IBRANI 6:1 - KITTA' MATANGKASA'

¹ Lanri kammana, mae mako nakimaju ri pappilajarang-pappilajarang ribokoangannaya pole, iamintu ri passala'na kajarrekanna katallassang Karistenga. Teako tuli poko' pangngajarang rioloa bawang nuparhatikang. Tea' maki' ammoteri pole mange ri pappilajarang uru-urua, iamintu angkanaya musti ammari taua anggaukangi apa-apa tenaya matu-matunna, siagang musti tappakki' mae ri Allata'ala;

IBRANI 6:1 Iomraidhean Croise

PANGNGEBARANG 4:18

Oloanna tau ja'dalaka sassangi sangkamma sassanna bangngia. Tatto'roi siagang tu'guruki ke'nanga natanaassenga kalenna. Mingka, oloanna naoloa tau bajika sanrapangi pammumbana alloa, pila' sallo pila' singaraki, sa'genna kala'busanna a'jari singara' sikali.

ZAKHARIA 12:10

Nampa jari-jarina Daud siagang pandudu'na Yerusalem laKupa'jari tunangai mangngamaseang pa'mai'na siagang nangai appala' doanga. Lanaciniki ke'nanga anjo tau le'baka nacoka ke'nanga, nampa nakarruki rapang tau angkarruki ana' sitau-tauna matea. Langngarruki ke'nanga pacce pa'mai'na, rapang tau ammoteranga ana' bungasa'na.

MATIUS 21:29

Appialimi anjo ana'na nakana, ‘Teaja'.’ Mingka tena nasallo, tappinrami pikkiranna, na'lampaja mange anjama ri koko anggoroka.

MATIUS 21:32

Nasaba' battumi Yohanes Paje'ne' ampicinikiang ngasengko carana katallassang Nakaerokia Batara, mingka taerokako tappa' ri pangngajara'na; mingka parentea siagang bai'-baine ja'dalaka tappaki ri ia. Na ikau ngaseng, manna pole nucini' ngasemmi anjo apa kajarianga tena tompa natappinra pikkirannu siagang tena tongija nuero' tappa' ri Batara.”

MATIUS 3:2

“Toba' ngaseng mako battu ri gau' dosa-dosanu, nasaba' tasalloami nappakkaramulamo ammarenta Allata'ala, salaku Karaeng!”

MATIUS 4:17

Iaminjo wattua Nappakkaramulamo Isa ampabattui angkanaya, “Toba' ngaseng mako battu ri gau' dosa-dosanu, nasaba' tasalloami nappakkaramulamo ammarenta Allata'ala, salaku Karaeng!”

MATIUS 5:48

Ia Allata'ala Manggenu ri suruga sukku' Nakamaseangi sikontu rupataua. Jari parallui nukamaseang todong parannu tau.”

MATIUS 7:25

Ri wattunna battu bosia siagang a'baya kammayatompa anging barubua antujui anjo ballaka takkulleai anra'ba, lanri kassaki pammentenganna irate ri batua.

MARKUS 1:1

Iaminne Kabara' Baji' ri passala'na Isa Almasi, Ana'Na Allata'ala.

MARKUS 6:12

A'lampami anjo sampuloa anrua ana'-ana' gurunNa Isa. A'lampai ke'nanga ampa'la'bangi kabaraka angkanaya parallui taua toba' battu ri sikontu dosa-dosana.

LUKAS 6:48

Iami sanrapang tau ambangunga balla', nakekei lantang-lantang buttaya, nampa batu napare' pondasi. Ri wattunna battu a'baya siagang battu je'ne' binangaya antujui anjo ballaka, takkulleai ta'ge'goso', nasaba' bajiki pondasina.

YOHANES 12:44

A'gorami Isa Nakana, “Inai-nai tappa' ri Nakke, teai Nakke napatappa', mingka Ia assuroa ri Nakke napatappa'.

YOHANES 14:1

Nakana Isa ri ke'nanga, “Teako lussaki ri atinnu. Tappa' mako mae ri Allata'ala, siagang tappa' tommako mae ri Nakke.

YOHANES 5:24

Ma'nassa kontutojengi anne kana-kanangKu: Inai-nai amparhatikangi kana-kanangKu, siagang tappaki mae ri Ia assuroA' battu, ma'nassa nagappami katallassang mannannunganga. Tenamo nalanihukkung; ta'lappasa'mi battu ri kamateanga nanagappa katallassanga.

