IBRANI 5:3 - KITTA' MATANGKASA'

³ Na lanri kalenna jai tongi kakurangnganna, jari musti assaremi koro'bang; teai lanri dosa-dosana bawang ummaka, mingka lanri dosa-dosa kalenna pole.

IBRANI 5:3 Iomraidhean Croise

KAIMANGNGANG 16:15

Le'baki anjo musti nasamballei Harun anjo bembea untu' koro'bang pammopporang dosana umma' Israel. Cera'na anjo bembea musti nierangi mange ri Kamara' Kaminang Matangkasaka, nampa niparacci' ri bageang dallekanna pa'rangka'na Patti Parjanjianga siagang ri dallekanna Pattia, sangkamma le'baka nigaukang siagang cera'na sapi lakia.

KAIMANGNGANG 16:6

Musti napassareangi Harun sikayu sapi laki untu' koro'bang pammopporang dosa mae ri kalenna siagang sikontu kaluargana.

KAIMANGNGANG 9:7

Le'baki anjo nakanamo ri Harun, “A'lampako mange ri tampa' pakkoro'bangnganga siagang pasadiai koro'bang pammopporang dosaya kammayatompa koro'bang nitunua, sollanna Napammopporang Batara dosanu siagang dosana ummaka. Gaukangi anjo kammaya situru' Naparentakanga Batara.”

1 KORINTUS 15:3

Anjo apa kupabattua mae ri kau, apa le'baka tonji kutarima. Ia kaminang parallua, kamma tattulisika lalang ri Kittaka, iamintu kupabattumi mae ri kau ngaseng angkanaya matemi Almasi lanri dosa-dosata ngaseng;

IBRANI 10:12

Na Almasi, poro se'reji bawang koro'bang Napassareang untu' ampammopporangi dosa-dosata; anjo koro'banga a'matu-matumi sa'genna satunggu-tungguna. Le'baki Napassareang Almasi anjo koro'banga ammempomi ri sa'ri kananNa Allata'ala, ammarenta siagang Allata'ala.

IBRANI 7:27

Tasangkammayai imang-imang lompo maraenganga, allo-alloa angngerang koro'bang lanri dosa-dosa kalenna rolong, nampa koro'bang lanri dosa-dosana ummaka. Isa, sikaliji bawang angngerang koro'bang untu' satunggu-tungguna, iamintu ri wattunna Napassareang KalenNa a'jari koro'bang.

IBRANI 9:7

Akkullea antama' ri bageang kaminang lalanna anjo pammantanganga, iamintu imang lompoaji bawang. Naporo sikaliji bawang sitaung nagaukang anjo kammaya. Siagang punna nagaukang anjo kammaya, angngerangi cera' untu' lanapangngadakkang mae ri Allata'ala untu' kalenna anjo imanga, siagang lanri sikamma dosa nagaukanga umma'Na.