IBRANI 7:7 - KITTA' MATANGKASA'

⁷ Memang takkulleai nisassali angkanaya la'bi rawangangangi tau nibarakkakia na ia tau ambarakkakiai.

IBRANI 7:7 Iomraidhean Croise

PA'JARIANG 49:28

Iaminjo sampuloa anrua suku Israel, siagang kana-kana kala'busang napaua manggena ke'nanga ri wattunna nasare barakka' passibokoi massing-massing ke'nanga.

2 SAMUEL 6:20

Ri wattunna ammotere' Daud mange ri balla' kakaraenganga untu' assarei sallang kaluargana, assuluki Mikhal anruppai Daud na nakana, “Anne alloa ma'nassa napakala'biri' tojeng-tojengi kalenna karaenna tu Israel! Assolaraki sangkamma tau tolo tenaya nangngasseng siri'-siri', ri dallekanna ngaseng ata-ata bainena sikamma pagawena balla' kakaraenganga!”

1 KARAENG-KARAENG 8:55

siagang akkio' lompomi nappappalakkang barakka'Na Allata'ala untu' sikontu tau a'rappunganga anjoreng, nakana,

2 PATTOTTORANG 30:27

Imang-imanga siagang tu Lewi napappalakangi barakka' ra'yaka ri Batara, nampa Napilangngerimo Allata'ala battu ri pammantanganNa ri suruga anjo pappala' doanna ke'nanga na Natarima.

PAOLE 32:1

“Mappilangngeriko, e, langika, erokka' anne a'bicara, e, buttaya, tannangi tolinnu!

1 TIMOTIUS 3:16

Tena manna sitau akkulle ansassali, antekamma lompona rahasiana agamata, angkanaya: Napa'nyatai KalenNa lalang tubuna rupataua, na nipa'nyata katojenganNa ri RohNa Allata'ala siagang nicini' ri sikamma malaekaka. Nipakkiokkammi birittana mae ri sikamma bansa-bansaya, na nipatappa' ri sikontu linoa siagang niangka' nai' ri suruga.

IBRANI 7:6

Melkisedek teai sossoranna Lewi, mingka annarima tongi bage sampulona battu ri barang-barang nagappaya Abraham, siagang nabarakkaki tongi Abraham, ia le'baka anggappa janji-janji battu ri Allata'ala.

IBRANI 7:8

Anjo imang-imang annarimaya pa'bayara' bage sampulo, tau akkulle tonji mate. Mingka turu' ri Kittaka: Anjo Melkisedek annarimaya passare bage sampulo, tau tuli attallasa'na.