IBRANI 9:9 - KITTA' MATANGKASA'

⁹ Iaminne pangngebarranna jammang kamma-kammaya anne; battuanna angkanaya sikamma apa-apa nipassareanga siagang koro'bang olo'-olo' nipassareanga mae ri Allata'ala, takkulleapi napa'jari sukku' baji'na ati mailalanna tau angngeranga passare.

IBRANI 9:9 Iomraidhean Croise

ROMA 5:14

Mingka battu ri wattu jammanna Adam sa'genna jammanna Musa, nikoasai sikontu rupataua ri kamateanga. Ba'lalo, manna tau tenaya nasangkamma panggaukanna Abraham anggaukangi kasalanga, amminawang tommi nikoasai ri kamateanga. Adam a'jari pammatei mae ri Ia labattua sallang ri lino.

GALATIA 3:21

Jari maka assisalai anjo hukkung agamaya siagang janjinNa Allata'ala? Tantu tena! Nasaba' punna lanri akkullena natallasi rupataua nanipassareang anjo hukkung agamaya, tantu akkullemi assibajiki rupataua siagang Allata'ala tete ri anjo hukkung agamaya.

IBRANI 10:11

Sikamma imang Yahudia massing nagaukangi jama-jamang allo-allona; siagang a'mole-molei assare koro'bang natuli sangkammanaja anjo koro'bang napassareanga. Mingka sikamma anjo koro'banga tena sikali nakkulle natangkasi dosaya.

IBRANI 11:19

Tappaki Abraham angkanaya koasai Allata'ala ampattallasa' poleangi Ishak battu ri kamateanga – jari akkulle nikana natarimami Abraham ammotere' Ishak battu ri kamateanga.

IBRANI 5:1

Massing-massing imang lompoa nipilei battu ri tangnga-tangngana ummaka, na niangka' a'jari wakkele'na ke'nanga untu' allayani mae ri Allata'ala. Jama-jamanna iamintu angngerangangi Allata'ala sikamma passare lanipabattua siagang sikamma koro'banga sollanna nipammopporang dosa-dosaya.

IBRANI 7:11

Irawangang pimpinannai imang-imang Lewi nanipassareang hukkung agama Yahudia mae ri umma' Israelka. Lanri riolo, takkulleai nagaukang imang-imang Lewi sa'genna sukku' baji'na anjo jama-jamang musti nagaukanga ke'nanga, jari musti nia' imang maraeng, iamintu sangkammaya Imang Melkisedek; jari teaimi imang battu ri golonganna Harun.

IBRANI 8:4

Ebara' angkana niaki ri anne linoa, tena Nala'jari Imang, nasaba' nia'mo imang langngerangai anjo koro'bang nituntuka lalang ri hukkung agama Yahudia.

IBRANI 9:24

Nasaba' teai Kamara' Matangkasa' bate pare'na rupataua Napantamakki Almasi. Anjo Tampaka poro pangngebaranji bawang ri Kamara' Matangkasa' sitojennaya. Ma'nassa suruga tojeng Napantamakki Almasi; anjoremmi kamma-kamma anne andallekang ri Allata'ala untu' kasalamakkanta ngaseng.

1 PETRUS 3:21

Jari anjo kajarianga a'jarimi pangngebarang mae ri anjo pa'je'ne' ampasalamakako ri kamma-kammaya anne. Anne pa'je'neka teai pa'gaukang akkullea antangkasi kalennu battu ri sikontu apa-apa ra'masaka, passangalinna a'jari janjinnu mae ri Allata'ala, iamintu janji baji'nu battu lalang ri ati mailalannu. Anjo pa'je'neka napasalamakko lanri attallasa'Namo ammotere' Isa Almasi battu ri kamateanga,