IBRANI 8:5 - KITTA' MATANGKASA'

⁵ Anjo jama-jamang imang nagaukanga ke'nanga, sikontutojenna poro pangngebaranji siagang bayang-bayanji bawang mae ri apa niaka ri suruga. Anjo le'ba'mi Napau Allata'ala mae ri Musa riolo, iamintu ri wattunna lappaenteng KemaNa Batara Musa. Kammami anne kananNa Allata'ala mae ri Musa, “U'rangi! Yangasenna anjo musti nupareki situru' panrala' le'baka nipaccinikangko rate ri monconga.”

IBRANI 8:5 Iomraidhean Croise

1 PATTOTTORANG 28:12

Napassareang tommi Daud sikontu rancana le'baka napikkiri' untu' bageang-bageang bokona anjo ballaka siagang sikamma kamara' niaka angkulilingi, kammayatompa gudang-gudang tampa' pammolikang sikamma pakkakasa' Balla'Na Batara siagang sikamma passare eroka nipassareang untu' Batara.

1 PATTOTTORANG 28:19

Nampa nakana Karaeng Daud, “Yangasenna anjo niaki taccata' lalang ri rancana nitulisika situru' pitunju' Napassareanga KalenNa Batara mae ri nakke untu' nigaukang.”

KALAPPASSANG 25:40

Jagai sollanna nipare' anjo lampua situru' conto le'baka Kupicinikiangko irate ri anne monconga.”

KALAPPASSANG 25:9

Anjo kemaya siagang pakkakasa'na musti napareki ke'nanga situru' rancana le'baka Kupicinikiangko.”

KALAPPASSANG 26:30

Paentengi anjo Kemaya situru' rancana le'baka Kupicinikiangko irate ri anne buluka.

KALAPPASSANG 27:8

Anjo tampa' pakkoro'bangnganga papang nupare' ia akkali'bonga bageang lalanna, situru' rancana le'baka Kupicinikiangko irate ri anne buluka.”

PAMMILANGNGANG 8:4

Anjo pammoneang lampua, sa'genna irateanna siagang bunga-bunga pa'belo-belona bulaeng nide'de' nipare', situru' conto Napappicinikanga Batara mae ri Musa.

MATIUS 2:12

Ri lammotere'na ke'nanga, nipauammi ri Allata'ala lalang so'na, sollanna tea ammoteri ke'nanga mange ri Herodes. Jari oloang maraemmi naolo ke'nanga ammotere' mange ri pa'rasanganna.

LAMPA-LAMPANA 7:44

Balla' pammantanganNa Allata'ala ri wattunna battu mae ri rupataua niaki ri boe-boeta ri parang lompoa. Anjo pa'balla'-ballakanga nipareki situru' parentaNa Allata'ala mae ri Musa, siagang situruki panrala' le'baka Napappicinikang Allata'ala mae ri Musa.

KOLOSE 2:17

Yangasenna anjo poro bayang-bayannaji bawang apa-apa labattua; mingka lampa'nyatayai sikammaya anjo iamintu Almasi!

IBRANI 10:1

Anjo hukkung agama Yahudia, poro pangngebarang bawang mae ri katte ri apa-apa baji' labattua; teaipi sitojennaya ri anjo passalaka. Taung-taungi tuli sakamma-kammana anjo koro'bang nipassareanga. Jari, antekamma batena lakkulle anjo hukkung kammaya siagang koro'bang kammaya ampasukkuki tangkasa'na tau battua anynyomba mae ri Allata'ala?

IBRANI 11:7

Lanri tappa'na nanatarimamo Nuh pappakainga' Napassareanga Allata'ala mae ri ia; iamintu passala'na apa-apa lakajarianga tenaya nakkulle nacini' Nuh. Naturukimi Nuh kananNa Allata'ala. Jari appare'mi se're biseang lompo. Nama'nassa iaminjo biseang lompoa ampasalamaki kalenna siagang pole sikamma ana'na siagang tubai'-bainena. Jari nihukkummi linoa, mingka Nuh nipattojemmi ri Allata'ala nikana tau baji' lanri tappa'na.

IBRANI 12:25

Lanri kammana, tutu laloko, gassingka taerokako ampilangngeri kananNa Tau ampabattuai biritta battua ri Allata'ala. Ia tau tenaya naero' ampilangngeri biritta nipabattua battu ri Allata'ala lalang ri anne linoa, takkulleai allariangi kalenna. La'biangampa ikatte anne, allangngerekai anjo a'bicaraya battu ri suruga! Punna taerokaki' ampilangngeri, antekamma bateta lakkulle ta'lappasa'.

IBRANI 13:10

Ikatte nia' tampa' pakkorobangnganta untu' assare koro'bang mae ri Allata'ala. Na anjo imang-imang allayania lalang ri KemaNa Batara, tena ha'na angkanrei anjo koro'bang niaka irate ri anjo tampa' koro'banga.

IBRANI 9:9

Iaminne pangngebarranna jammang kamma-kammaya anne; battuanna angkanaya sikamma apa-apa nipassareanga siagang koro'bang olo'-olo' nipassareanga mae ri Allata'ala, takkulleapi napa'jari sukku' baji'na ati mailalanna tau angngeranga passare.

YOSUA 22:28

Jari, pattujunna ikambe iamintu; ebara' angkana akkana kammatojengi jari-jarinu sallang, akkullemi angkana jari-jarina ikambe, ‘Ciniki anjo tampa' pakkoro'bangnganga! Boe-boena ikambe ambangungi se're tampa' pakkoro'bangngang sangkammaya rupanna siagang tampa' pakkoro'bangnganNa Batara, teai untu' koro'bang nitunu yareka untu' passare, mingka untu' a'jari pammatei mae ri katte ngaseng.’

PAPPICINI' 15:5

Le'baki anjo kucini'mi tassungke Balla'Na Batara ri suruga; siagang nia'mi lalang KemaNa Batara.