IBRANI 3:6 - KITTA' MATANGKASA'

⁶ Mingka tamalanreai Isa salaku Ana' antanggongiai amparakai Balla'Na Allata'ala. Na ikattemi anne sanrapang Balla'Na Allata'ala, punna tuli lompona sumangatta siagang tuli tappatta angkanaya tena tanigappana anjo apa niminasaia.

IBRANI 3:6 Iomraidhean Croise

PAMMUJI 2:12

su'jukko mannekkere' ri dallekanNa, gassingka ma'jari larroi Batara na Naposso' silalonnako, saba' ti'ring a'rinra larroNa. Mate'nei taua ma'la'langa ri Batara!

YEHEZKIEL 46:10

Patugasa' pamarentaya musti antamaki ri Balla'Na Batara assiagang ngaseng ra'yaka, siagang punna ammotereki musti siagang ngaseng tongi.

MATIUS 10:22

Lanikabirisiko ri tau jaia passabakkang amminawannu ri Nakke. Mingka inai-nai tuli attahang sa'genna kala'busang tallasa'na, iami lanipasalama'.

MATIUS 16:18

Lanri kammana, siratangi nuasseng angkanaya, ikau mintu Petrus, batu makassaka. Iratemi ri tompo'na anne batu pa'dongkokanga laKupaenteng garejaKu, tenaya lambetai, manna pole kamateanga.

MATIUS 24:13

Mingka inai-nai attahang sa'genna kala'busang tallasa'na, iami lanipasalama'.

ROMA 11:22

Jari anrinni akkullei nicini' antekamma baji'Na Allata'ala, mingka akkulle tongi nicini' antekamma terasa'Na. Sanna' terasa'Na mae ri tau dorakaya, mingka sanna' baji'Na mae ri kau ngaseng – assala' tuli tutuko attallasa' battu ri kabajikanNa. Nasaba' punna tena, ma'nassa lanipela' tongko.

ROMA 12:12

Musti rannui pa'mai'nu ma'minasa ri Batara; sa'barakko lalang kasusaanga, siagang teako lanrei appala' doang.

ROMA 15:13

Allata'alami tampa' panrannuannu. Poro Nabonei pa'mai'nu sikontu karannuang siagang salewangang, lanri tappa'nu mae ri Ia, sollanna lanri koasa RohNa Allata'ala nanupila' manrannuang mae ri Allata'ala.

ROMA 5:2

Nasaba' tappa' maki' mae ri Isa Almasi, nisare maki' pakkulle ampahang bajiki pangngamaseanNa Allata'ala, siagang lanri iaminjo pangngamaseanga nakiattallasa' kamma-kamma anne. Lanri kammaminjo narannumo pa'maitta, nasaba' nia'mo panrannuanta angkanaya akkullei nikasia' mate'nea, laNapassareanga Allata'ala!

1 KORINTUS 3:16

Maka nuassenji angkanaya ikau antu sanrapangko balla'Na Allata'ala? Siagang angkanaya niaki RohNa Allata'ala ammantang lalang ri kalennu?

1 KORINTUS 6:19

Musti nuassengi angkanaya anjo batangkalennu pammantanganNa RohNa Allata'ala. Anjo RohNa Allata'ala ammantangi lalang ri kalennu. Kammayatompa KalenNa Allata'ala ampassareangi anjo RohNa mae ri kau. Anjo kalennu teaimi ikau pata, mingka Allata'ala pata.

2 KORINTUS 6:16

Apa passisambunganna Balla'Na Batara siagang balla'na barhalaya? Ikattemi anne sanrapang Balla'Na Batara, iamintu Allata'ala attallasaka. KalenNa Allata'ala angkana, “LammantangA' ri tangnga-tangngana ke'nanga, na Kusikatallassang siagang ke'nanga. La'jariMa' Allata'ala mae ri ke'nanga, na la'jarimo ke'nanga ummakKu.

GALATIA 6:10

Jari, lalang nia'na ija kasampatang ri katte, paralluki' a'gau' baji' mae ri yangasenna rupataua, la'biangampa mae ri sikamma sari'battang julu tappatta.

GALATIA 6:9

Lanri kammana, takkulleaki' lanre anggaukangi apa-apa bajika; nasaba' punna tena nilanre anggaukangi anjo apa-apa bajika, nia' se're wattu sallang nalanigappa wassele'na.

EFESUS 3:12

Lanri tappatta mae ri Almasi, siagang lanri asse'retamo siagang Ia, Nasaremaki' kabebasang untu' a'reppese' mae ri Allata'ala siagang tappa' majarre'.

KOLOSE 1:23

Mingka tantu musti tuli majarrekko tappa' siagang ammenteng kassa' ri katappakkannu. Gassingka nulappassangi anjo panrannuang le'baka nisareangko ri wattunna nutarima anjo Kabara' Baji' battua ri Allata'ala. Anjo kabaraka le'ba'mi nibirittakang mae ri sikontu taua ri lino. Na untu' iatommi anjo nainakke anne, iamintu Paulus, ku'jari palayang.

1 TESALONIKA 5:16

Paralluko tuli marannu;

2 TESALONIKA 2:16

Poro KalenNa Batarata Isa Almasi, siagang Allata'ala Manggeta ansaleoriko siagang ampakajarre' ngasengi atinnu, sollanna akkulle nugaukang siagang nubirittakang apa bajika. Nasaba' Nakamaseangki' Allata'ala, siagang lanri lammoro' pa'mai'Na naNasareki' kabaraniang tojenga siagang panrannuang bajika.

