IBRANI 7:15 - KITTA' MATANGKASA'

¹⁵ Anne apa nibicaraya a'jari pila' singara'mi pole, ri wattunna nia'mo battu sitau imang maraeng sangkamma Melkisedek.

IBRANI 7:15 Iomraidhean Croise

PAMMUJI 110:4

Assumpai Batara a'janji, tena nalaNakaluppai, Nakana, “Ikaumi imang satunggu-tungguna, sanrapang Melkisedek.”

MATIUS 13:21

Mingka tena nasallo attahang anjo kabaraka lanri tenana nabaji' angngaka'na anjo kabaraka lalang ri atinna ke'nanga. Punna natabamo susa yareka passessa ke'nanga lanri anjo kabaraka, ta'giling memammi silalonna atinna ke'nanga.

IBRANI 5:6

Ri tampa' maraengannaya Nakana pole Allata'ala, “IKaumi Imang sa'genna satunggu-tungguna, sangkamma Imang Melkisedek.”

IBRANI 7:11

Irawangang pimpinannai imang-imang Lewi nanipassareang hukkung agama Yahudia mae ri umma' Israelka. Lanri riolo, takkulleai nagaukang imang-imang Lewi sa'genna sukku' baji'na anjo jama-jamang musti nagaukanga ke'nanga, jari musti nia' imang maraeng, iamintu sangkammaya Imang Melkisedek; jari teaimi imang battu ri golonganna Harun.

IBRANI 7:14

Sikontu rupataua naasseng ngasengi angkanaya battu ri suku Yehuda assala'Na Batarata; na tale'bakai nasero kana Musa anjo sukua ri wattunna nabicara passala'na imang-imanga.

IBRANI 7:16

Niangkaki a'jari imang, teai lanri paratorang-paratoranna rupataua, passangalinna lanri makoasana ri tallasa'na siagang lanri tenana kala'busanna katallassanna.

IBRANI 7:3

Ri sesena anne Melkisedek tena kasingaranna nipau angkanaya nia' manggena, yareka amma'na, yareka boe-boena; tena todong kasingarang ri passala' kalassukanna, yareka ri kamateanna. Ia sangkammai Ana'Na Allata'ala; iami imang satunggu-tunggua.