IBRANI 6:8 - KITTA' MATANGKASA'

⁸ Mingka punna rea siagang ruku'-ruku' akkatinting wassele'na anjo buttaya, tenamo matu-matunna anjo buttaya siagang lanitunrai sallang ri Allata'ala nampa ri kala'busanna lanitunui sa'genna la'busu'.

IBRANI 6:8 Iomraidhean Croise

PA'JARIANG 4:11

Nataba mako pattunra sa'genna takkulleamo nuusahai buttaya. Allammasa'mi cera'na ri anjo buttaya, sanrapang angkanaya nasungkemi bawana untu' antarimai cera'na andi'nu ri wattunna nubuno.

PA'JARIANG 5:29

Nakanamo Lamekh, “Anne anaka lanasareki' karingangngang ri wattunta anjama terasa' anjamai butta le'baka Natunrai Batara.” Lanri kammana naaremmi Lamekh anjo anaka Nuh.

2 SAMUEL 23:7

manna sitau tania' ero' ambuttuki punna tammakea pa'lapa' kayu yareka bassi limanna. Possoki tau kammaya anjo nikanre ri pepe'.

AYUB 31:40

lappassammi teai ase siagang gandung attimbo ri koko, passangalinna rompo' katinting siagang rea.” Sikammaminjo kana-kananna Ayub.

PAMMUJI 107:34

Butta copponga Napa'jari parang ce'la buttana, lanri kaja'dallanna sikamma pandudu'na.

YESAYA 27:4

Tenamo naKularro. Ebara' angkana nia' ruku' yareka rompo' katinting, laKupa'lanynyaki, laKutunui sa'genna cappu' ngaseng.

YEREMIA 17:6

Rapangi lamung-lamung attimboa ri parang, ri butta roso', sino siagang nia' ce'lana, tenaya nale'ba' nakasia' kabajikanga.

YEREMIA 44:22

Tenamo Natahangi Batara ancinikko assare koro'bang mae ri rewata-rewata maraenga. Anjo panggaukannu ja'dalaki siagang tunai. Doraka mako mae ri Batara siagang tenamo numannuruki ri parenta-parentaNa. Lanri kammana anjo, kamma-kamma memang anne ancuru'mi pa'rasangannu sa'genna tenamo nakkulle nipammantangngi, siagang arenna nipakemi a'jari kana pattunra. Tau ancinikai a'jari sanna'mi malla'na.”

YEHEZKIEL 20:47

Suroi anjo romanga ampilangngeri apa Kupaua, iNakke, Batara Kaminang Tinggia, mae ri ia, ‘Pilangngeri! LapparinrA' pepe' akkullea antunui sa'genna cappu' sikamma poko' kayu niaka ri kau, baji' nakalotoroka kammayatompa mataya. Anjo pepe' a'rinra-rinraya tena nakkulle nibuno. La'le'lereki battu timboro' a'lampa wara', na sikontu taua lanapisa'ringi bambanna.

MALEAKHI 4:1

Nakana Batara Kaminang Koasaya, “Labattui sallang allonNa nasikontu tau tampoa siagang tau ja'dalaka nitunui rapang rarame. Ri anjo alloa lanitunui sa'genna la'busu' ke'nanga, siagang tenamo ke'nanga latassesa.

MATIUS 25:41

Nampa Nakana anjo Karaenga mae ri tau niaka ri sa'ri kairinNa, ‘Bellako anrinni, ikau ngaseng tau ja'dalaka! Antama' mako ri pepe' a'rinraya satunggu-tungguna, le'baka napasadiangko Billisika siagang sikamma malaeka'na!

MATIUS 3:10

Sadiami pangkulu' lanipata'banga ri poko' kayua sa'genna ri aka'-aka'na. Sikamma poko' kayu tenaya nabaji' rapponna lanita'bangi nampa nipela' antama' ri pepeka.

MATIUS 7:19

Nasikamma poko' tenaya nabaji' rapponna lanita'bangi nampa nitunu.

MARKUS 11:14

Nakanamo Isa ri anjo poko' araya, “Appakkaramula ri kamma-kammaya anne, tenanniakkamo manna sitau langkanrei rapponnu!” Nalangngereki ana'-ana' gurunNa anjo apa Napaua Isa.

MARKUS 11:21

Nau'rangimi Petrus apa le'baka kajariang ri subangngi. Jari akkuta'nammi Petrus ri Isa nakana, “O Bapa' Guru, Kicini' sai! Matemi anjo poko' ara le'baka Kitunrai!”

YOHANES 15:6

Inai-nai tena natuli asse're siagang iNakke, lanipelaki sanrapang anjo tangkea, nampa a'jari kalotoro'. Anjo tangke-tangke kammaya lanipasse'rei, nampa nibuang antama' ri pepeka, nampa nitunu.

PAOLE 29:28

A'lappo' hebaki larroNa Batara, siagang lalang larro lompoNa anjo Nabi'bu'mi bansa Israel battu ri buttana ke'nanga nampa Napasambila ke'nanga mange ri pa'rasanganna bansa maraenga. Iaminjo saba'na nania' ke'nanga anjoreng.’

IBRANI 10:27

Se're mami sadia untu' ikatte, iamintu andallekanga mae ri pangadelanNa Allata'ala siagang pepe' pangngalarroiNa, lantunuai sa'genna la'busu' tau mangngewaya ri Allata'ala!

IBRANI 12:17

Nanuassemmo angkanaya ribokoanganna anjo, eroki Esau anggappa barakka' battu ri manggena, mingka tanisareai. Nasaba' manna pole angngarru'-arruki appala' lanapakabaji' anjo kasalanna, mingka tenamo kasampatang.

PAPPICINI' 20:15

Sikamma tau tenaya natattulisi' arenna lalang ri Kitta'na Tau Attallasaka, lanipela' ngasemmi antama' ri tamparang pepeka.