LAMPA-LAMPANA 11:18

Nalangngere'namo anjo apa napabattua Petrus, tenamo nakkana-kana ke'nanga. Nampa ammuji-mujimo ke'nanga ri Allata'ala. Nakana ke'nanga, “Punna kamma, manna bansa maraenga nisare tommi oloang ri Allata'ala sollanna toba' ke'nanga battu ri dosa-dosana, nanapahang baji' katallassang sitojennaya!”

LAMPA-LAMPANA 17:30

Anjo wattu kadongokanta Nakaluppaimi Allata'ala, mingka kamma-kamma anne Nasuromi toba' battu ri dosa-dosana sikontu rupataua ri lino.

LAMPA-LAMPANA 2:38

Appialimi Petrus nakana, “Toba' ngaseng mako battu ri dosa-dosanu. Siagang musti massing nije'ne' ngasengko lalang arenNa Isa Almasi, sollanna nipammopporang dosa-dosanu. Nampa lanutarima passareNa Allata'ala, iamintu RohNa Allata'ala.

LAMPA-LAMPANA 20:21

Baji' namae ri tu Yahudia, yareka mae ri bansa-bansa maraenga, tuli kupakainga' ngasemmi sollanna massing toba', battu ri dosa-dosana ke'nanga nabattu mae ri Allata'ala siagang tappa' mae ri Isa.

LAMPA-LAMPANA 26:20

Kupaumi silambusu'na mae ri taua angkanaya musti toba' ngasengi ke'nanga battu ri massing dosa-dosana. Musti napassareangi tallasa'na ke'nanga mae ri Allata'ala. Siagang musti napa'butti lalang ri katallassanna ke'nanga, angkanaya ma'nassa toba' tojeng-tojemmi battu ri dosa-dosana ke'nanga. Uru-uruna anjorengi ri Damsyik kupau anne passalaka. Le'baki anjo nampa ri Yerusalem, siagang ri sikontu Yudea, ri tangnga-tangngana bansa maraenga.

LAMPA-LAMPANA 3:19

Lanri kammana minjo sari'battangku ngaseng, nuparallumo massing toba' battu ri dosa-dosanu, siagang ammotere' mako ri Allata'ala sollanna naNapammopporang dosa-dosanu.

1 KORINTUS 13:10

LaNapa'jari sukku' ngasengi Allata'ala sikontu apa-apaya, nanipattaena ngaseng sikontu apa-apa tenaya nasukku' baji'na.

1 KORINTUS 2:6

Mingka manna nakamma, kupake tonji pangngassenganga ampabattui anjo birittaya mae ri tau rapang ti'nokamo katallassang rohanina. Mingka anjo pangngassenganga teai pangngassengang battu ri lino, yareka pangngassengang battu ri sikamma tau anna'galaka koasa ri anne jammanga, ia lalanynyaka sallang kakoasanna.

2 KORINTUS 7:1

Sikamma sari'battangku kukarimangngia! Sikontu anjo janjia untu' ikatte ngaseng. Lanri kammana, parallui nitangkasi kalenta battu ri sikamma apa-apa akkullea anra'massi tubuta siagang nyawata. Paralluki' malla' mae ri Allata'ala. Sollanta akkulle attallasa' baji' siagang matangkasa' untu' Allata'ala.

2 KORINTUS 7:10

Nasaba' anjo si'na kammaya akkullei appa'nia' katobakkang siagang kasalamakkang; kammayatompa tena nala'jari sesse' lalang taua lanri passabakkang anne passalaka. Mingka punna si'na passabakkang anne linoa, lanaerangi taua mange ri kamateanga.

EFESUS 2:1

Riolo matemi katallassang rohaninu, lanri dorakanu siagang nudakkaina parentaNa Allata'ala.

EFESUS 2:5

sa'genna ri wattunna mate katallassang rohanita, lanri gau'-gau' salata, Napattallasa' poleang maki' ammotere' siagang Almasi. Jari, lanri kabajikanNa bawang Allata'ala, naNapasalamakko.

EFESUS 4:12

Kammami anjo Nagaukanga, sollanna nipasadia baji' Umma'Na Allata'ala sollanna akkulle nalayani Batara siagang nabangung TubuNa Almasi.

KOLOSE 1:28

Iaminjo Almasi nabirittakanga ikambe mae ri sikontu rupataua. Kipakainga'mi siagang kiajara' ngasemmi ke'nanga siagang baji'-baji'. Pattujunna ikambe iamintu sollanna akkulle ngaseng nierang rupataua mae ri Allata'ala, salaku tau baji'mo katallassang rohanina, lanri asse'renamo siagang Almasi.

