IBRANI 4:3 - KITTA' MATANGKASA'

³ Mingka ikatte tau tappaka, lanigappai anjo tampa' pammari-mariang Napa'janjianga Allata'ala. Anne sicoco'mi siagang apa le'baka Napau Allata'ala, angkanaya, “LarroA' siagang assumpA', angkana talantamayai ke'nanga ri tampa' pammari-mariangKu sipammari-mariang siagang iNakke!” Akkana kammami anjo Allata'ala manna pole riolo iji naNapa'le'ba'mo jama-jamanNa, iamintu ri wattunna Napa'jari anne linoa.

IBRANI 4:3 Iomraidhean Croise

PA'JARIANG 1:31

Naciniki ngasemmi Allata'ala sikontu anjo apa le'baka Napa'jari, siagang sannang sikalimi nyawaNa. Allalomi bangngia siagang battumi bari'basaka. Iaminjo allo makaannanga.

PAMMUJI 95:11

Jari assumpaMa' lalang larroKu, angkana talantamakkai ke'nanga ri anjo pa'rasanganga untu' anggappa pammari-mariang siagang iNakke.”

KALAPPASSANG 20:11

Lalang wattu annang allo, iNakke, Batara, Kupa'jari buttaya, langika, tamparanga, siagang sikontu apa niaka lalang, mingka ri makatujuna alloa ammari-mariA'. Iaminjo saba'na iNakke, Batara, Kubarakkaki Allo Pammari-marianga siagang Kusa'laki untu' KalengKu.

YESAYA 28:12

Napirarai ngasengko Batara tampa' pammari-mariang, mingka taerokako mappilangngeri ri Ia.

YEREMIA 6:16

Nakana Batara ri umma'Na, “Ammentengko ri sikamma panyingkulu'na aganga, siagang parhatikangi baji'-baji'! Pakkuta'nangngangi sikamma agang-agang riolo-rioloa, siagang kereanga kaminang baji' anjo aganga. Pinawammi anjo aganga, sollanna sannang katallassannu.” Mingka angkanai ke'nanga, “Tena, tena naero' ikambe ampinawangi anjo aganga!”

YEHEZKIEL 20:38

Sikamma tau nangaia angngewa siagang tau ja'dalaka laKupakabellai battu ri tangnga-tangnganu. LaKuerangi ke'nanga assulu' battu ri tampa'-tampa' napammantangngia kamma-kamma anne, siagang tenamo nalaKupa'biang ammotere' ke'nanga mange ri butta Israel. Nampa nuassemmo angkana iNakke Batara.”

MATIUS 13:35

Lanri kammana, a'rupami apa le'baka napau na'bia angkana, “PungKu a'bicara ri ke'nanga pangngebarang Kupake Kupakasingara' ngasengi mae ri ke'nanga apa-apa taccokkoa battu ri uru kajarianna anne linoa.”

MATIUS 25:34

Nampa laNakana anjo Karaenga mae ri anjo tau niaka ri sa'ri kananNa, ‘Mae ngaseng mako kau tu nibarakkakia ri ManggeKu. Antama' mako ri Tampa' le'baka nipasadiang memangko ri uru nia'na linoa.

EFESUS 1:4

Ri wattu tenanapa nipa'jari anne linoa, le'ba' memang maki' Napilei Allata'ala tete ri Almasi; sollanta akkulle a'jari umma' matangkasa'Na, tenaya callanna ri dallekanNa. Lanri pangngamaseanNa Allata'ala,

IBRANI 3:11

LarroMa' siagang assumpaMa' Kukana, ‘Talantamakkai ke'nanga ri anjo pa'rasanganga untu' sipammari-mariang siagang iNakke!’ ”

IBRANI 3:14

Ikatte anne bela sipanjama-jamanna ngasengki' Almasi, assala' tuli nita'gala' jarreki katappakkang niaka ri katte battu ri uru-uruna sa'genna kala'busang.

IBRANI 9:26

Nasaba' punna a'mole-molei Nagaukang kammaya, tantu a'mole-molemi Napisa'ringi sessaya baku' nipa'jarina linoa. Mingka a'nassami angkanaya ri anne kala'busang jammanga, battumi sikaliji bawang angkoro'bangkangi KalenNa sollanna Natangkasi dosaya.

1 PETRUS 1:20

Le'ba' memammi nipile Almasi ri tenanapa Napa'jari Allata'ala anne linoa. Na ri allo ma'reppese'namo anne kala'busang jammanga, battumi antama' ri linoa sollannu nipasalama'.