IBRANI 6:12 - KITTA' MATANGKASA'

¹² Tena kikellaiko a'jari malasa'. Mingka kikellaiko sollannu attallasa' sangkamma tau antarimayai apa Napa'janjianga Allata'ala, lanri tappa'na mae ri Ia, siagang lanri sa'bara'na attayang.

IBRANI 6:12 Iomraidhean Croise

PANGNGEBARANG 12:24

Anjama terasaka napa'jari taua koasa; kamalassanga napa'jari taua ata.

PANGNGEBARANG 13:4

Tau malasaka jai nakaeroki mingka manna se're tanarapi' tau anjama terasaka lanagappai sikontu apa nakaerokia.

PANGNGEBARANG 15:19

Tau malasaka tuli lanakasiaki kasukkaranga; tau lambusuka tammuntulai kasukkarang.

PANGNGEBARANG 18:9

Tau tenaya najampangi tugasa'na sangkammai kodina siagang tau nangaia ammanraki.

PANGNGEBARANG 2:20

Lanri kammana ana' pinawang laloi bate tallasa'na tau bajika, siagang attallasakko situru' ero'Na Allata'ala.

PANGNGEBARANG 26:14

Sanrapang pakke'bu' tapputaraka ri engsele'na, kammaminjo lapung tau malasaka ambale'-baleki kalenna rate ri tampa' katinroanna.

PANGNGEBARANG 28:10

Inai anynyonyoki tau lambusuka sollanna a'gau' ja'dala', ia kalenna latu'guru' antama' ri sikko' nitannanga. Tau ci'nonga pa'mai'na lanibarakkaki sa'genna mate'ne.

KELONG MALA'BIRI' 1:8

Masakang tanuassengai tampa'na, he tuga'gaya ri sikamma bainea? Pinawang mami bate bangkenna gimbalaka, na kalawakimi sikamma bembenu ri ampi' kemana sikamma pakalawakia.

YEREMIA 6:16

Nakana Batara ri umma'Na, “Ammentengko ri sikamma panyingkulu'na aganga, siagang parhatikangi baji'-baji'! Pakkuta'nangngangi sikamma agang-agang riolo-rioloa, siagang kereanga kaminang baji' anjo aganga. Pinawammi anjo aganga, sollanna sannang katallassannu.” Mingka angkanai ke'nanga, “Tena, tena naero' ikambe ampinawangi anjo aganga!”

MATIUS 22:32

‘INakkemi Allata'alana Abraham, Allata'alana Ishak, siagang Allata'alana Yakub.’ Anjo Allata'ala, teai Allata'alana tau matea; mingka Allata'alana tau attallasaka!”

MATIUS 25:26

Nakanamo anjo karaenga, ‘Ikau palayang ja'dalakko siagang malasakko. Sai nuassemmi angkanaya angngallea' rappo-rappoang battu ri poko'-poko' takulamunga; siagang angngallea' wassele' ri tampa' tenaya kulamungi bine?

LUKAS 16:22

Tena nasallo, matemi anjo tau kasi-asia. Nierammi ri malaekaka mange ri tampa' kaminang la'birika, iamintu ri sa'rinna Abraham ri suruga. Tena nasallo pole, mate tommi anjo tau kalumanynyanga nanitarawang.

LUKAS 8:15

Anjo bine takkioroka ri butta copponga, iaminjo pangngebaranna tau allangngerekai anjo kabaraka, nampa naboli' baji' siagang attojeng-tojeng lalang ri atinna ke'nanga. Attahangi ke'nanga, sa'genna sanrapangi ke'nanga poko' kayu a'rappoa.”

ROMA 12:11

Rajengko anjama-jama. Teako kuttui. Anjamako untu' Batara lalang sumanga' battua ri RohNa Allata'ala.

ROMA 2:7

Nasarei Allata'ala katallassang sitojennaya siagang mannannunganga tau jarreka anggaukangi kabajikanga, sollanna nagappa katallassang mala'birika, katallassang malompoa siagang satunggu-tunggua.

ROMA 4:12

A'jari tommi Abraham bapa' rohanina tau anturukiai atorang sunnaka. A'jari bapa' rohanimi ri ke'nanga, teai lanri naturukinna bawang ke'nanga atorang sunnaka, passangalinna lanri tappa'na todong ke'nanga mae ri Allata'ala, sangkamma todong Abraham ri wattunna tenapa naturuki atorang sunnaka.

2 TESALONIKA 1:4

Iaminjo saba'na natuli nacaritako ikambe punna mangeki' akkunjungi jama'ah-jama'aNa Allata'ala nakipuji ngasengko ri alla'na sikamma jama'aNa Allata'ala. Lompomi pa'mai'na ikambe ancaritai antekamma majarre'na tappa'nu mae ri Almasi ri tangnga-tangngana passessaya siagang kapa'risang nukasiaka.

IBRANI 1:14

Jari punna kamma, apai sikontutojenna anjo malaeka'-malaekaka? Anjo ke'nanga, iamintu roh-roh allayaniai Allata'ala, siagang nisuroa ri Allata'ala antulungi sikontu tau lannarimaya kasalamakkang.

IBRANI 10:36

Paralluko sa'bara', sollanna akkulle nugaukang ero'Na Allata'ala. Na lanri kammana lanutarimai apa Napa'janjianga Allata'ala.

IBRANI 11:33

Lanri tappa'na ngaseng ke'nanga, nanabetamo sikamma karaeng ammarentaya. Nagaukangi ke'nanga apa-apa tojenga, sa'genna natarimamo apa Napa'janjianga Allata'ala. Natongkoki ke'nanga bawana singa-singaya,

IBRANI 12:1

Jari, ri passala'na ikatte, jai sa'bi angkulilingiki'! Lanri kammana mae mako, nanipela' ngaseng sikontu apa-apa ambattaliaki' siagang sikontu dosa tuli a'dakkika ri katte. Siagang mae mako nakituli appa'lumba mange ri dallekang.

IBRANI 13:7

Teako kaluppai sikamma pamimpinnu, ampabattuai pappasanNa Allata'ala mae ri kau. Parhatikangi antekamma batena attallasa' siagang antekamma batena mate ke'nanga, kammayatompa contoimi katappakkanna ke'nanga.

IBRANI 5:11

Ri sesena anjo empoanna Isa a'jari Imang Malompo, jai parallu napabattu ikambe mae ri kau ngaseng; mingka sukkaraki lanipakasingara', nasaba' sallo dudui nampa akkulle nupahang.

IBRANI 6:15

Attayammi Abraham siagang sa'bara', sa'genna natarimamo anjo apa Napa'janjianga Allata'ala mae ri ia.

YAKOBUS 1:3

Nasaba' nuassemmi, angkanaya punna attahangko ri tappa'nu mae ri Batara ri wattunnu nataba paccoba, wassele'na iamintu: a'jari mako tau sa'bara'.

2 PETRUS 1:10

Lanri kammana, sikamma sari'battangku, paralluko pila' nuterassi usahanu sollanna pila' a'jari majarre' anjo pakkio'Na siagang pammileNa Allata'ala mae ri kalennu. Punna nugaukang anjo kammaya, tena nulanipassala.

1 YOHANES 2:25

Na iaminne Napa'janjianga KalenNa Almasi mae ri katte: Katallassang sitojennaya siagang mannannunganga.

PAPPICINI' 13:10

“Tau lanitarungkua, musti lanitarungkui. Siagang tau lanibunoa siagang pa'dang mattantu lanibunoi siagang pa'dang. Iaminjo saba'na namusti sa'bara' siagang tamamminraya Umma'Na Allata'ala.”