IBRANI 6:18 - KITTA' MATANGKASA'

¹⁸ Anjo ruaya passala' takkulleai lamminra; tena olona la'balle-balle Allata'ala ri janjinNa siagang sumpaNa! Lanri kammana, ikatte tau a'la'langamo irawanganNa Allata'ala, nikellaiki' anna'gala' jarre' mae ri panrannuang niaka ri dallekanta.

IBRANI 6:18 Iomraidhean Croise

PA'JARIANG 19:22

Akkaro-karo mako lari! Nasaba' tena apa-apa lakugaukang lalang tenanapa nunrapi' mange anjoreng.” Lanri nakanana Lot ca'di anjo kotaya, iaminjo naniaremmo Zoar.

1 KARAENG-KARAENG 2:28

Nalangngere'mi Yoab yangasenna anjo kajarianga. A'jari malla'mi lanri ammenteng maei ri Adonia. Mingka, riolo tena nammenteng mae ri Absalom. Jari larimi mange ri KemaNa Batara anta'galaki cappa'-cappa'na tampa' pakkoro'bangnganga.

PAMMUJI 110:4

Assumpai Batara a'janji, tena nalaNakaluppai, Nakana, “Ikaumi imang satunggu-tungguna, sanrapang Melkisedek.”

PAMMUJI 46:1

Pammujina golongang Korah. Untu' pamimpin pakelong. Lagu Alamot.

PAMMUJI 62:8

Iami Allata'ala assarea' kasalamakkang siagang kalompoang, Iami pa'la'langangku siagang angngagangnganga' makassaka.

PANGNGEBARANG 3:18

Tau manna'gala' jarreka ri kacara'dekanga lanakasiaki katallassang sitojennaya siagang mate'nea.

PANGNGEBARANG 4:13

Tuli u'rangi ajarang le'baka nutarima battu ri nakke. Jagai anjo baji'-baji', saba' lanri anjo pangngajaraka nalangngerang wassele' tallasa'nu.

YESAYA 27:5

Mingka punna nia' musu-musunna ummakKu mae ri Nakke a'boya pa'la'langngang, boli'mi kamma assiama' siagang iNakke, Iyo, assiama' siagang iNakke.”

YESAYA 51:12

Nakana Batara, “INakkemi ansaleori ngasengko. Angngapa numalla' mae ri rupatau lamatea, mae ri rupatau nipelaka rapang ruku'?

YESAYA 56:4

Nakana Batara mae ri ke'nanga, “Punna nuparhatikang allo Pammari-marianga, punna majarrekko mae ri parjanjiangKu siagang nugaukang apa appakasannanga ri atingKu,

YESAYA 64:7

Tenanniakka appala' doang mae ri Katte, yareka appala' pannulung battu ri Katte, saba' Kicokkoi rupanTa battu ri kambe, na Kilappassang ikambe nipanraki ri dosana ikambe.

ZAKHARIA 9:12

Ammotere' mako he sikamma tunipelaka, anne kamma nia'mo panrannuannu. Ammoterekko mange ri tampa' pa'la'langannu, iNakke tuli lambarakkaki ngasengko. Pilangngeri: LaKubarakkakiko a'lappi rua lanri sikontu kasessang le'baka nukasia'.

PAMMILANGNGANG 23:19

Anjo Allata'ala tena nasangkamma rupataua gampanga assesse' lalang siagang nangaia a'balle-balle. Punna a'janji Allata'ala, mattantu laNarupai! Punna a'bicarai, tena taNagaukanNa!

MATIUS 24:35

Lalanynyaki langika siagang linoa, mingka tuli lania'na kana-kanangKu satunggu-tungguna.”

MATIUS 3:7

Jai tommi tu Farisi siagang tu Saduki battu mae ri Yohanes, ero' assuro je'neki kalenna. Mingka nacini'na Yohanes battu todong ke'nanga, nakanamo ri ke'nanga, “Ikau ngaseng tu ja'dalaka! Inai ampauangko angkanaya akkullei nuliliang hukkunganNa Allata'ala, labattua sallang mae ri kau?

