KAIMANGNGANG 10:4 - KITTA' MATANGKASA'

⁴ Nampa Musa nakioki Misael siagang Elsafan, ana'na Uziel, purinanna Harun. Nakanamo ri ke'nanga, “Battuko mae angngallei maya'na cikalinnu battu ri KemaNa Batara nampa nuboli' ri pantaranna pakkemaanga.”

KAIMANGNGANG 10:4 Iomraidhean Croise

1 PATTOTTORANG 6:2

Kehat nia' appa' ana'na bura'ne iamintu: Amram, Yizhar, Hebron, siagang Uziel.

KALAPPASSANG 33:7

Kere-kere wattu, punna akkema bansa Israel, angngallei Musa Kema nampa nabangung bella-bella sike'de' battu ri kemana ke'nanga. Anjo kemaya niarengi KemaNa Batara, nampa inai-inai ero' appala' pappasaile battu ri Batara, musti mangei anjoreng.

KALAPPASSANG 6:18

Merari nia' rua ana'na bura'ne, iamintu: Mahli siagang Musi. Iaminjo ke'nanga sikamma golongang niaka lalang ri suku Lewi siagang massing jari-jarina ke'nanga.

KALAPPASSANG 6:22

Harun a'buntingi siagang Eliseba, ana' bainena Aminadab; Eliseba nia' todong sari'battanna iamintu Nahason. Eliseba allassukangi Nadab, Abihu, Eleazar, siagang Itamar.

LUKAS 7:12

Ri wattunna anrapi' Isa ri pakke'bu' lompona kotaya sibuntulu'mi paerang tu mate assulukang kota. Anjo tu matea ana' bura'ne, ana' sitau-tau, na jandamo amma'na. Jai tunjoreng ri kotaya anrurungangi anjo jandaya.

LAMPA-LAMPANA 5:6

Battumi ana'-ana' rungkaya anrokoki anjo maya'na Ananias, nampa naerang assulu' ero' mange natarawang.

LAMPA-LAMPANA 8:2

Mangemi sikamma tau mallaka ri Allata'ala antarawangi maya'na Stefanus. Nakarrukimi ke'nanga Stefanus. Sanna' ngaseng si'nana atinna ke'nanga.