Iomraidhean Croise

YO"EL 1:13

He sikamma imang allayania ri tampa' pakkoro'bangnganga, ammakeko kaeng karung, siagang angngarru' mako. Antamakko ri Balla'Na Batara appiraung sipattang kabusu', nasaba' tenana koro'bang anggoro' siagang gandung untu' Allata'alanu.

KAIMANGNGANG 2:7

Punna anjo roti napassareanga iamintu roti nipallu ilalang ri pamajaka, anjo rotia musti nipareki battu ri labu' alusu' nipasileoka siagang minynya' zaitun.

KAIMANGNGANG 2:9

Naallei imanga sipa'gang anjo rotia nampa natunu irate ri tampa' pakkoro'bangnganga a'jari pammatei angkanaya yangasenna anjo nipassareang ngasemmi mae ri Batara. Rasanna anjo koro'banga lanapakasannangi nyawaNa Batara.