IBRANI 7:9 - KITTA' MATANGKASA'

⁹ Akkulle nikana anjo Lewi, annarimaya sossoranna bage sampulo battu ri umma' Israel, a'bayara' tongi tete ri Abraham mae ri Melkisedek.

IBRANI 7:9 Iomraidhean Croise

PA'JARIANG 14:20

Nipujimi Allata'ala Kaminang Tinggia, assareako pammetang mae ri musunnu.” Le'baki anjo napassareammi Abram mange ri Melkisedek bage sampulona sikontu anjo barang le'baka nirampasa' nanaalle naerang ammotere'.

MATIUS 7:8

Nasaba' inai-nai appala', iami lanisare; inai-nai a'boya, iami langgappa; siagang inai-nai ande'de' pakke'bu', iami lanisungkeang.

ROMA 5:12

Lanri se're tau nantama'mo dosaya ri lino, siagang battu ri iaminjo dosaya ammumba kamateanga. Iaminjo na'la'bammo kamateanga mae ri sikontu rupataua, nasaba' doraka ngasemmi rupataua.

PAOLE 26:12

Tunggala' taung makatallu, musti assareko passare bage sampulona panggappannu, iamintu bage sampulona wassele' kattoannu mae ri Imang Lewi, tubattu-battua, ana'-ana' kukanga siagang jandaya, sa'genna ri tunggala' kotaya anggappai ke'nanga kanre naparalluanga ke'nanga. Punna le'baki,

IBRANI 7:10

Manna natenapa nanilassukangi Lewi, mingka akkullei nikana nia'mi lalang ri kalenna Abraham, iamintu boe-boena, ri wattunna assigappa Melkisedek siagang Abraham.

IBRANI 7:4

Jari nicini'mi anrinni antekamma malompona anne Melkisedek; pammate malompona, sa'genna Abraham, iamintu boe-boena bansata, napassareangi mae ri ia bage sampulona anjo sikontu barang-barang nagappaya battu ri pa'bundukanga.

IBRANI 7:8

Anjo imang-imang annarimaya pa'bayara' bage sampulo, tau akkulle tonji mate. Mingka turu' ri Kittaka: Anjo Melkisedek annarimaya passare bage sampulo, tau tuli attallasa'na.