IBRANI 5:11 - KITTA' MATANGKASA'

¹¹ Ri sesena anjo empoanna Isa a'jari Imang Malompo, jai parallu napabattu ikambe mae ri kau ngaseng; mingka sukkaraki lanipakasingara', nasaba' sallo dudui nampa akkulle nupahang.

IBRANI 5:11 Iomraidhean Croise

1 KARAENG-KARAENG 10:1

Nalangngereki karaeng bainena pa'rasangang Syeba ri passala' kacara'dekanna Salomo. Jari battumi mange ri Yerusalem untu' anso'ri Salomo siagang pakkuta'nang sukkara'-sukkaraka.

YESAYA 6:10

Nampa Nakanamo mae ri nakke, “Pa'jari dongoki pikkiranna sikamma anjo taua, pa'jari tongoloki tolinna siagang pa'jari butai matanna sollanna takkullea accini', takkullea allangngere' siagang takkullea ammahang, nampa ammotere' mae ri Nakke sollanna Kupa'jari baji' ammotere'.”

MATIUS 13:15

Nasaba' tattongko' ngasemmi pikkiranna ke'nanga anne, a'jari tamallangngerai tolinna na tatassungkea matanna. Kajariammi anne, sollanna taccinika matanna tallangngera tolinna, tammahanga pikkiranna, na taeroka ammotere' mae ri Nakke, nampa Kupa'jari baji' ngaseng ke'nanga.’ ”

MARKUS 8:21

Nakanamo pole Isa, “Jari tena ijapa nupahangi?”

LUKAS 24:25

Nakanamo Isa ri ke'nanga, “Dongo' ngaseng memang tongko! Sallo sikali nampa akkulle nupatappa' sikamma apa le'baka napau na'bi-na'bia!

YOHANES 16:12

Jai iji ero' Kupau ri kau ngaseng, mingka kamma-kamma anne tanukulleapi antarimai.

YOHANES 6:6

Naasseng memammi Isa apa laNagaukanga, mingka akkana kammaminjo lanri eroki Naso'ri Filipus.)

LAMPA-LAMPANA 28:27

Nasaba' a'jari pokkolo'mi pikkiranna anne bansaya, nijempammi tolinna ke'nanga, siagang nitongko'mi matanna ke'nanga. Nasaba' punna tena nakamma, mattantu lamaccini'ji matanna ke'nanga, lamallangngere'ji tolinna ke'nanga, lammahanji atinna ke'nanga, siagang lammotere'mi ke'nanga mae ri Nakke, nampa Kupa'jari baji' ke'nanga ammotere',’ kammaminjo kananNa Allata'ala.”

IBRANI 5:10

kammayatompa nipa'nyatami ri Allata'ala angkana Iami a'jari Imang Malompo, antamaya sangkamma Imang Melkisedek!

IBRANI 5:12

Sikontutojenna narapi'mi wattunnu la'jari guru; mingka ma'nassa parallu ijako appilajara' mae ri tau maraenga ri passala'na poko'-poko' pangngajaranNa Allata'ala. Takkullea pako nisare kanre terasa'; parallu ijako angnginung dadi'.

2 PETRUS 3:16

Anjo passalaka tuli napauna Paulus lalang ri sikamma sura' natulisika. Memang, nia' siapa are passala' anjo napaua lalang ri sura'na sukkara' nipahang. Na anjo tau tenaya napahangi siagang tenaya najarre' tappa'na, naputara' bale'mi anjo apa natulisika Paulus. Anjo ri kammaya tena niparallu lannasa'. Lanri kamma tomminjo panggaukanna ke'nanga mae ri bageang maraengannaya bonena Kittaka. Anjo panggaukang kammaya poro kapanrakang bawang wassele'na mae ri kalenna ke'nanga.