KOLOSE 3:14

Siagang kaminang parallua iamintu: musti sikamaseangko nasaba' iaminjo pangngamaseanga ampa'jari se're ngasengko, sa'gennu a'jari sukku'.

KOLOSE 4:12

Sallang battu ri Epafras. Anne Epafras tau battu antureng tonji. Pajama-jamaNa tongi Isa Almasi, tenaya lanrena tuli ampappala' doangangko. Sanna' napala'na mae ri Allata'ala, sollanna pila' jarre' tappa'nu siagang a'jari toa tojeng pikkirang rohaninu; sollannu a'jari sukku' mannurukinnu mae ri ero'Na Allata'ala.

1 TIMOTIUS 3:16

Tena manna sitau akkulle ansassali, antekamma lompona rahasiana agamata, angkanaya: Napa'nyatai KalenNa lalang tubuna rupataua, na nipa'nyata katojenganNa ri RohNa Allata'ala siagang nicini' ri sikamma malaekaka. Nipakkiokkammi birittana mae ri sikamma bansa-bansaya, na nipatappa' ri sikontu linoa siagang niangka' nai' ri suruga.

1 TIMOTIUS 6:19

Lalang kammana anjo, napasse'remi ke'nanga pa'barang-barangang akkullea a'jari modala' baji' untu' jammang labattua sallang. Siagang lanri kammanami anjo nalanagappamo ke'nanga katallassang mannannunganga, iamintu katallassang sitojennaya.

2 TIMOTIUS 2:19

Mingka anjo pammentengang makassa' le'baka Napare' Allata'ala takkulleai nipata'ge'goso'. Irateanganna nia' tattulisi' angkanaya, “Naassengi Batara sikamma taunNa,” siagang “Inai-nai nakana kalenna taunNa Batara, musti ammarimi anggaukangi gau' salaya”.

IBRANI 11:6

Takkulleai taua ampakasannangi atinNa Allata'ala, punna tena natappa' ri Allata'ala. Nasaba' inai-nai battu mae ri Allata'ala, musti tappaki angkanaya ma'nassa nia' Allata'ala, kammayatompa angkana laNasarei pa'balasa' Allata'ala sikamma tau amboyayai.

IBRANI 12:13

Oloang lapparaka tuli nuolo a'jappa, sollanna tena natassala ura'na anjo bangkeng lammanu, mingka a'jari bajiki ammotere' ba'lalo.

IBRANI 7:11

Irawangang pimpinannai imang-imang Lewi nanipassareang hukkung agama Yahudia mae ri umma' Israelka. Lanri riolo, takkulleai nagaukang imang-imang Lewi sa'genna sukku' baji'na anjo jama-jamang musti nagaukanga ke'nanga, jari musti nia' imang maraeng, iamintu sangkammaya Imang Melkisedek; jari teaimi imang battu ri golonganna Harun.

IBRANI 9:14

la'biangampa pole cera'Na Almasi. Tete ri Roh mannannunganga, Napassareammi KalenNa Almasi mae ri Allata'ala a'jari koro'bang sukkuka baji'na. Cera'Na antangkasi ati mailalanta battu ri upacara agama tenaya matu-matunna sollanta akkulle a'jari palayang mae ri Allata'ala mattallasaka.

YAKOBUS 1:4

Boli'mi kamma pila' katambang sa'bara'nu sa'gennu a'jari makassa' siagang sukku' kammayatompa tenamo apa-apa kakurangannu.

1 PETRUS 1:21

Tete ri Iami nanutappa' mae ri Allata'ala, le'baka ampattallasa' poleangi battu ri kamateanga siagang le'baka ampakala'biriki. Jari, Allata'alami nupatappa', siagang ri Allata'ala tommi le'ba' nupadongko' panrannuannu.

1 PETRUS 5:10

Mingka punna le'ba' mako sessa sinampe', KalenNa Allata'ala lampa'jari sukkukko. LaNapaentengko, siagang laNasareko kagassingang kammayatompa laNapakajarrekko. Nasaba' Iami Allata'ala sannaka baji'na pa'mai'Na; Iami le'baka angkiokko untu' angkasia' tongi kala'birang mannannunganga tete ri Almasi.

1 YOHANES 4:12

Tena manna sitau le'ba' anciniki Allata'ala; mingka punna massing sikamaseangki', asse'remi Allata'ala mae ri katte siagang a'jari sukku'mi pangngamaseanNa lalang ri kalenta.