1 TIMOTIUS 3:15

sollanna punna tenapa nakulinta' battu, nuasseng memammi angkana antekamma bateta musti attallasa' salaku ana'-ana'Na Allata'ala, iamintu jama'aNa Allata'ala mattallasaka. Iaminne jama'aka a'jari sanrapang benteng panjarrekinna siagang pattumpa'na katojengang battua ri Allata'ala.

IBRANI 1:2

Mingka anne ri kala'busang jammanga, a'bicarami mae ri katte tete ri Ana'Na. Tete ri Iami anne Ana'Na naNapa'nia' sikontu linoa siagang bonena. Siagang Napattantumi Allata'ala angkanaya Ia tommi anne Ana'Na siratang angkammai sikontu apa-apa niaka.

IBRANI 10:19

Jari sari'battangku ngaseng, kamma-kamma anne barani maki' antama' ri Kamara' Kaminang Matangkasaka, lanri kamateanNa Isa.

IBRANI 10:21

Na kamma-kamma anne nia'mo imang lompota, anjagayai Balla'Na Allata'ala.

IBRANI 10:23

Paralluko anna'gala' jarre' mae ri panrannuang le'baka nimangakui, nasaba' tappakki' angkanaya laNarupai janjinNa Allata'ala.

IBRANI 10:35

Lanri kammana, teako tappu' panrannuangngi. Nasaba' punna jarre' tappa'nu, nia' pahala lompo untu' ikau!

IBRANI 11:1

Tappa' battuanna matappa' tojeng-tojeng mae ri apa-apa nirannuanga; battuanna mattantumi panrannuanta ri apa-apa tanicinika.

IBRANI 3:14

Ikatte anne bela sipanjama-jamanna ngasengki' Almasi, assala' tuli nita'gala' jarreki katappakkang niaka ri katte battu ri uru-uruna sa'genna kala'busang.

IBRANI 4:11

Lanri kammana, mae mako nakiattojeng-tojeng usaha untu' antama' ri anjo tampa' pammari-mariang Napa'janjianga Allata'ala. Teako niakki manna sitau tanggappaya sangkamma ke'nanga riolo, lanri tenana natappa' mae ri Allata'ala.

IBRANI 4:14

Iaminjo saba'na kimusti anna'gala' jarre' mae ri pangakuang katappakkanta. Nasaba' nia' Imang Malompota, le'bakamo antama' sa'genna ri dallekanNa Allata'ala – iamintu Isa, Ana'Na Allata'ala.

IBRANI 4:16

Lanri kammana, mae mako nakipa'baraniang kalenta andallekang ri Allata'ala, baji' pa'maika ammarenta. LaNakamaseangki' siagang laNabarakkakiki' Allata'ala sollanta akkulle anggappa pannulung ri sitabanna le'ba' wattunna.

IBRANI 6:11

Kikellai sollanna tuli massing lompo sumanga'nu sa'genna kala'busang, sa'genna akkulle nutarima anjo apa-apa numinasaia.

IBRANI 6:18

Anjo ruaya passala' takkulleai lamminra; tena olona la'balle-balle Allata'ala ri janjinNa siagang sumpaNa! Lanri kammana, ikatte tau a'la'langamo irawanganNa Allata'ala, nikellaiki' anna'gala' jarre' mae ri panrannuang niaka ri dallekanta.

IBRANI 7:19

Takkulleai hukkung agama Yahudia ampa'jari sukkuki baji'na se'rea apa-apa. Lanri kammanami anjo nakinisaremo kamma-kamma anne panrannuang la'bi bajikanganga; iaminjo patteteang nakiakkulle a'reppese' mae ri Allata'ala.

1 PETRUS 1:8

Mangngamaseangko ri Ia, manna pole tanucinika riolo. Siagang tappakko ri Ia manna pole tanucinika kamma-kamma anne. Iaminjo saba'na nanurannu, siagang nanukasia' karannuang mala'birika siagang sukkaraka nicarita.

1 PETRUS 2:5

Ikau sanrapang ngasengko batu-batu mattallasaka. Lanri kammana paralluko ampassareangi kalennu untu' nipake ambangung Balla' rohaniNa Allata'ala. Lalang kammana anjo a'jari mako imang-imang mae ri Allata'ala lalang ri katallassannu; siagang tete ri Isa Almasi angngerang mako koro'bang rohani mae ri Allata'ala, iamintu koro'bang nitarima bajika ri atinNa Allata'ala.

1 PETRUS 4:17

Narapi'mi wattunna laNaadeli Allata'ala linoa. Na Umma' KalenNa Allata'ala laniadeli la'bi riolo. Jari punna lappakkaramula angngadeli Allata'ala ri katte, antekammami kajarianna sikamma tau tenaya natappa' ri anjo Kabara' Baji' battua ri Allata'ala?

PAPPICINI' 2:18

“Untu' mae ri malaeka'na jama'ah Tiatira, tulisiki kamma anne: Iaminne pappasang battu ri Ana'Na Allata'ala, a'rinra-rinraya matanNa sangkamma pepe', siagang accayaya bangkenNa sangkamma tambaga nitunua.

PAPPICINI' 2:25

Mingka ri sa'gengKu battu sallang, paralluko tuli angkatutui apa niakamo ri kau.

PAPPICINI' 2:26

Ia ammetaya, siagang sa'genna kala'busang tuli nagaukangi erokKu, laKusarei koasa sangkamma Kutarimaya battu ri ManggeKu. Lannarimai ke'nanga koasa siagang takkang bassi; kammayatompa untu' langngancuruki bansa-bansaya sanrapang uring tanaya.

PAPPICINI' 3:11

LalintakKa' battu! Jagai baji'-baji' apa niaka ri kau ngaseng, sollanna tena tau maraeng akkulle angngalleangko anjo hadia nubetaya.