LUKAS 2:25

Anjo wattua nia' ri Yerusalem sitau niareng Simeon. Ia tau baji', na malla' ri Allata'ala. Na tayang-tayammi wattunna nabattu Allata'ala ampasalamaki umma' Israel. Antama'mi RohNa Allata'ala ri kalenna.

ROMA 15:5

Poro Allata'ala, akkullea assarei kasa'barrang siagang panynyaleori rupataua, antulung ngasengko sollannu akkulle a'julu ati, mannuruki ri katallassanNa Isa Almasi.

ROMA 3:25

Nakoro'bangkangi Allata'ala anjo Isa Almasi; sollanna, lanri kamateanNa anjo Isa Almasi, nilappassammi rupataua battu ri dosa-dosana, punna tappa'ja ke'nanga mae ri Isa Almasi. Nagaukammi Allata'ala kammaya anjo, lanri eroki Napappicinikang kaadelanNa. Nasaba' ri wattu allaloa, Nasa'barrammi Allata'ala dosa-dosana rupataua, sa'genna tena naNahukkungi ke'nanga.

ROMA 3:4

Mattantu tena! Nasaba' ma'nassami angkanaya tuli annabai Allata'ala, manna pole a'jari paballe-balle ngasemmi rupataua. Sangkamma niaka lalang ri Kittaka tattulisi' angkanaya, “Poro a'butti laloi katojengannu ilalang ri kana nupabattua, nummeta punna narapi' wattunnu niadeli.”

ROMA 5:5

Anjo panrannuang kammaya tena nalanapakala'ba pa'maitta, nasaba' le'ba'mi nibonei atinta siagang pangngamaseanNa Allata'ala. Na anjo Nagaukangi Allata'ala tete ri Roh MalanynyinNa, le'bakamo Napassareang mae ri katte.

FILIPI 2:1

Majarrekko, lanri asse'reko siagang Almasi. Siagang nisaleoriko lanri Nakamaseangko Almasi! Nirurungangko ri RohNa Allata'ala, jari paralluko massing sikamaseang siagang sikarimangngi.

KOLOSE 1:23

Mingka tantu musti tuli majarrekko tappa' siagang ammenteng kassa' ri katappakkannu. Gassingka nulappassangi anjo panrannuang le'baka nisareangko ri wattunna nutarima anjo Kabara' Baji' battua ri Allata'ala. Anjo kabaraka le'ba'mi nibirittakang mae ri sikontu taua ri lino. Na untu' iatommi anjo nainakke anne, iamintu Paulus, ku'jari palayang.

KOLOSE 1:27

Mae ri anjo umma'Na, eroki Allata'ala ampa'nyatai antekamma baji'na siagang mala'biri'na anjo rahasiaNa untu' sikontu rupataua. Anjo rahasiaya, iamintu: Niaki Almasi lalang ri kalennu; battuanna langgappa tongko bageang lalang ri kalompoanNa Allata'ala.

KOLOSE 1:5

Tappa' mako siagang mangngamaseang mako, nasaba' nurannuammi apa Napasadiaya Allata'ala ri suruga untu' ikau. Le'ba'mi nulangngere' anjo kabaraka, ri wattunna nipabattu Kabara' Baji' tojenga battua ri Allata'ala mae ri kau.

1 TESALONIKA 1:10

Nacarita tommi ke'nanga antekamma batenu anrannuangi kabattuanNa Ana'Na Allata'ala battu ri suruga, iamintu Isa, le'baka nipattallasa' poleang ammotere' battu ri kamateanga ri Allata'ala. Ia tomminjo Isa ampasalamakki' battu ri pangngalarroiNa Allata'ala labattua sallang.

1 TIMOTIUS 1:1

Natarimai Timotius, ana' kontutojengku lanri ri Batara. Anne suraka battu ri nakke, Paulus, tunisuroNa Isa Almasi lanri ero'Na Allata'ala, Mappasalamatta, siagang lanri ero'Na Isa Almasi, panrannuanta. Poro nisareko barakka', pangngamaseang siagang kasalewangang battu ri Allata'ala Manggea siagang Isa Almasi Batarata.

