IBRANI 9:2 - KITTA' MATANGKASA'

² Se're pammantangang nipaenteng niarenga Kamara' Matangkasa' bageang ri dallekanna. Anjoreng nia' bangkeng pa'dongkokang kanjoli, siagang niaka mejang pammantangang roti lanipangngadakkanga mae ri Allata'ala.

IBRANI 9:2 Iomraidhean Croise

KALAPPASSANG 25:23

“Apparekko se're mejang battu ri kayu akasia; la'buna 88 sentimetere', sangkara'na 44 sentimetere', siagang tinggina 66 sentimetere'.

KALAPPASSANG 25:30

Anjo mejanga musti niboliki ri dallekanna Patti Parjanjianga, siagang musti tuli nia' sadia roti tattala irate ri anjo mejanga.”

KALAPPASSANG 25:31

“Apparekko bangkeng lampu battu ri bulaeng ti'no'. Pa'lapa'na siagang panna'gallanna musti bulaeng nide'de'; bunga-bunga belo-belona, kammayatompa pucu'na siagang pammantangngang pucu'na musti a'jari se'rei siagang pa'lapa'na siagang panna'gallanna.

KALAPPASSANG 26:1

“Apparekko Kema untu' iNakke; ia nupareka iamintu sampulo polong kaeng lenang alusu', nitannungi siagang wol gauka tanja'na, lame butung, siagang eja. Sulangi anjo kaenga siagang gambara' malaeka' akka'nyi'.

KALAPPASSANG 26:33

Boliki anjo kaenga irawa ri jijiri'na pakkaika ri pattongko'na Kemaya. Ri bokona anjo kaenga musti nipadongkoki anjo Patti Parjanjiang niaka bonena lalang anjo ruaya batu. Anjo kaenga ansimbangi Kamara' Matangkasaka battu ri Kamara' Kaminang Matangkasaka.

KALAPPASSANG 26:35

Mejang passarea musti niboliki ri pantaranna Kamara' Kaminang Matangkasaka ri bageang wara', na bangkeng lampua ri bageang wara' ilalang ri anjo Kemaya.

KALAPPASSANG 29:1

“Kammaminne carana nilanti' Harun siagang ana'-ana'na sollanna akkulle ke'nanga allayaniA' salaku imang. Angngalleko sikayu sapi laki rungkaya siagang ruang kayu gimbala' laki tenaya caca'na.

KALAPPASSANG 29:35

Anjo upacara palantikanna Harun siagang ana'-ana'na musti tuju alloi nigaukang, kamma le'baka Kuparentakang mae ri kau.

KALAPPASSANG 40:2

“Bangummi anjo KemaKu ri tanggala' se're bulang se're.

KALAPPASSANG 40:4

Boliki mejanga ri tampa'na siagang sikamma pakkakasa'na. Pantama tongi bangkeng lampua siagang patabai lampuna.

MATIUS 12:4

Antamaki ri Balla'Na Allata'ala, nanakanre roti le'baka nipassareang ri dallekanNa Allata'ala. Padahala', manuru' ri pangatorang agamata takkulleai ke'nanga angkanrei anjo rotia – nasaba' imang-imangaji bawang akkulle angkanrei.

MATIUS 5:15

Tenanniakka tau apparinra lampu nampa natongko' katoang. Passangalinna naboliki irate ri pa'dongkokanna, sollanna nasingari ngasengi tau niaka lalang balla'.

IBRANI 9:25

Taung-taungi Imang lompona tu Yahudia antama' ri Kamara' Kaminang Matangkasaka lalang ri Balla'Na Batara. Antamaki angngerang cera'na sikayua olo'-olo'. Mingka antamaki Almasi angkoro'bangkangi KalenNa tena nauntu' a'mole-mole.