KAIMANGNGANG 2:1 - KITTA' MATANGKASA'

¹ Punna nia' tau assare koro'bang nipatala mae ri Batara, anjo koro'banga musti a'rupa labu' kaminang bajika, ia nitirikia siagang minynya' zaitun siagang nisarea kamanynyang rateanna.

KAIMANGNGANG 2:1 Iomraidhean Croise

KALAPPASSANG 29:2

Apparekko leokang battu ri tarigu kaminang bajika tenaya nammake pa'gambang. Sipa'gang anjo leokanga musti nipareki roti siagang minynya' zaitun, sipa'gang maraenga tena nammake minynya', nampa la'binna nipareki kanrejawa nisapua siagang minynya'.

YESAYA 43:23

Tena nungngerang gimbala' untu' koro'bang nitununu, tena nupakalompoA' siagang passarenu. Nampa tenaja Kubattalliko siagang koro'bang, yareka Kususaiko lanri annuntuKa' kamanynyang.

YESAYA 66:20

Battu ri anjo sikammaya pa'rasangang, lanaerangi ammotere' ke'nanga sikamma sari'battang julu bansanu, a'jari hadia mae ri Nakke. Lanaerangi ke'nanga sikamma anjo taua mange ri bulu' matangkasakKu ri Yerusalem, a'dongko' jarang, keledai, unta, kareta siagang bendi, kamma biasaya nagaukang tu Israel punna a'lampa ke'nanga mange ri Balla'Na Batara ri Yerusalem untu' assare passare gandung lalang pammoneang tangkasa'.

YEHEZKIEL 46:20

na nakana, “Ri anne tampaka sikamma imanga musti napallu koro'bang pannangkasi dosaya siagang koro'bang passambe karugianga kammayatompa nalangga gandunga, sollanna manna sike'de' anjo koro'bang matangkasaka tena nanierangi assulu' ri paranglakkeng bageang pantaraka sa'genna nabalai ra'yaka.”

YO"EL 1:9

Tenami gandunga siagang anggoroka lalang ri Balla'Na Batara. Nasusa rapang tukamateammo sikamma imanga tamamminraya allayani Batara.

YO"EL 2:14

Barang ero'ji Karaeng Allata'alanu ampinrai ero'Na, na Nabarakkakiko alla'bi-la'bi. Sa'gennu akkulle ngaseng angngerang passare koro'bang anggoro' siagang gandung mae ri Batara, Allata'alanu.

KAIMANGNGANG 14:10

Ri allo makasagantujuna anjo taua musti angngerangi ruang kayu ana' gimbala' laki siagang sikayu ana' gimbala' gana umuru' sitaunga, yangasenna tena callanna. Pantaranganna anjo angngerang tongi tallu kilo labu' le'baka nipasileo' siagang minynya' zaitun siagang minynya' zaitun bage talluna se'rea litere'.

KAIMANGNGANG 24:7

Boliki kamanynyang kaminang bajika ri tassisusunga roti untu' a'jari pammatei angkanaya anjo rotia iamintu koro'bang kanre-kanreang mae ri Batara.

KAIMANGNGANG 5:11

Punna tena pakkullena anjo tau kasalanga appasadia sipasang bukkuru' yareka jangang-jangang bodobangkeng untu' koro'bang nipammopporanna dosaya, musti angngerangi sikilo labu'. Anjo labuka takkulleai nipasileo' siagang minynya' zaitun yareka nipasierang kamanynyang, nasaba' anjo koro'banga iamintu koro'bang nipammopporanna dosaya, teai koro'bang nipatala.

KAIMANGNGANG 6:7

Imanga nakoro'bangkangi anjo koro'banga untu' dosana anjo taua, na lanipammopporang ri Batara.

KAIMANGNGANG 9:17

Le'baki anjo napassareammi koro'bang nipatalaya; angngallei labu' sikangkang, nampa natunu irate ri tampa' pakkoro'bangnganga. Iaminjo tambanna koro'bang nitunu allo-alloa.

KAIMANGNGANG 9:4

Suroi ke'nanga assare todong sikayu sapi laki siagang sikayu bembe laki untu' koro'bang passiamakkang. Yangasenna anjo musti napassareangi ke'nanga mae ri Batara siagang koro'bang nipatala nisarea minynya', lanri anne alloa laniaki Batara battu mae ri ke'nanga.”

MALEAKHI 1:11

NipakalompoA' ri sikamma bansa-bansaya ri sikontu linoa. Kere-keremae nitunui dupaya untu' ampakalompoi arengKu siagang nipassareangi sikamma koro'bang siratanga, ba'lalo sikontu bansaya napakalompoA'.

PAMMILANGNGANG 18:9

Battu ri passare kaminang matangkasa' tenaya nitunui irate ri tampa' pakkoro'bangnganga, anne kammaya anne untu' ikau: Koro'bang nipatala, koro'bang pammopporang dosa, siagang koro'bang passambe karugiang. Yangasenna anjo sikammaya passare matangkasa' a'jaria bageannu siagang bageanna sikamma ana'nu.

PAMMILANGNGANG 28:5

Siagang anjo ana' gimbalaka musti nipassareang tongi sikilo labu' nipasileoka siagang silitere' minynya' zaitun kaminang bajika.

PAMMILANGNGANG 29:18

Passareangi siagang yangasenna anjo sikammaya iamintu sikontu koro'bang maraengang sangkamma niparalluanga ri allo makase'rea.

PAMMILANGNGANG 8:8

Nampa suroi ke'nanga angngalle sikayu sapi laki rungka siagang koro'bang nipatala battua ri labu' nipasileo' minynya'. Nampa musti nualle sikayu sapi maraenga untu' koro'bang pammopporang dosa.

YOHANES 6:35

Nakanamo Isa ri ke'nanga, “INakkemi roti assarea katallassang. Inai-nai battu mae ri Nakke, tenamo nalacipuru' sa'genna satunggu-tungguna. Siagang inai-nai tappa' ri Nakke, tenamo nalaturere pole sa'genna satunggu-tungguna.”

1 YOHANES 2:20

Mingka nutarimami RohNa Allata'ala, le'baka Napaturung Isa Almasi. Iaminjo saba'na nanuassemmo pangngajarang tojenga.

1 YOHANES 2:27

Mingka ri passala'na kalennu ngaseng, le'ba'mi Napaturung Almasi RohNa mae ri kau ngaseng. Na lalang nia'na RohNa ri kau ngaseng, tenamo naparallu nia' tau angngajarakko. Nasaba' iaminjo RohNa angngajarakko untu' sikontu passalaka; na anjo apa Napangngajarranga kontutojengi, teai balle-balle. Lanri kammana, paralluko mannuruki ngaseng mae ri anjo apa Napangngajarranga; siagang paralluko tuli asse're siagang Almasi lalang ri katallassannu.

YUDAS 1:20

Mingka ikau ngaseng, sikamma sari'battangku, parallui tuli nupakajarre' turus katappakkannu mae ri Isa Almasi; anjo tappa'nu sanna' tangkasa'na. Na lalang kammana anjo appala' doangko siagang koasa RohNa Allata'ala;

PAPPICINI' 8:3

Nia'mo sitau malaeka' maraengang, battu ammenteng ri dallekanna tampa' pakkoro'banganga; angngerangi se're pa'dupang bulaeng. Sanna' jaina kamanynyang nisareangi untu' lanapanaung ri pappala' doanganna sikontu umma'Na Allata'ala, siagang untu' lanipassareanga ri tampa' pakkoro'bangngang bulaenga nipare' ri dallekanna empoang kala'biranga.