IBRANI 8:2 - KITTA' MATANGKASA'

² Ia anggaukangi jama-jamang Imang Lompoa ri Kamara' Kaminang Matangkasaka, iamintu ilalang KemaNa Batara sitojennaya, Napaentenga Batara, jari teai rupataua ampaentengi.

IBRANI 8:2 Iomraidhean Croise

KALAPPASSANG 25:9

Anjo kemaya siagang pakkakasa'na musti napareki ke'nanga situru' rancana le'baka Kupicinikiangko.”

KALAPPASSANG 28:1

“Kioki daennu Harun siagang sikamma ana'na, iamintu Nadab, Abihu, Eleazar, siagang Itamar, nampa sa'laki ke'nanga sollanna akkulle allayaniA' salaku imang.

KALAPPASSANG 28:35

Anjo jubaya musti napakei Harun punna tugasaki salaku imang. Punna battu mae ri dallekangKu ri Kamara' Matangkasaka yareka nabokoi anjo tampaka, lakalangngerangi sa'ranna anjo giring-giringa, sollanna tena namate.

KALAPPASSANG 33:7

Kere-kere wattu, punna akkema bansa Israel, angngallei Musa Kema nampa nabangung bella-bella sike'de' battu ri kemana ke'nanga. Anjo kemaya niarengi KemaNa Batara, nampa inai-inai ero' appala' pappasaile battu ri Batara, musti mangei anjoreng.

LUKAS 24:44

Le'baki anjo Nakanamo ri ke'nanga, “Iaminne sikamma passala' le'baka Kupau ri kau ngaseng, ri wattungKu nia'ija assiagang ikau ngaseng. Iamintu angkanaya: sikamma niaka tattulisi' lalang Kitta'-kitta' Musa, Na'bi-na'bia, siagang Pammujia, iamintu ansero kanayai KalengKu, musti kajariang ngasengi.”

ROMA 15:8

Nasaba', u'rangi, le'ba'mi Nalayani Almasi tu Yahudia, lanri ero'Na Napappicinikang angkanaya ma'nassa jarreki Allata'ala ri janjinNa, naNarupaimo anjo janjinNa mae ri boe-boeta.

2 KORINTUS 5:1

Nasaba' naassemmi ikambe angkanaya punna nibongkara' anne balla' nipammantangia ri lino, iamintu pangngebarranna tubuta, le'ba' memammi Napasadia Allata'ala balla' niaka ri suruga; iamintu balla' Napareka KalenNa Allata'ala siagang akkullea attahang sa'genna satunggu-tungguna.

KOLOSE 2:11

Le'ba' mako nisunna' lanri asse're mako siagang Almasi; mingka teai sunna' nagaukanga rupataua, passangalinna sunna' Nagaukanga Almasi, le'baka allappassangko battu ri kakoasanna sipa'-sipa' dorakaya.

IBRANI 10:11

Sikamma imang Yahudia massing nagaukangi jama-jamang allo-allona; siagang a'mole-molei assare koro'bang natuli sangkammanaja anjo koro'bang napassareanga. Mingka sikamma anjo koro'banga tena sikali nakkulle natangkasi dosaya.

IBRANI 10:21

Na kamma-kamma anne nia'mo imang lompota, anjagayai Balla'Na Allata'ala.

IBRANI 11:10

Nasaba' natayangi Abraham kota eroka Nabangung Allata'ala irate ri pammentengang majarreka.

IBRANI 9:1

Anjo passijanjiang uru-urua, nia' paratorang-paratorang panynyombanna, siagang nia' todong tampa' panynyombanna napareka rupataua.

PAPPICINI' 21:3

Nampa nia'mo kulangngere' sa'ra lompo akkio' battu ri anjo empoang kala'biranga angkana, “Kamma-kamma anne nia'mi pammantanganNa Allata'ala ri tangnga-tangngana pammantanganna rupataua! Lattallasa'mi siagang ke'nanga, siagang la'jarimi ke'nanga umma'Na. KalenNa Allata'ala lania' ri tangnga-tangngana ke'nanga siagang la'jari Allata'ala mae ri ke'nanga.