1 TIMOTIUS 6:12

Usaha tojeng-tojengko untu' apa nupatappaka salaku tu Karisteng, kammayatompa parallui nugappa hadia sitojennaya siagang mannannunganga. Nasaba' untu' iaminjo Nanakiokko Allata'ala ri wattunna numangakui ri dallekanna taua angkanaya tappa' mako mae ri Almasi.

2 TIMOTIUS 2:13

Punna tamajarrekaki' Ia tuli majarreki, nasaba' takkulleai assisala siagang KalenNa.”

TITUS 1:2

situru' panrannuanga mae ri katallassang sitojennaya siagang mannannunganga. Le'ba'mi Napa'janjiang Allata'ala anjo katallassanga ri wattu tenanapa nanipa'jari anne linoa; natena olona la'balle-balle Allata'ala.

IBRANI 11:7

Lanri tappa'na nanatarimamo Nuh pappakainga' Napassareanga Allata'ala mae ri ia; iamintu passala'na apa-apa lakajarianga tenaya nakkulle nacini' Nuh. Naturukimi Nuh kananNa Allata'ala. Jari appare'mi se're biseang lompo. Nama'nassa iaminjo biseang lompoa ampasalamaki kalenna siagang pole sikamma ana'na siagang tubai'-bainena. Jari nihukkummi linoa, mingka Nuh nipattojemmi ri Allata'ala nikana tau baji' lanri tappa'na.

IBRANI 3:11

LarroMa' siagang assumpaMa' Kukana, ‘Talantamakkai ke'nanga ri anjo pa'rasanganga untu' sipammari-mariang siagang iNakke!’ ”

IBRANI 3:6

Mingka tamalanreai Isa salaku Ana' antanggongiai amparakai Balla'Na Allata'ala. Na ikattemi anne sanrapang Balla'Na Allata'ala, punna tuli lompona sumangatta siagang tuli tappatta angkanaya tena tanigappana anjo apa niminasaia.

IBRANI 6:17

Eroki Napakajarre' janjinNa Allata'ala mae ri sikamma tau Najanjia angkanaya talaNapinrayai janjinNa. Iaminjo saba'na naNapirurungi sumpa anjo janjinNa.

IBRANI 7:19

Takkulleai hukkung agama Yahudia ampa'jari sukkuki baji'na se'rea apa-apa. Lanri kammanami anjo nakinisaremo kamma-kamma anne panrannuang la'bi bajikanganga; iaminjo patteteang nakiakkulle a'reppese' mae ri Allata'ala.

IBRANI 7:21

Mingka Isa, ammakei sumpa ri wattunna niangka' a'jari imang, iamintu ri wattunna Nakana Allata'ala mae ri Ia, “Le'ba'mi assumpa Batara, siagang talamamminrayai ri kananNa, ‘IKaumi Imang satunggu-tungguna.’ ”

YOSUA 20:3

Inai-nai ambunoi paranna tau natena nakunjungi, akkullei lari mange ri anjo kotaya sollanna ta'lappasa' battu ri tau eroka ampa'balassangi anjo tau matea.

1 YOHANES 1:10

Mingka punna angkanaki' tena kidoraka, sangkammami angkanaya nibilang paballe-ballei Allata'ala; battuanna tenamo niboliki ri atinta kananNa Allata'ala.

1 YOHANES 5:10

Lanri kammana, inai-nai tappa' ri Ana'Na Allata'ala, natarimami anjo kasa'bianga lalang ri atinna; mingka inai-nai tena natappa' mae ri Allata'ala, nacini' paballe-ballemi Allata'ala, nasaba' tena napatappaki bicaranNa Allata'ala ri passala'na anjo Ana'Na.

1 SAMUEL 15:29

Allata'alana Israel Ia Mala'birika tena Na'balle-balle, siagang tena todong naNapinrai pikkiranNa, lanri Ia teai rupatau.”